洪永城 梁諾妍 湊女

洪永城「變胖」撞樣馬東石!孖梁諾妍甜爆玩濾鏡、在家做湊女公只瞓三粒鐘

熱話

廣告

洪永城 於去年二月向梁諾妍求婚成功,同年七月於尖沙嘴舉行婚禮,直到年底12月 23日女兒Amber在港安醫院出世,洪永城終於榮升爸爸,囡囡跟他如餅印般。近日洪永城在社交平台上載同老婆梁諾妍自拍的短片,被指撞樣參演《屍殺列車》、《永恆族》的韓國著名男演員馬東石。

洪永城做湊女公無冷落老婆 玩變胖濾鏡竟似馬東石

洪永城自囡囡Amber出世後,就成為湊女公,他自嘲是夜間餵奶員,一日只睡了三小時:「乖乖,食多啲食多啲,咁你就可以瞓覺好㗎啦,你瞓得好我又瞓得好,大家開心啦 amber 。唔好咁樣望住我,我都係為你好。嗱,尋晚一次過瞓三粒鐘,今次試吓四個鐘得唔得先!」

洪永城也有偷懶的時候,試過自己在梳化上午睡,他笑言叫狗仔Molly幫手照料女兒,玩公仔、唱歌、掃風,還表示遲點會教牠怎樣換尿片、餵奶。洪永城又試過買熊仔公仔陪女兒:「爸爸成日出去做嘢,陪唔到你,唯有買隻熊仔,呢個洪仔會無時無刻,守護住你,不過如果有時太攰唔好介意。」老婆梁諾妍質問洪永城有沒有辛苦作為媽媽的她,洪永城竟然答:「要講㗎咩? 」不過他事後都有公開示愛:「無論你眼裡有無我,我都只有你。」算他識做。

洪永城和梁諾妍湊女雖然很忙,但二人都識得忙裡偷閒。洪永城昨日(24日)在Instagram上載一條短片,片中他與梁諾妍開啟了IG濾鏡,假裝吃冬甩吃到「變胖」,有網民認為洪永城「變胖」後激似馬東石。

梁諾妍運動健將名校出身 考獲三個教練牌

梁諾妍現年34歲,曾就讀名校聖士提反女子中學,入選香港女排青年軍,曾代表香港到北京出賽。及後她到加拿大升學,畢業於當地知名學府多倫多大學經濟與媒體研究學系。

梁諾妍 洪永城
梁諾妍曾入選香港女排青年軍,代表香港到北京出賽。(圖片來源:IG@inez_leong)

梁諾妍一向都熱愛做運動,考取長跑、健身、高強度間歇訓練運動三個教練牌,而且有六個亞洲運動及體適能專業學院證書,經常到不同國家參加馬拉松比賽,17年開設個人健身工作室。

梁諾妍自從與洪永城拍拖後,便擔任私人教練,每晚捉住洪永城跑步,鞭策他做運動,令洪永城身體更加健康。

梁諾妍懷孕跑八公里被網民鬧爆

梁諾妍身為運動健將,以往即使正在懷孕仍堅持跑步,花了54分59分完成夜跑八公里後自拍打卡,留言表示:「輕鬆8k」。

梁諾妍 洪永城
梁諾妍懷孕跑八公里被網民鬧爆(圖片來源:IG@inez_leong)
梁諾妍 洪永城
梁諾妍懷孕跑八公里被網民鬧爆(圖片來源:IG@inez_leong)

不過有聲稱自己做醫護行業的網民指責梁諾妍不應該在懷孕期間跑步:「你唔係大肚嘅咩?咁對你個細路,攞個肚嚟博,一啲都唔錫佢。」、「跑少九個月會死咩?」、「咁樣太危險。」他還指出懷孕期間,媽咪的身體變化會直接影響到腹中的寶寶,跑步單車等劇烈運動會造成顛簸,產生強烈的震動,容易造成流產或早產:「我們醫護人員建議最好選擇一些動作比較緩慢平穩的運動,比如散步、慢舞等。」最後那位網民表示自己都是為梁諾妍好才會好心提醒,又留言斥責其他跑開步的媽媽自私、沒有醫學常識,引發罵戰。

亦有網民就叫梁諾妍不要太相信醫生的說話,勸她停止跑步:「醫生好多嘢都唔會包㗎,我都堅信你好好運,不過唔好博喇,可以好多運動選擇啫。」甚至有網民表示:「咁樣好易小產,為人母親咁都唔識?有無常識。」

梁諾妍 洪永城
梁諾妍懷孕跑八公里被網民鬧爆(圖片來源:IG@inez_leong)

梁諾妍冷靜回覆 勁高EQ

梁諾妍面對網民質疑,很冷靜地回覆,解釋自己已諮詢過醫生意見才會繼續跑步:「醫生話未懷孕前已經有跑開步,到懷孕後繼續跑步唔會影響胎兒,仲可以幫助到胎兒健康發展,你都可以research多啲關於懷孕跑步資料。」最後梁諾妍還加了笑臉表情,非常友善。

另外一邊廂有些同樣有跑步習慣的媽媽級網民支持梁諾妍繼續跑步:「大肚一定要瞓床?」、「相信你會知自己狀態, 媽媽一定係最錫BB嗰個。」梁諾妍說:「謝謝你,知音同路人。」其他人則出於好意關心她的身體狀況,叫她萬事小心、保重身體,不需要理會批評,又提醒大家要體諒孕婦心情,說話留一線:「佢哋無了解無認識,繼續做好自己。」

梁諾妍 洪永城
梁諾妍冷靜回覆勁高EQ(圖片來源:IG@inez_leong)

梁諾妍舉出懷孕運動三大好處 洪永城:小心啊

其實梁諾妍在懷孕頭兩個月就因為胎兒不穩定曾經停止跑步,改為行山,等待穩定後就轉做慢跑六至八公里,身體未有不適:「唔跑反而唔舒服。」梁諾妍又舉出醫生的專業說法,指無論備孕還是懷孕的女士都要做運動,當中有三大好處:「醫生都好建議其實跑開步/做開運動的女士懷孕後更應該要繼續做適量運動。正在備孕的朋友仔更加要有做運動的習慣,有健康的體魄更容易成功受孕,佗BB都無咁辛苦 ,生嘅時候無咁痛苦…大家唔好因為有BB就做懶惰仔啊!」老公洪永城就好擔心:「小心啊小心啊,唔好跑咁快啊,慢啲慢啲,睇住啊!」

洪永城和梁諾妍什麼時候結婚?

洪永城於去年2021年2月向梁諾妍求婚成功,同年7月於尖沙嘴舉行婚禮… 詳情請看

洪永城和梁諾妍的女兒什麼時候出世?

洪永城和梁諾妍的女兒Amber在2021年底12月23日在港安醫院出世,洪永城囡囡跟爸爸如餅印般… 詳情請看

圖片來源:IG@guruhung、IG@inez_leong