特殊兒童港鐵踢親伯伯 媽媽道歉8次 兒子仍被打

特殊兒童港鐵踢親伯伯 媽媽道歉8次 兒子仍被打

「唔係年紀大就可以為所欲為!」有人蝦自己小朋友,作為父母點可以容忍!今日網上流傳一條影片,一位媽媽在金鐘港鐵站與港鐵職員爭論,疑因一位伯伯不滿有特殊需要的小朋友踢到他,而出手打小朋友,小朋友的媽媽表示連續說了八次對唔住,但伯伯沒有理會,更即時跳上車逃走。小朋友的媽媽認為港鐵職員存心放走伯伯,聲淚俱下表示,「我個特殊小朋友踢到你,真係對唔住,但你唔可以特登打佢。公義唔係咁樣㗎,唔係年紀大就可以為所欲為!」

 

撰文:Sunday Kiss
影片截圖:香港突發事故報料區

特殊兒童港鐵踢親伯伯 媽媽道歉8次 兒子仍被打

今日下午,一位媽媽正拖着一名約6歲的小孩,與一名老伯曾發生爭拗,老伯其後疑出手打小朋友後上車逃走。被打小童母親質疑港鐵職員任由老伯離開,而港鐵職員指當時曾勸籲男乘客留在月台但遭拒絕,更表示:「我唔可以扣留個客」,因此放走老伯。但女子隨即反駁:「如果佢係犯咁點?打劫非禮你放佢走呀?」職員嘗試安撫她,指會叫個客在下個站落車,但仍未平息婦人的怒火。

該位媽媽指小朋友不小心整到伯伯,伯伯疑不滿,所以出手打小朋友。「佢一嘢打落我個仔度,講咗8次伯伯對唔住…我個仔踢親你,個仔踢親你唔小心,但你打佢係特登!」媽媽更眼泛淚光指孩子原來有自閉症,才不自知撞倒老伯,媽媽更指車上的乘客均認為是小朋友媽媽的錯:「成架車話我蝦個老人家」。片段事後被上載到Facebook群組「香港突發事故報料區」。

發文者留言表示:「真心覺得個媽咪好慘,湊住個特殊小朋友已經好辛苦,仲要睇住自己個小朋友俾人打無人幫到手,希望當時有目擊到個老人打小朋友過程嘅人可以提供下資料,幫下個媽咪還佢一個公道!」警方發言人回覆指,因警員到場後,發現涉事男子已離開現場,報案人指不再追究,事件列作糾紛案處理。

網民留言

其實個媽媽都係心酸啲人唔幫佢都算,仲要走去加把口話佢,自己個仔俾人打 唔通唔出聲?就算個細路踢親阿伯唔啱,都唔代表個位阿伯可以打人。

冇人幫都算喇!個職員片頭仲要喝狗咁喝,依個媽媽肯出聲啫,怕事嗰啲俾條友喝一喝返去攬住個仔自殺都唔知點算!

唔怪得咁多虐童,細路無反抗能力! 男人老狗,蝦婦孺!

有特殊兒童的家長留言表示也遇過類似的個案

呢類野我地都遇唔少,真心希望大家包容多一點,我地呢類照顧特殊需要小朋友嘅家長通常都係忍忍忍但總有好似呢位媽媽爆嘅時候。佢講得啱唔小心整到你,佢個小朋友唔識講對唔住但作為媽媽佢已經代個仔講對唔住,作為大人你反過來特登打個小朋友… …

 

 

 

關鍵詞
特殊兒童

你又點睇?

更多精選內容