胡杏兒產後極速修身 囝囝坐BB車界勞斯萊斯
胡杏兒自今年10月誕下囝囝Brendan，坐月後已經馬不停蹄投入工作，不時喺Instagram分享工作照。從照片中見到杏兒產後已經極速修身，不少粉絲更大讚杏兒產後更加靚！日前，杏兒喺Instagram上載一張推住BB車嘅全身照，見佢已經回復纖巧身材，而且仲比以前更有女人味！
撰文：Sunday Kiss
圖片：myoliemyolie@instagram
胡杏兒產後極速修身
不少人懷孕「肥肚不肥身」，相信杏兒就是其中一個例子。在不夠兩個月內，杏兒已經極速回復懷孕前的纖巧身型，而且更比以前更容光煥發，莫非這就是為人母親的獨有
早前，杏兒在Instagram大晒帶Brendan去遊車河嘅照片，見佢身穿一身黑白格仔上衣，黑仔長褲配上皮靴，產後絕對不失風采。面尖尖嘅杏兒推住的BB車為英國皇室御用品牌Silver Cross，被譽為「嬰兒車界勞斯萊斯」，睇嚟Brendan人囝細細已經過住有如小王子般的生活！
杏兒坐月後已經逐漸恢復工作，不時見她分享工作照，似乎她也十分享受產後工作，不願安坐家中做少奶奶。
當然，一向重視姐妹情嘅杏兒亦有出席好姐妹姚子羚嘅生日派對，仲知道子羚熱心助人，選擇咗以捐款作為她的生日禮物，十分有心思！
杏兒祝福好姐妹生日快樂之餘，仲表示子羚好多方面值得人學習，包括她對動物的關懷、對茹素的堅持和她的一顆善良的心。
下一頁：《爸爸去哪兒5》 星B成長照大合集
