研究

有壓力唔使驚!研究:諗住另一半即可1秒減壓

熱話

廣告

生活中,每個人都會遇到唔同嘅事而令人焦慮暴升,作為媽媽嘅好似又要做家務,又要照顧小朋友,一定有唔少壓力,如果係在職媽媽嘅話就更大壓力。不過,近日美國就有研究指出,要極速減壓其實好簡單,只要諗另一半就可1秒減壓,快啲一齊睇睇點解啦!

撰文:Kammy|圖片來源:Instagram,unsplash

研究:諗伴侶嘅樣可1秒減壓

近日,美國亞歷桑那大學(University of Arizona )喺 Psychophysiology期刊上發表論文指出,要舒緩恐慌與焦躁不安,只要幻想另一半嘅樣就可以緩解壓力。

實驗入面,搵嚟102 位試驗者,佢哋會隨機分成三組以完成任務:1)另一半人在現場陪伴、2)伴侶雖然不在現場,但應測試人員要求在腦中諗住另一半嘅樣貌、3)冇伴侶陪伴,而且要按照指示強迫想像一整天所發生嘅雜事。

試驗者被要求將腳浸入攝氏3度嘅水入面4分鐘,以確認每位試驗者感受到壓力,而研究人員更會喺實驗前、過程中及結束後分別測量佢哋嘅血壓,以及心率變異。

研究結果發現,有伴侶陪伴嘅試驗者,面對壓力時血壓升高嘅反應比冇人陪嘅試驗者低。不過,第二組雖然冇伴侶陪伴,但佢哋單憑想像對方嘅樣,令血壓升高速度變慢,而且達到第一組人相似嘅實驗結果,有效舒緩不適。

另外,研究又指,處於浪漫關係中嘅伴侶都可以支持自己嘅健康!

想著「重要的人」亦可減壓

研究指,遇到壓力時,其實就算唔係諗住伴侶,都可以試諗下「重要嘅人」,好似家人、朋友等,只要靠著腦中召喚佢哋嘅樣,都可以做到相同效果。

所以如果媽媽們感到有壓力時,除咗可以諗自己老公之外,都可以諗自己嘅小朋友㗎!

如果下次大家遇到壓力,又或者感到焦慮緊張時,不家都可以不妨試下呀!如果當下真係覺得安心唔少,更代表對方真係個好值得珍惜嘅人添!

參考資料:衛生處網頁