老公最鍾意叫老婆睇開啲 網友:有冇人試過同奶奶嘈大交?

老公最鍾意叫老婆睇開啲 網友:有冇人試過同奶奶嘈大交?

婆媳紏紛係自古以來一直存在的問題,做新抱的很多時候都只可以吞聲忍氣,一來是不想大家吵架導致面阻阻,二來很多時候自己老公都是站在奶奶的一邊,佢自己「睇開啲」。最近有網民在討論區留言問「有冇人試過同奶奶嘈大交?」,指自己一直不敢反駁奶奶,引來不少網民回應和分享!

撰文:K | 劇集截圖

老公最鍾意叫老婆睇開啲 網友:有冇人試過同奶奶嘈大交?

最近有網民在討論區留言問「有冇人試過同奶奶嘈大交?」,她指出:「做人新抱,有起咩事上黎老公多數叫老婆睇開啲,就下老人家,明明係奶奶挑起事端,做新抱通常都忍。結婚之前好地地,結左之後就成日搵位挑釁,生左bb後,湊bb方式都有得嘈,有時都好谷氣,會喺老公面前呻,不過佢多數左耳入右耳出,聽完就算,我有時都想反駁奶奶啲歪理,唔爆都要話番佢一次,不過一諗到之後大家日後關係,又唔想老公難做,所以只係停留喺幻想階段咋 haha!有冇人試過爆奶奶?係唔係以後永不再見?老公支持你嗎?」引起一眾網民熱烈回應,紛紛分享「爆奶奶」經驗!

有冇人試過爆奶奶?

網民分享經驗

網民1:有個火爆親戚試過爆同住的奶奶,的確係奶奶了是非,覺得自己講嘅就係聖旨個老公叫佢就下老人家。耐左啦,頂唔順啦,佢鬧返奶奶轉頭,鬧鬧下佢奶奶拎餐具扔佢,佢都唔弱,扔返奶奶,個老公嚇到躲入房,之後佢老公買左膠嘅餐具。

網民2:一齊住,爆完都仲係一齊住緊….. 本身佢都係鐘意單單打打,一開聲就單打果類!間屋日頭得我同佢兩個人,我去完廁所,馬桶水箱無事,之後佢去….. 再之後我又有需要,入去見廁所水長流,望一望個沖水掣,凹咗落去唔升番上唻, fine~ 我揭開個水箱研究下整番好,我去完沖水無事啦…. 過一陣佢再去…. 之後我去澡涼,見到粒掣又凹咗唔彈番上唻!如事者…. 4次!老公返唻我同佢講水箱壞咗,我整咗幾次,佢又問番佢媽…. 佢媽堅持佢無撳過水箱掣,仲話係我整壞!我嬲到呢…..「係呀~ 屋企有鬼呀,唔洗搵廁所師傅唻整喇,搵師傅唻捉鬼啦!」佢仲問我洗唔洗咀講嘢!「屋企得我同你,又會次次係你用完先唔彈番上唻?!我次次整番粒嘢上唻,你用完又係咁,唔係你整丫嘛,咪有鬼囉,隻鬼跟住你入廁所等你用完,整壞粒掣,令我覺得係你整懷疑你囉!搵師傅捉鬼咪得囉,廁所掣唔會再壞,又唔會令到我屈你喇!」之後我砰門入房!

網民分享同奶奶鬧大交嘅經驗

網民分享同奶奶鬧大交嘅經驗

有網民認為最大原因是與奶奶同住

網民3:有無機會爆奶奶呢d要視乎個老公撐唔撐自己及係咪同屋住,相見好同住難,結婚初初試過同我奶奶住,最後要見心理醫生,頂唔住我奶奶啲陰招,之後我奶奶衝囗而出叫我同我老公&個女一齊搬走,當時我老公冇$,睇死我地唔會搬,點知我老公就即刻搵屋搬,我奶奶睇得自己太重要,佢後悔到極點,之後就怨我要搬出去,搶走佢個仔,直至而家一個月都有見佢一次當交功課俾我老公,一個月見佢一次我已經好抑鬱,如果一齊住我諗我會爆硬佢。

有網民覺得自己奶奶睇得自己太重要。

其實婆媳關係真係千古難題,但係學《BB來了》話齋,婆媳關係最後都係搞到老公,都明白點解佢哋成日叫老婆「忍」嘅!

婆媳關係最後都係搞到老公!

延伸閱讀:《BB來了》婆媳大戰避無可避! 6大婆媳紏紛共鳴位


你又點睇?

更多精選內容