10大媽媽最想要的母親節禮物推薦排行榜 2020
2020年母親節就在即將來臨的星期日，爸爸們又要諗送咩母親節禮物畀老婆同自己媽媽！不過正所謂「女人心，海底針」，每年想準備啲驚喜嘅禮物畀太太，太太總係唔太鍾意，直接問太太想要啲咩？又會俾佢投訴無誠意！但其實佢哋想要嘅嘢好簡單，據我們調查所得，最緊要實用，保養品、按摩椅、花等等⋯⋯即為大家倒數十位，第一位更加係唔使錢！即睇2020年母親節禮物排名。
10件媽媽真正想要的母親節禮物
第10位：花
花排到第十位，就知道唔係幾受歡迎啦！好多女人都會叫老公唔好買花，因為好嘥錢，但如果送細細紮嘅小文青花束浪漫得嚟又唔貴，再唔係好似鬼怪咁送棉花都不失為一個好選擇，$100蚊可以買到細細紮，又可以Keep得耐啲！
第9位：手袋、香水
雖然好多媽媽都話唔想要手袋，但都係因為未必揀得啱媽媽的心水，所以如果要送手袋，就要問清楚到底媽媽鍾意咩款式先送啦！雖然無咩驚喜，但好過買完返嚟佢又唔鍾意啦！
第8位：扮靚、保養療程
媽媽每日要湊仔，非常花心神，送俾媽媽扮靚、保養療程都係一個唔錯嘅選擇，等媽媽們可以休息一下，容光煥發！
第7位：家庭用品
媽媽每日又要湊仔，又要做家務，不如送啲實用嘅家庭用品俾媽媽啦！例如送煮食家電用品、或者直立熨斗，可以減輕太太做家務嘅負擔！
第6位：心意卡、小朋友畫作
對於媽媽嚟講，囝囝/囡囡親子畫嘅畫/心意卡比起任何物質禮物都更加感動！
第5位：仔女一覺瞓天光
初生BB嘅媽媽最想要就係呢份禮物，仔女一覺瞓天光係每個媽媽嘅夢想，因為仔女能夠一覺瞓天光，即係代表自己都可以一覺瞓天光！
第4位：唔使煮晚飯
作為媽媽，每日都要煮飯，趁著母親節比媽媽放個假，爸爸們可以同仔仔一齊下廚煮飯比媽媽食，一定非常難忘！
第2位：一個難忘的經歷
好似好抽象，其實好簡單！一家人去遊船河、睇日落、甚至喺屋企到整嘢食，都已經係一個浪漫又難忘的經歷啦！
母親節禮物第1位：放假
對於媽媽嚟講，比起一切禮物，反而放一日假，咩家務都唔使做，唔駛煩湊仔，真真正正有一日好好放鬆休息下，已經係最大嘅禮物！爸爸們，識做啦！
