曾志偉

獎門人曾志偉被兒子大爆私下愛好 曾做錯1事一晚派幾十萬畀陌生人

熱話

廣告

TVB《開心無敵獎門人》逢周日晚8點半,於翡翠台播映,每集「獎門人」曾志偉 的造型都會成為焦點,如扮動漫與卡通人物:阿Boo、安妮亞等,被網民大讚已近70歲仲好玩得,毫無怨言。其實他一生曾做過多樣誇張事,試過一晚派幾十萬畀陌生人?

曾志偉
(圖片來源:TVB《開心無敵獎門人》截圖)

原文刊於:More

「獎門人」曾志偉令上海李嘉誠等到半夜兩點

提及「獎門人」曾志偉喝醉累事的大事,確認千字文講述都不夠。早前曾志偉及曾國祥父子檔一同到馬時亨以及林以諾牧師主持的清談節目《 以時相聚》做嘉賓,是次是父子二人首次同場做訪談:「無乜人可以訪問到我哋兩個,唔係因為我哋懶,係因為時間好難夾到,佢(曾國祥)又唔係好鍾意幕前,佢鍾意幕後。」

曾志偉 圖片來源:TVB《 以時相聚》截圖
(圖片來源:TVB《 以時相聚》截圖)

節目上馬時亨跟曾志偉大談昔日往事,之後二人又再大爆在上海的一段經歷,曾志偉表示當時正在拍攝《十月圍城》,因馬時亨的一個電話想介紹生意給他,指身邊坐了一個上海李嘉誠,曾志偉立馬答應要飛奔過去。不過他剛拍完戲又在異地,難得跟一班久違老友午馬、元彪異地相聚,高興「飲大兩杯」。直到上車打算前往跟馬時亨會面時,他因喝醉,一上車就睡着,最終一睡就睡到另一天,他表示:「我好有誠意呀,照上車,但一上就瞓咗,但電話響無人聽,去到司機見無人接,又車返我去基地,搞到人哋等到半夜兩點,令佢失信於人。」

曾志偉 圖片來源:TVB《 以時相聚》截圖
(圖片來源:TVB《 以時相聚》截圖)

被兒子曾國祥大爆收藏18+漫畫

其後,兒子曾國祥再大爆爸爸曾志偉的私下愛好:「細個我同細佬就會摷我老竇啲嘢,佢唔喺屋企就會摷佢啲書呀,摷佢啲劇本,最開心就係摷到佢啲18+漫畫。」對此馬時亨感到驚訝,此時曾志偉即時解釋:「我哋拍戲要做資料搜集,拍到呢啲戲好多嘢我哋唔識。」

曾志偉 圖片來源:Weibo@曾國祥
(圖片來源:[email protected]曾國祥)

曾喝得太醉 一晚派幾十萬畀陌生人

其實曾志偉亦曾在其他節目被爆喝醉累事,於《講你都唔信》節目中,曾志偉由主持人變身嘉賓大講往事。他自己自爆喝醉往事可以出書,如他駕駛過的車都被他撞過,拍戲時候都可以睡著。多年前,洪天明的滿月宴上,他曾「斷片」足足八小時,當一覺醒來只記得自己在酒席吃的最後一道菜。同時不少人打來恭喜他,他頓時一頭霧水。透過一個朋友口中得悉,原來他醉前贏了很多錢,故在散場時向整個場地的員工逐個派錢,使他一個晚上花掉幾十萬,最後打開銀包只剩下港幣400元。

曾志偉 圖片來源:YouTube@SMG上海电视台官方频道 SMG Shanghai TV Official Channel 截圖
(圖片來源:[email protected]上海电视台官方频道 SMG Shanghai TV Official Channel 截圖)

爛醉後曾遭「剝光豬」

曾志偉繼續大談喝醉往事,曾經有一次他跟明星足球共度晚餐,一如既往喝醉,其他人見狀,即把曾志偉「剝光豬」。直到第二天,曾志偉發現自己在電梯口被一名清潔人員叫醒:「曾生,你好難睇啊!」真的是醉酒累事,未知他有無有打算考慮戒酒呢?

曾志偉 圖片來源:YouTube@SMG上海电视台官方频道 SMG Shanghai TV Official Channel 截圖
(圖片來源:[email protected]上海电视台官方频道 SMG Shanghai TV Official Channel 截圖

圖片來源:TVB《開心無敵獎門人》截圖、TVB《 以時相聚》截圖、[email protected]曾國祥、[email protected]上海电视台官方频道 SMG Shanghai TV Official Channel 截圖

你又點睇?