狗年星B大集合 2018喜事多籮籮

狗年星B大集合 2018喜事多籮籮

剛剛邁入新的一年,唔少藝人喺今年都陸續宣布有喜。2017年都可以話喜事多籮籮,不少明星都決定拉埋天窗,喜氣似乎延續至狗年,有新婚家庭進入人生新階段,亦有多仔家庭開心宣布懷二胎三胎。現在就帶大家係新年沾沾喜氣,一起盤點一下有哪些狗年星B啦!

撰文:Sunday Kiss

相片:藝人 @FB IG 微博

狗年星B大集合

1. 葉翠翠1月1號 開心宣布懷第二胎

囝囝小王子就嚟七個月大,葉翠翠喺開年第一日就宣布小王子就嚟做哥哥,真的是三年抱兩!

當日,翠翠在社交網站上載照片,寫到:「小王子好快做哥哥了!」佢仲話懷孕初期因妊娠反應血壓低,頭暈了差不多兩個月,但現在已經慢慢好起來,過去幾個月沒有太多胃口,幸運一直有非常注重保養調理,胎兒在十週時已經比正常大了一天,心裏才沒有這麼擔心!

狗年星b

狗年星b
翠翠五個月身孕,都依然不時接Job,相當勤力。

 

狗年星b
唔知係咪對得媽媽多,小王子越大越似翠翠。

 

2. 李漫芬 愛妻老公包攬所有家務

43歲TVB主持人李漫芬(Fanny)同圈外男友談成坤(Alvin)結婚,去年九月再宣佈造人成功,將會喺今年三月做爸爸媽咪啦!愛女心切Fanny仲透露自己已經為B女改好名!看來兩夫婦都好期待小寶貝降臨。

狗年星B
早前,李漫芬出席《溏心風暴3》宣傳活動,Fanny粗身大勢,同場藝人都好細心,扶佢上台落台。

早前李漫芬接受本刊訪問時表示,老公幾乎包辦家中所有家務及粗重嘢,而佢因為打算順產,所以不時上網睇分娩嘅短片,仲話「驚,但必需要經歷!」真係好勇敢!

3. 陳倩揚懷第三胎 一家4口開心迎接新成員

陳倩揚(Skye)與老公結婚7年,已經生咗羲廷同羲穎兩個囝囝。今年1月中,倩揚宣佈懷上第三胎,預產期係今年7月,幸福滿滿的一家4口開心迎接第5位家庭成員。

狗年星B
倩揚喺FB上大曬家庭合照,羲廷同羲穎兩兄弟用行動證明十分期待新生命來臨。
狗年星B
倩揚透露:「兩個哥哥已經非常期待弟弟或妹妹嘅來臨,佢哋仲開始將自己心愛嘅玩具、衣物分給BB,好有愛。」

屋企再添一員,倩揚話:「我同老公一直都都鍾意大家庭,所以都有計劃可以生多一個小朋友,我哋都好開心踏入新一年,可以同大家分享呢個好消息,我好感恩同珍惜能再做媽媽嘅緣份,感謝身邊每一位各位親友、粉絲、網友嘅祝福。」

狗年星B

4. Jessica C. 陀B五個月身材一樣咁Fit

靚媽Jessica C.同老公安志杰(Andy)於2015年馬爾代夫訂婚,前年三月未婚誕下囡囡Tessa,為人父母已經一年多,喺上年平安夜宣布懷上二胎,第二度做媽媽。
狗年星B

狗年星B
Jessica C.首度留港過聖誕 平安夜宣布再懷孕
狗年星B
Jessica C.喺社交網站上載一段影片,佢留言話:「Half way there!」。片中佢用手撫摸露出來的白滑肚皮,懷孕20周身材依然咁fit。

 

5. 熊黛林陀B 7個月晒最新孕照

現年37歲的Lynn去年與藝人郭可盈的弟弟郭可頌結婚,火速造人成功!早前不斷被傳媒拍到她找著名婦科中醫調理身體,又到書店挑選育嬰書,一早被人發現肚凸凸,只不過一直為公開宣佈。直至去年11月Lynn正式宣布懷孕,眨下眼佢已經陀B七個月啦!

狗年星B
有網民就話佢個肚咁圓,應該係陀女!又有人話Lynn個鼻大咗,似係陀仔,大家覺得呢?
狗年星B
熊黛林未嫁時已經融入郭家,成日出席男友家庭聚會,同未來奶奶姑奶關係好好。

有網民就話佢個肚咁圓,應該係陀女!又有人話Lynn個鼻大咗,似係陀仔,大家覺得呢?

狗年星B
早前經理人Kim就上載咗Lynn的最新孕照,仲寫到:「漂亮準媽媽」!又真係陀得幾靚喎!

6. 吳雨霏2月宣布陀B 5個月

吳雨霏(Kary)於2015年7月與「網球王子」洪立熙(Brian)結婚後,一直努力造人,今日終於傳來好消息!早前曾承受小產之痛,所以今次Kary陀得好小心,一早已經開始推Job,直到懷孕5個月先公開消息!
狗年星B

早前,佢喺IG分享寫到雅各書經文:「一切美好的賞賜和各樣完美的恩賜,都是從上面、從眾光之父降下來的。#5monthspregnant#bumpie#lovethisemoji🤰🏻 我們要當爸爸媽媽了!謝謝大家的祝福!」網友們紛紛送上祝福!

狗年星B

下頁情人節放閃 10對明星夫妻晒恩愛合照


你又點睇?

更多精選內容