熱氣必飲 蘋果雪梨蜜果茶 CentralEditor_Kiss Sep 7 2017 - 19:26 有時間當然要煲啲滋潤涼茶飲吓,依嗰 蘋果雪梨蜜果茶 就啱哂啦。其實蘋果雪梨加埋就已經好滋潤,不過加埋麥冬同羅漢果就可以清熱潤肺,而且仲可以舒緩喉嚨,所以將依幾樣食材加埋一齊,仲唔係可以滋潤降火。 閱讀全文 撰文:小小豬的成長日誌 圖片:小小豬的成長日誌 材料: 紅蘋果4個、雪梨4個、雪梨乾4片、無花果4個、羅漢果半個及麥冬一両(一兩相等於37.5g) 點解要用雪梨乾?其實初時我都未有諗住加雪梨乾,不過買材料時同藥材店職員傾計,點解煲雪梨茶時總係有丁點酸味。店員就話新鮮雪梨就算去清晒啲芯都一定係有少少酸,依個就係新鮮雪梨特性,只要加幾片雪梨乾就可以中和返那一陣微酸味。見都係啲簡單事,所以我又試下加少少啦~ 做法: 唔怕長氣都要再提一提,煲湯最好就係用蛇果,同埋要係洗蘋果前會用刀刮一圈,刮走那一層果蠟,咁連皮煲湯時就可以飲得安心啲啦~ 蘋果刮去那層果蠟之後,洗淨去芯切塊~ 雪梨同樣洗淨去芯切塊~ 羅漢果洗乾淨之後搣到細細粒;其他材料就浸洗備用~ 煲內放入4公升水,隨水將所有材料加入煲內~ 待水滾後,用大火加蓋煲約15分鐘~ 然後轉慢火加蓋煲多1小時~ 最後再焗15分鐘,隔渣後就可以飲得啦~ 雖然加左羅漢果及麥冬依啲比較濃味嘅材料,不過入口一啲都唔重味,只係飲到好香嘅蘋果雪梨味。另外加左雪梨乾一齊煲,入口又真係少左那一陣微酸味,而且雪梨味仲更加特出,效果又真係唔錯。睇嚟下次煲雪梨時都可少少雪梨乾,咁就可以更加好飲啦! 溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀! BY 小小豬的成長日誌 關鍵詞蘋果雪梨蜜果茶 更多精選內容【今晚食乜餸】簡易版瑞士雞翼食譜muji ma18 Jan懷舊芝麻卷食譜-腸粉機2分鐘整完Kiss - 食譜5 Jan口罩除定戴?港媽為1歲BB除口罩影相惹爭議 5招令小朋友乖乖戴上口罩Kiss - 生活18 Jan【今晚食乜餸】雲耳肉絲炒上海年糕Kiss - 食譜14 Jan【今晚食乜餸】簡易版瑞士雞翼食譜懷舊芝麻卷食譜-腸粉機2分鐘整完口罩除定戴?港媽為1歲BB除口罩影相惹爭議 5招令小朋友乖乖戴上口罩