麥當勞

翻版麥當勞?

熱話

廣告

遠遠看見一個鮮黃色大M,唔駛問連細路都知道係麥當勞,但如果你見到嘅係藍色嘅大M標誌,你覺得係咩嚟呢?唔通係翻版麥當勞?非也非也,因為世界上果真有一間藍色大M標誌嘅麥當勞!

呢間藍色麥當勞係位於美國亞桑利亞洲Sedona,係全球唯一一間由官方認可嘅藍色麥當勞,咁點解佢個logo係藍色唔係黃色?原來係因為當地以莊麗沙漠風景見稱,為咗唔比破壞景觀,有條法例規定唔可以有礙眼嘅標誌,麥當勞要喺果度做生意,都要遵守法規,所以經典黃色logo都要改做低調嘅藍色。

原來麥當勞就係因為要讓人一眼望見而用亮眼的鮮黃色,呢間藍色麥當勞可謂有啲諷刺,不過就係因為佢嘅特別顏色,令佢成為當地新的觀光景點,人人去到都要影番張相留念,其實咁樣都係另類宣傳呀!其他品牌唔知有冇考慮下效法呢?