【網民熱話】與拍拖8年女朋友分手 好爸爸一招幫囝囝忘記煩惱

【網民熱話】與拍拖8年女朋友分手 好爸爸一招幫囝囝忘記煩惱

【網民熱話】囡囡係爸爸嘅前世情人,囝囝就係爸爸嘅知心好友!唔開心嘅時候同爸爸訴苦,爸爸總有辦法幫阿仔解決煩惱。最近有網民於討論區發文,表示自己同女朋友分手,非常傷心,網民爸爸知道後就用一招令佢忘記煩惱,網民表示覺得非常感動,表示係真正嘅「父子情」。

撰文:Sunday Kiss| 圖片: LIHKG截圖、thinkstock、《蠟筆小新》截圖| 編輯:K

好爸爸一招 幫阿仔忘記唔開心嘅事

最近連登討論區有網民發文,表示自己同拍拖8年嘅女朋友分手,拍拖8年女朋友2度出軌,覺得「留得住個人都留唔住個心 」,非常唔開心。食飯時同爸爸講,爸爸就話「人生係會有啲風浪唔會咁平穩㗎啦」,然後用電單車載住囝囝「遊車河」。

網民熱話
| 圖片:《蠟筆小新》截圖

「佢開車前問我坐過幾多次佢車,我話十次左右啦。點知佢一出左停車場就猛咁比油,我之前坐佢車都未試過咁快,我偷偷地望到最快去到140km/h,個頭盔啲聲變到達達達達…我個心情即刻舒暢哂」

| 圖片: LIHKG截圖
網民分享爸爸如何用特別的方法去安慰自己。| 圖片: LIHKG截圖

網民表示「遊」完車河後腦入面諗緊嘅已經唔係一直煩惱嘅感情事,而係心諗「會唔會炒車」,雖然危險,但好有效。網民表示好想同爸爸講:「老豆,好多謝你呀!」

網民表示爸爸用「危險」但有效的方法令自己忘記感情煩惱。| 圖片:《蠟筆小新》截圖

一眾網友就留言表示呢啲真係父愛,希望該網民可以好好珍惜爸爸。而該網民更表示爸爸同佢講「你放工無咩做咪過黎搵我睇戲食飯囉」。真係爸爸先明白點樣令阿仔開心返,父愛就係唔講出口密密地關心自己!

好多網友都表示樓主要好好珍惜爸爸| 圖片:《蠟筆小新》截圖
樓主表示自己同爸爸唔係一齊住,但好好感情。| 圖片: LIHKG截圖
另外有其他網民表示自己家人話會永遠支持自己| 圖片: LIHKG截圖

更多精選內容