老婆唔刻薄 張頴康 :佢照顧頭家 其實係好辛苦好偉大

老婆唔刻薄 張頴康 :佢照顧頭家 其實係好辛苦好偉大

早前 張頴康 同太太麥雅緻(Angie)出席商場活動時,提到老婆每日只俾$100零用錢自己,報道後卻被網民話Angie刻薄,又話:「咁大個男人,$100點使啊!」愛妻號阿康即出PO撐老婆,仲話:「一個女人要照顧一頭家,其實係好辛苦好偉大!就算我搵幾多錢俾家用,都彌補唔到佢為咗個家嘅付出!」小編都忍唔住插一句,咁好嘅男人邊度搵啊!

 

撰文:Fiona Fong
相片:張頴康 麥雅緻 專頁

張頴康出席商場活動時,被問到酬勞是否很豐厚時,他自爆其實唔知自己搵幾多,因為全部交晒俾老婆,老婆就會準備晒飯盒同入油,每日 都會俾返$100零用錢佢,仲笑言有時放工想買支酒飲,都要儲兩日先得。點知就俾網民大鬧!負面留言不斷!

網民留言

「做男人做到咁⋯⋯」

「好心唔好咁肉酸啦!」

17155737_1712649115693857_3440867312021823416_n

老婆俾人話,愛妻的張頴康出文為老婆抱不平!

以下是 張頴康 麥雅緻 專頁 全文

最近喺一次活動中,我透露咗我每日有$100蚊零用錢!報導出咗之後,有好多人覺得我老婆好似好嚴好刻薄!其實我想同大家講,呢$100蚊只係俾我用嚟買我自己嘅嘢,例如紅酒,零食,所以係絕對夠用嘅!但係大家唔知道,我老婆要用我哋嘅人工,去管理哂成頭家嘅所有駛費,例如供樓、買車、入油、屋企所有雜項嗰啲乜費物費、小豆嘅幼稚園學費、一日三餐等等等等…。而我係完全唔需要理,全部由我老婆一個人處理哂!

希望大家知道,一個女人要照顧一頭家,其實係好辛苦好偉大!就算我搵幾多錢俾家用,都彌補唔到佢為咗個家嘅付出!我聽日就要到內地拍戲一個多月,冇時間陪住我老婆!希望大家喺街見到佢,唔好再叫佢加零用錢俾我喇!仲有,我好想講,如果冇我老婆一直以嚟管理我嘅生活,唔好話$100零用錢,我諗我而家一定仙都唔仙吓!

sundayfamily_#290_03

呢個PO一出,網民紛紛讚好,仲大讚Angie持家有道!

網民留言:

「我完全唔覺得有問題wor…管理一頭家唔係易咖….我睇張太平時講嘢…都係一個平實嘅人…亦唔係一個大花筒….同一個男人一齊由未有好多名氣開始一直捱到而家,我唔信呢個女人係差咖囉……張生,你要加油呀!我細細個就睇你咖喇….張太,你都要加油呀~繼續幸福落去….」

「管一頭家的財政支出真係好辛苦, 支持你們一家」

「講得好,所有男人都應該向你學習,一頭家真的不易管理,有你的體諒,你老婆真的很幸福。」

「好男人,先會明白背後的女人,其實為頭家做左幾多嘢!讚!」

17022421_1714623272163108_5652757155335510259_n

 

早前阿康被網民大讚顧家好男人時,他坦言自己顧家是因為老婆好,「唔係一個男人想顧家就 顧家,都要老婆照顧得個家庭好,個女又聽話。」Angie又幫老公準備飯盒,又安排好家中的大小事務,連架車入油都係佢負責,令老公可以放心追夢!

 

更多精選內容