秋葵 鹽焗美味又健康

秋葵係一種好有益嘅食物,我自己都曾經喺街外食過一次,始終覺得佢個滑潺潺嘅感覺唔多鍾意。尋日上網見到有依個鹽焗秋葵食譜,用焗嘅方法可能會減少滑潺潺感覺, 所以就買一盒你試下啦!

 

秋葵 係紫色嘅?

係吉之島沖繩節入面見到紫色嘅 秋葵 ,店見姐姐話入口比綠色嘅會甜啲啲,再加上我又對沖繩有一個情義結,所以就買一包呢試下次啦~

秋葵 先洗淨抺乾,然後切去頭部及尾部~

之後用廚紙印乾 秋葵 ,盡量減少 秋葵 身上的水份~

將少少油、鹽及黑椒加入 秋葵 ~

拌勻之後就醃15分鐘~

然後放入光波爐,以低架以200度焗20分鐘~

話咁快就食得啦~

脆卜卜真係好好味,我一個人邊打文邊食,轉眼就已經KO晒啦~

依個整法真係令我對 秋葵 有所改觀,唔再係滑潺潺,依家脆卜卜就好似食緊薯片咁,真係要買多啲放係屋企,口痕痕時整嚟食,好過食薯片呀!

 

BY 小小豬的成長日誌

你又點睇?

更多精選內容