港媽

港媽街頭教仔:唔想好似叔叔咁辛苦就努力讀書 運石油氣叔叔大方53字回應

熱話

廣告

孩子做出無禮行為就會變得沒那麼討喜,因此,不少人都認同父母身教是孩子最好的示範。有任職石油氣運輸業的網民日前發文分享,指他工作期間偶遇一對母子,兒子對石油氣罐感到好奇,港媽卻告誡兒子說要畀心機讀書,才不會像他一樣辛苦。樓主聞言沒有生氣,反而即場大方回應,獲得網民一致讚賞。

港媽街頭無禮教仔:唔想咁辛苦就畀心機讀書

任職石油氣運輸工作的網民在facebook群組「大埔人大埔谷」發文,指近日在街上以手推車運送石油氣罐時,遇上一對母子。男童看到石油氣罐感到好奇,向媽媽問道:「呢啲咩嚟㗎?」港媽解釋:「呢啲叫石油氣,好重㗎」。

港媽
(圖片來源:TVB《愛·回家之開心速遞》劇照)

於是,男童繼續問道「咁叔叔咪好辛苦?」,港媽把握機會當場教仔:「你唔想好似叔叔咁辛苦就要畀心機讀書」。

港媽
(圖片來源:TVB《愛·回家之開心速遞》劇照)

石油氣叔叔54字大方回應

站在一旁的叔叔聞言未有生氣且大方回應,耐心對男童說:「叔叔就係細個無讀書,大個咗就做運輸,做到運都輸埋。你唔想同叔叔一樣咁辛苦,就要好好讀書,大個咗就唔會咁辛苦,記得做個好人。」事後他於帖文自嘲:「其實送石油氣又有咩好怕喎,生命無希望,前路唔使創」。

港媽
(圖片來源:facebook群組「大埔人大埔谷」)

網民反應兩極

帖文引來網民討論,樓主大方回應獲得網民讚好。不過,不少人認為港媽行為無禮兼說話難聽:「其實讀唔讀到書,同大個做咩工係無關係,大學生都可以洗碗,唔應該咁教個小朋友」、「缺少同理心同感恩,做人係要心地好」、「職業無分貴賤 呢啲老母真係教壞人」、「咁樣教仔,大個唔識尊重,見高拜見低踩」。

但仍有部分人則認同港媽說話有理:「無錯。唔通讀好書做乞兒咩,錯就唔應該當面指住人講, 無禮」、「係難聽啲囉,但有乜錯」、「事實係你無學識就低人工,無錢生活質素自然低」、「職業無分貴賤就唔會人工有分高低啦」、「無話低級,係辛苦啫」。

常見問題

石油氣叔叔如何以54字大方回應?

站在一旁的叔叔聞言未有生氣且大方回應,耐心對男童說:「叔叔就係…詳情請看

網民點睇石油氣叔叔同港媽嘅回應?

不少人認為港媽行為無禮兼說話難聽,其實…詳情請看

關鍵詞
港媽育兒
圖片來源:facebook群組「大埔人大埔谷」、TVB《愛·回家之開心速遞》劇照

你又點睇?