苗僑偉戚美珍結婚27載依然恩愛
無綫新劇《使徒行者2》開播,雖然佘詩曼同林峯唔參與,但許紹雄同三哥苗僑偉等重量級人馬繼續留低!現年59歲嘅三哥同老婆戚美珍已經27年,依然恩愛。三哥嘅大女苗彤亦都大個女,上年仲成為港姐嘅御用攝影師,前途無可限量!而囝囝就長駐係加拿大。
撰文:Sunday Kiss
一定照顧她一生一世
現年59歲嘅三哥仲係非常有型,其實從以前開始三哥比人嘅感覺已經係好瀟灑、成熟穩重,82年苗僑偉同戚美珍合作《飛越十八層》擦出愛火,90年結婚至今已經27載。雖然三哥間唔中都會傳出緋聞,但戚美珍依然相信三哥,三哥接受本刊訪問時曾經講過:「她(戚美珍)為我生小朋友,每個人年紀都會大,樣貌會變,沒理由生完小朋友丟了她,做男人要學懂承擔,跟你生活那麼多年,不可以半途拋棄她,結婚時已是一個承諾,我跟太太經歷過很多風浪,一定照顧她一生一世。」深情告白,難怪兩公婆能夠恩愛如此。
一仔一女幸福滿滿
三哥同戚美珍育有一仔一女,大女苗彤已經26歲,盡得屋企人真傳身材非常好,上年仲獲邀成為上屆港姐嘅御用攝影師,前途無可限量。但係上年就曾經傳出苗彤同鄭俊弘擦出愛火,搞到三哥派三嫂睇住囡囡,愛女心切,相信所有為人父母嘅都明白嘅。而囝囝苗俊則長駐係加拿大。