潮媽要識!男仔女仔都like!小朋友界Hit爆小馬寶莉懶人包!@Parent婷

潮媽要識!男仔女仔都like!小朋友界Hit爆小馬寶莉懶人包!@Parent婷

我哋成日要小朋友「點點點」、「做做做」,查實家陣啲小朋友又醒目又聰明,有自己一套想法,作為媽咪爸B,你又知唔知家吓小朋友界Hit啲乜先?Parent婷我都係上年先有個驚人發現,當我以為個囡仲鍾意同公仔換衫仔時,原來已經out晒,囡囡已過檔做「小馬迷」!呢幾隻Pony究竟係乜嚟?點解由美國紅到嚟香港?電影同電視卡通都賣個滿堂紅!即刻等Parent婷醒你個懶人包,知道My Little Pony多啲,就唔會同囝囡有代溝!

Presented by:Hasbro

(相片由客戶提供)

速讀!超人氣可愛小馬寶莉成員!

小馬寶莉卡通源於一套名為《My Little Pony: Friendship Is Magic》嘅美國卡通片,故事圍繞一隻勤力獨角獸小馬「紫悅」(Twilight Sparkle)的故事,佢嘅導師宇宙公主(Princess Celestia)交托不同任務畀佢執行,從而學習關於友誼的知識。故事中她有5位小馬好朋友,包括蘋果嘉兒(Applejack)、碧琪 (Pinkie Pie)、柔柔(Fluttershy)、雲寶(Rainbow Dash)及珍奇(Rarity),佢哋一齊四出歷險,仲要懲惡揚善,係互動與衝突中學習解決困難嘅方法,發展出珍貴的友誼。

小馬寶莉
媽咪要識,究竟呢幾位小馬叫乜名?
(左起)珍奇(Rarity)、柔柔(Fluttershy)、紫悅(Twilight Sparkle)、雲寶(Rainbow Dash)、碧琪 (Pinkie Pie)

點解小朋友咁鍾意,原來係…

個個卡通片都係咁色彩繽紛、角色造型可愛,點解My Little Pony可以突圍而出?呢個同故事內容有莫大關係!自從囡囡成為「馬迷」,發現開始返學、有「social life」嘅囡囡,以前好怕醜,唔敢主動識朋友,而家竟然會主動去幫助其他小朋友,伸出友誼之手!為此Parent婷特別陪囡囡去睇《小馬寶莉大電影》,就連我都深深被呢幾個小馬迷住!故事主線講小馬之間嘅友情,原來對於小馬嚟講,「友誼」有神奇魔法,情節仲會教小朋友「點樣鞏固友情?」、「點同朋友相處?」、「遇上困難點樣去幫朋友解決?」……呢短短兩個鐘嘅電影,就成為小朋友成長嘅重要學習模式,原來Parent婷嘅小女兒就係入面學到唔少同同學仔相處嘅方式,唔怪得同好朋友關係愈來愈好呀!

除咗友情,故事仲會帶出正義、團結、善良等等正面訊息畀小朋友,等佢哋可以積極嘅態度面對人生,學懂獨立思考及面對各種問題,絕對係「正能量卡通」呀!

小馬寶莉
上年聖誕節《小馬寶莉大電影》一出,即刻成為小朋友界熱話,Parent婷當然有陪囡囡去睇喇!估唔到連我都覺得好好睇,套戲由林嘉欣、欣宜等配音,生動有趣,兩小時絕無悶場,唔怪得小朋友咁like呢幾個小馬喇!
(相片由客戶提供)

小馬寶莉唔止係卡通!周邊商品多不勝數!

小馬寶莉嘅卡通係小朋友最愛嘅節目,玩具更係佢哋最愛!仲有衣服、文具、背囊…一系列周邊商品都係小朋友最Like,媽咪唔好淨係識買公主喇,小馬寶莉至係而家小朋友界最hit產品呀!

小馬寶莉
最近Baleno都有同超人氣小馬My Little Pony合作,推出一系列童裝,小朋友可以隨時隨地有「小馬」陪住,就更開心興奮,媽咪們出發去掃貨喇!
唔止衫,就連快圖美都有推出「自訂」小馬系列,係唔同商品可以印上小朋友個名,夠晒獨一無二,等Parent婷都即刻訂番個水壺先!
唔止衫,就連快圖美都有推出「自訂」小馬寶莉系列,係唔同商品可以印上小朋友個名,夠晒獨一無二,等Parent婷都即刻訂番個水壺先!

仲有好多好玩嘅小馬寶莉玩具呀!Parent婷囡囡見到一定雙眼發光!

全球瘋狂!死忠粉絲自組「馬迷會」

你以為只有小朋友先鍾意小馬寶莉,錯晒媽咪,My Little Pony而家熱爆全球,唔係細路,男男女女大朋友都like,唔止IG有超多my little pony忠粉,香港都有熱血粉絲組成「香港小馬之家.Hong Kong Bronies Club」粉絲會,齊齊喺社交平台share心頭好同提吓朋友們幾時有新片上,就好似小馬們咁團結齊心呀!

這個「香港小馬之家.Hong Kong Bronies Club」係一個香港小馬組織,成員們會互相交流一下收藏品,又會提下大家幾時有新片上,好溫馨呀!

「香港小馬之家.Hong Kong Bronies Club」:https://www.facebook.com/groups/MLP.HKBC/about/

 

更多精選內容