諸葛紫岐

諸葛紫岐 :唔怕老公有女仔埋身!

熱話

廣告

諸葛紫岐 (Marie)2012年與Neway二少薛嘉麟結婚,囝囝Arthur今年已經3歲!佢早前接受《東方新地》訪問,大方分享跟丈夫薛嘉麟的婚姻關係,以及與兒子薛華韜(Arthur)的相處。

 

編輯:Fiona Fong
圖片:新傳媒資料室
(內容節錄自991期東方新地)

夫妻相處之道:俾空間對方!

諸葛紫岐 認為夫妻之間需要有一定的空間喘息。「你唔好理我啲嘢,我唔理你啲嘢,大家做各自嘅嘢,俾空間對方,咪幾好囉!」對於兩人經常傳出婚變傳聞,她亦坦承夫妻之間曾經有過拗撬,不過佢認為:「少少嗌交、發下脾氣,好正常嘅,人嚟㗎嘛,我覺得溝通嚟啫,冇嘢嘅,就算唔開心解決咗佢咪得囉!」

唔怕老公有女仔埋身!

夫妻之間,邊個遷就邊個多啲? 諸葛紫岐 笑住話:「我又唔想講係我,好似我好好咁,但我又唔可以呃你,大家都有啦!」問到驚唔驚老公有女仔埋佢身? 諸葛紫岐 話:「梗係唔驚啦,香港有狗仔隊㗎嘛,佢仲驚啦,如果你(記者)喺街見到佢鬼鬼祟祟,快啲影俾我睇。」

老公支持創業!

婚後, 諸葛紫岐 無印印腳做少奶奶,反而開藝人及模特兒公司,自己打點一切。佢話:「因為我都係鍾意娛樂圈,娛樂圈有開心有唔開心,但係會學到好多嘢嘅地方,我細個,我爸爸媽媽保護得我好緊要,我唔知道社會係咩一回事,到入呢行接觸咗社會,我覺得我喺社會大學都學咗好多嘢,所以咪繼續學落去。」問到老公支唔支持佢做嘢,佢表示:「其實唔可以話佢支唔支持,係因為我要做,我比較有自己主見,唔需要人哋反對我就唔做。」

不是公主!

一提到 諸葛紫岐 ,很多人都會聯想到她的一番公主言論,例如曾被問到對住屋的要求,佢就答:「我鍾意啲屋要樓底高啲,有啲外國feel囉!依家工人房都有成百幾二百呎啦!唔通叫我住屋邨咩!?」;問到有無坐過巴士,佢話:「搭巴士好易翻車o架!巴士兩層咁高,轉彎好易『嘭』一聲反轉。」

諸葛紫岐 接受訪問時即澄清話自己講嘅嘢係俾人歪曲咗。「譬如我話巴士會反,係因為物理學嚟講,條路咁彎,巴士咁高,真係有反嘅可能性,巴士都真係有反過吖,我講嘅嘢又唔係唔啱喎,你問我有冇坐巴士,我都有坐㗎,坐巴士去海洋公園,我都好開心呀,只不過傳媒歪曲咗少少,我冇公主病,我都好捱得苦。」


關鍵詞
諸葛紫岐