被讚顧家好男人 張頴康 :因為老婆好!

被讚顧家好男人 張頴康 :因為老婆好!

張頴康 在戲內戲外都是好老公,與太太麥雅緻(Angie)和囡囡小豆(張雅喬)經常在facebook 分享生活照,剛才張頴康宣布太太陀第二胎,小豆快做家姐了!

 

撰文:Ling
攝影:Clay Lam(部分相片由受訪者提供)
化妝:Maggie Yeung
髮型:[email protected]

場地:[email protected] Tong(tel: 2352 3799)

麥雅緻陀第二胎,張頴康欣喜若狂,早前一家「四口」特別到影樓拍照留念,非常溫馨。

FB_IMG_1494662589996 FB_IMG_1494662385753

FB_IMG_1494662592106 FB_IMG_1494662588438

Angie 笑言有七成posts 由自己管理,老公佔三成。早前Angie 分享了小豆因為掛念爸爸的爆喊相惹來抨擊,得到老公留言力撐,Angie 深受感動,「都慣咗佢係咁,哈哈!佢係一個好打不平嘅人,就算係其他人,佢都會咁做。」

阿康被網民大讚顧家好男人,他坦言自己顧家是因為老婆好,「唔係一個男人想顧家就顧家,都要老婆照顧得個家庭好,個女又聽話。」自小缺乏家庭溫暖的阿康,找到一個知足的女人,誕下可愛女兒,能一家人簡單生活已經好幸福,夫復何求呢?

sundayfamily_#290_02
張頴康與麥雅緻經常在facebook分享一家人的動態,原來曾想過減少小豆的曝光率,但好多粉絲讚小豆可愛,見到她的相片就開心起來,有療癒的作用,就決定繼續大派小豆正能量,讓更多人感到快樂!

彌補缺乏的家庭溫暖

阿康日日歸心似箭,享受做住家男,假日必定一家三口出動,經常被讚廿四孝老公、好男人典範。「都要成個家庭感覺好,大家鍾意一齊去玩,一齊過啲簡單生活,好似買餸返屋企食飯、睇電視,成家人都鍾意過呢種生活先會令男人有顧家嘅感覺。如果個老婆成日出去玩,你都冇得顧家啦。」阿康與Angie不追求大富大貴,拍拖行公園、一家三口行街已經好開心,「我哋知足,好易開心,我又唔係後生仔鍾意出去玩,所以就覺得我顧家啦。」

sundayfamily_#290_07
阿康笑稱婚後的男人無形象可言:「當一個男人結咗婚,生咗個女之後,你嘅造型已經唔會再由你話事!」

阿康事業家庭兩得意,但童年過得並不愉快,先後被雙親遺棄,4 歲時母親離家出走,10 歲時父親返內地另娶妻,自此父子兩地相隔,關係變得疏離,但阿康依然記掛母親,所以入行後仍用真名,希望有朝母子相認,他曾道出:「30 年冇見,大家都失咗聯絡,我keep 住用真名,因為只要佢在世的話,就會睇到我!」

已組織幸福家庭的他,彌補了他一直欠缺的家庭溫暖,並過着渴望的生活,「其實都係兩樣嘢嚟,童年還童年,依家還依家,冇可能用依家嘅開心去填補細個冇咗嘅嘢。我覺得依家係好開心嘅,起碼我得到最想有嘅家庭生活,過到自己想過嘅生活已經好好。」

sundayfamily_#290_05
對於囡囡的成長,阿康不敢諗得太長遠,只想她健康快樂成長,將來的路由她自己決定。

小豆年紀尚小,未懂得「爺爺嫲嫲」,只認識「公公婆婆」,還有叔公等親戚,阿康坦言待小豆長大懂事後,會向她坦白相告,現間中滲透少少他的童年片段。「我唔鍾意講大話,係咁就咁,唔係就唔係,我會俾佢知道爸爸細個係點,依家我都有講,『你日日返學咁開心,爸爸細個返學都冇你咁開心,第一年返幼稚園就要做功課。』」

sundayfamily_#290_03

sundayfamily_#290_04
小朋友大得快,尤其返學後轉變更大,阿康已不捨得女兒長大,「佢依家每日學嘅嘢好似倍增咁,未返學前睇住佢學爬、學行、識叫爸爸媽媽、學識食飯,呢啲都係慢慢學習,但佢一返學講嘢多咗,突然可以成句咁講嘢,真係可以大得咁快。」

「鍾意爸爸媽媽返學」

兩歲的小豆現就讀將軍澳一間本地幼稚園N班,除了爸爸去台灣工作的一個月,小豆扭計喊之外,現在日日返學都好開心,尤其爸爸媽媽一起接送返學放學,「我鍾意爸爸媽媽返學!」阿康解釋小豆好享受齊人的感覺,因為父母的工作彈性,新劇亦要到年底才開拍,父母有較多時間陪伴,「佢好鍾意成家人一齊,所以我去咗台灣一個月,佢就覺得好不安。」

sundayfamily_#290_08
早前阿康去了台灣拍攝,小豆因太掛念爸爸喊個不停,Angie上載了小豆的喊相惹來抨擊,阿康看不過眼即留言反擊護妻,如果對方不認同應該private message,不應留言公審太太。

囡囡黐身雖然好sweet,但正值兩歲trouble 2 時期的小豆,最trouble 的問題就是容易產生不安感,父母一行開就扭計,Angie亦覺得小豆開始有主見,懂得試別人的底線。「當媽咪唔俾做一樣嘢,佢就識搵爸爸試,到爸爸都話唔得,佢先會講『唔得㗎……』」

現場所見小豆好黐爸爸媽媽,以為他們無請工人姐姐,Angie指家有工人姐姐,但只做家務,湊女自己親力親為,盡量不假手於人,阿康笑說:「我哋個工人姐姐都好好彩,我哋又鍾意成家人出街玩,姐姐可以成日喺屋企唔使點做嘢;同埋我哋好着重親子時間,佢嚟咗兩年都無乜幫小豆沖涼,最多都係開水。」

sundayfamily_#290_10
Angie選校以重品德、有規範行先。

讀本地學校重操行

曾在美國留學、在當地擔任幼稚園老師四年的Angie,選擇了讓小豆讀本地學校,因她深知外國教育好free,經觀察小豆的性格之後,覺得本地教育適合她。「小豆係好肯睇書、聽書嘅小朋友,佢可以坐定定專心砌puzzle,鍾意聽指令、接受規範,我鍾意local school 有一定規範要學,反而國際學校冇乜學操行,有啲仲唔使着校服,所以我想佢喺local school 學好操行、品得先。」

sundayfamily_#290_06
阿康一直有意追多個,但Angie現階段想集中照顧小豆,仍未準備好生多個,但會積極考慮。

不怕本地學校功課壓力大嗎?「我冇諗到咁遠,到時再同佢調節啦,等佢大啲睇佢處理成點先,我哋都有走盞位嘅,如果佢追成績追得好辛苦,我哋都會考慮俾佢高小或中學出國讀書。」

Angie 覺得家長不能過早為孩子決定路向,並要求孩子跟從,必須按孩子每階段的性格和能力去決定每一步,「我想係一回事,但係咪真係佢想呢?我始終唔係佢,唔可以為佢決定所有嘢,每個父母都想俾小朋友最好嘅,但父母認為最好,係咪小朋友嘅最好呢?」

sundayfamily_#290_09
曾任幼稚園老師的Angie了解幼兒教育,但偶爾因媽咪身份變得心軟,反而老公做錯就可以立即指正他。

媽咪教女 幼稚園教師上身

Angie 有教育背景,深明教小朋友的道理,但作為媽媽的身份,有時明知不太恰當都會心軟照做,難以抽身理性思考,反而老公做得不對,她就能老師上身指點。「小朋友係好識睇人反應去行動,我會同老公講你就得佢一次,第二、三次就變本加厲。」書本上的教養問題,Angie 可在小豆身上應用到,例如上街扭計,Angie都有法子制服她,「如果佢喺街扭計seek attention,先了解佢係唔舒服、環境因素定其他。其一我會引導佢去講出原因,要俾佢知道喊係幫唔到佢,爸爸媽媽都唔知你想點,但你就好嘈喎;其二如果佢係唔舒服,或者唔鍾意某樣嘢,你就可以針對番個問題去幫佢。如果佢係無理取鬧喊,我就帶佢企埋一邊,先唔好嘈到其他人,叫佢喺一邊冷靜5 分鐘,喊完講到嘢就講啦。」

sundayfamily_#290_11
如果小豆無故扭計,媽咪會帶她到一旁冷靜,再引導她講出扭計的原因。

Angie 建議其他家長,千萬不要講恐嚇說話如「你再喊會有壞人嚟」、「你再喊阿邊個會捉走你」,「呢啲說話會令小朋友產生另一種恐懼,幫唔到件事之餘,仲會對所謂壞人或者阿邊個有恐懼之心。」

長輩多縱容孫兒,連說話都易「是非不分」,明明孩子做錯事,都會委過他人,甚至是死物的過失,Angie 說:「好似小朋友跌親,長輩唔會話小朋友唔小心,係話地下曳曳整親你,打吓個地下,我父母咁講我都會出聲指正番,唔係地下曳曳,係小豆行路唔小心,要改善行路先唔會再跌,唔通你去到第二個地下跌親,又話第二個地下曳曳咩?」

更多精選內容