胡杏兒

胡杏兒1事嚇親陳敏之 被公開勁爆舊照!從無被老公呃過 大爆無奶奶無3個仔?

熱話

廣告

近日胡杏兒 接受陳敏之的邀請到其Youtube Channel節目《之心好友》做訪問,原來陳敏之與胡杏兒初見面時被胡的氣場震懾,然後有幸結緣,於婚後變成深交。在「快問快答」環節,二人很有默契,其間更爆出「唔敢同老公講」的說話。訪談尾端,陳敏之即興地要胡杏兒說出給20年後家人的說話,氣氛突轉為感性。

胡杏兒
(圖片來源:[email protected] 陳敏之 Sharon Chan截圖)

陳敏之害怕胡杏兒氣場胡杏兒多年後終解釋

在節目開端,主持陳敏之首先談及與胡杏兒之間的緣份,陳敏之細數自己於TVB的日子根本沒有可能缺少胡杏兒,原來她們於03年的劇集《下一站彩虹》相識,她開拍時知道第一女主角是當時極紅的胡杏兒,坦言好驚,全因為胡杏兒個人自帶的氣場:「你係有個氣場嘅,你係好認真,你有無覺得你做嘢好認真?」

胡杏兒馬上解釋自己之所以氣場大,是因為一個人——周公:「我係OK啦,嗰時淨係諗我幾時有得瞓覺同埋食飯呀,因為其實可能大家都知道,我地嗰個年代嘅Schedule(時間表)真係好恐怖,可以揸架車返去公司,去到停車場,望一望隻錶,真係唔得啦,我都係喺架車度瞓多五分鐘,先落去化妝。所以我覺得我個氣場係源於攰,係周公不斷咁搵我。」

胡杏兒 李彩華、胡杏兒、陳敏之左至右)
李彩華、胡杏兒、陳敏之(左至右)(圖片來源:TVB《下一站彩虹》截圖)
胡杏兒 陳敏之、李彩華、胡杏兒左至右)
陳敏之、李彩華、胡杏兒(左至右)(圖片來源:TVB《下一站彩虹》截圖)

陳敏之問到胡杏兒對自己的個人感覺:「胡杏兒小姐當時就同我度過咗我最第一套好緊張嘅劇,其實我當時嘅心情都好忐忑嘅,因為我爸爸啱啱過咗身嘅,其實我處於個狀態好down(低落),但公司又畀咗個好好嘅角色我,我又要勤力做嘢,要係事業上面衝,所以其實無人知我個底係咁啦。但依家我地可以share(分享) 番。你嗰時覺得我呢個人係點?因為我嗰陣真係好驚你,你覺得我點呢?」

胡杏兒
(圖片來源:[email protected]陳敏之 Sharon Chan截圖)

胡杏兒說出對陳敏之第一印象:「我覺得你好高、好瘦、好靚,我就同你係相反嘅,我就好矮、好肥、好唔靚。」陳敏之講到開初二人並沒有太多相處的時間:「但就無乜機會我哋一齊去食飯、去玩,嗰時我成日都同李彩華去,因為李彩華好大食,我不停放飯就係同佢食,而你就好認真。」胡杏兒解釋其實自己也十分大食。

胡杏兒
(圖片來源:[email protected]陳敏之 Sharon Chan截圖)
胡杏兒
(圖片來源:[email protected]陳敏之 Sharon Chan截圖)

陳敏之又大爆當時胡杏兒直批她說話和拍戲都不能有懶音﹐之後在車上教她說話:「你直情係話『我哋講嘢唔可以咁,演戲唔得咁!其實係講(gang2),唔係趕(gon2)』,跟住我就慘啦,我係連自己講錯都唔知。」感謝胡杏兒啟發了自己,胡杏兒回應:「所以你好驚我?我承認我以前係TVB嘅時候,個人係嚴肅啲,真係無時間覺得要好開心咁去交朋友 。我真係太攰啦,我想快啲拍完。」

胡杏兒認真地搞笑 被公開勁爆舊照

陳敏之與胡杏兒在工作上沒有太多的交流,反而是拍「下一站彩虹」後舉行的派對,令人二人拉近。陳敏之講到自己非常喜歡化妝舞會、扮鬼扮馬:「每年搞生日呢,我好鐘意dress code(衣著守則),好鐘意搞屎搞棍,跟住佢就爆啦。我就話其實嗰日我想扮吓唔同嘅character(角色),佢好認真,professional (專業)到我想到時搵番幅相,佢扮個隻係恐龍,直頭係樂團入面個啲呀,好大隻!」二人一齊爆笑。

胡杏兒
(圖片來源:[email protected]陳敏之 Sharon Chan截圖)

胡杏兒結婚之後,她們的友誼再度昇華,陳敏之笑言她們的老公感情好好,成為桌球夥伴,如今成為一同研究香水的調香夥伴:「突然間見你仲可以多過見屋企人,我記得我乜嘢都係問你,而家嘅胡杏兒點解會同我咁close(密切) 呢,仲昇華到成日見呢? 第一, 首先佢結咗婚之後,佢嘅伴侶就係Philip,咁佢就同咗我老公一齊啦依家。」

胡杏兒
(圖片來源:[email protected]

胡杏兒指老公從無呃佢 最愛是他

在節目中就舉行了一場快問快答,測驗一下陳敏之與胡杏兒的友情,導演首先問到:「對方邊一年結婚?」她們都得到正確答案,陳敏之:「2015」、胡杏兒:「2014」及後就問到:「對方最鐘意食啲咩?」雙方都不約同的答對大家愛吃日本菜。不過問到:「最怕食咩?」胡杏兒:「肥膩嘢啩。」而陳敏之則未能回答,表示她甚麼都吃,但其實胡杏兒不愛吃內臟。

導演再問:「對方仔仔幾多歲?」陳敏之笑言:「佢咁多個,邊個仔?」胡杏兒:「最大嗰個囉!」陳敏之亦能極速回答,「五歲囉,就嚟五歲,好清楚呀我。」胡杏兒回答:「你嗰個都五歲啦,五歲半啦,12月先冬至呀嘛,12月21,你個仔我記得,但你生日…你生日應該係1月7日。」陳敏之則能準確地回答胡杏兒的生日日期:「你11月6號呀嘛,天蠍座。」

導演再問: 「對方最愛嘅人係邊個?」陳敏之:「我揀你老公,嗱,講真呀,我唔係講啲咩,我覺得你係愛你老公多啲,多過你啲仔,我覺得胡杏兒係愛佢老公多啲嘅。」胡杏兒甜絲絲回應:「最愛就係我老公,而我覺得你愛你個仔多過你老公。」陳敏之承認,但指小朋友再長大一點,她就會跟老公二人世界。

導演再問:「老公做咩會一秒激嬲你。」陳敏之:「呢題好易啫,佢呃你囉。」胡杏兒話老公從來沒有欺騙她,之後她回答:「你老公做咗啲同你個仔有關嘅事而無同你講。」但陳敏之就話不會因此生氣。導演再問:「對方是否怕老公?」陳敏之:「 梗係怕喇,怕到不得了。」胡杏兒回答:「好似唔係好怕。」但其實陳敏之說其實她和她的兒子都很怕。

給20年後兒子的話 最感激奶奶

在節目中的尾聲,陳敏之即興地要胡杏兒說出20年後給後家人的說話,胡杏兒希望三個兒子都可以找到自己的人生目標、工作的方向,和做一個有價值觀的好人:「媽媽都比較忙,但係我都盡我嘅能力去有時間就會陪伴你哋,希望爸爸媽媽的陪伴和栽培下,可以快樂地成長,亦希望Brendan仲係同子樂(陳敏之兒子)好Friend(友好)喇。」

胡杏兒
(圖片來源:[email protected]
胡杏兒
(圖片來源:[email protected]

而胡杏兒再表示於20年後,奶奶都已是80多歲,希望兒子都會孝順奶奶:「一定要乖,要孝順她,亦要孝順爸爸。」胡杏兒亦有說話跟奶奶說:「希望奶奶健健康康,最緊要開心,無呢位奶奶真係無我呢三個仔,無奶奶喺度,我諗我無咁放心去生咁多個,同時又要去工作,好多謝奶奶。」陳敏之明言奶奶對他們的愛簡直是無條件的愛和付出,表示所有母親都是很厲害。

胡杏兒
(圖片來源:[email protected]陳敏之 Sharon Chan截圖)
胡杏兒
(圖片來源:[email protected]陳敏之 Sharon Chan截圖)

常見問題

將來還有什麼演唱會值得留意?

隨著疫情過去,有不少歌手宣布舉辦演唱會,例如:鄭伊健演唱會陳奕迅演唱會Twins演唱會洪嘉豪演唱會C AllStar演唱會鄭秀文演唱會;喜歡K-pop的你亦有福了,因不少韓國天團更宣布有巡迴演唱會香港站,即睇:BLACKPINK演唱會Super Junior演唱會!Sundaykiss為你整合了優先購票日期、公開售票日期、門票價錢、座位表等,想搶飛粉絲必定要留意!

有甚麼親子假日活動推介?

行山野餐、參觀博物館親子農莊、參加工作坊等都是不錯的親子活動。盡情放電後更可以去親子餐廳用膳,兒童餐廳各有特色,絕對是假日消遣的必然之選!

圖片來源:TVB《下一站彩虹》截圖、[email protected] myoliemyolie、[email protected] 陳敏之 Sharon Chan截圖、[email protected]

你又點睇?