謝天華又做老竇啦！
今年星爸特別多，繼黎明、余文樂、陳智燊、陳柏宇之後，謝天華又宣布即將再做老竇啦！佢喺微博大晒BB超聲波照，仲話大仔天天即將做哥哥！恭喜Laughing哥！
撰文：Sunday Kiss｜圖片來源：微博
謝天華又做老竇啦！
謝天華喺微博上載BB超聲波照，寫到：「今年將會迎接家𥚃的新成員，感恩感恩
天天要做哥哥了
也辛苦了媽媽。 I
️ U
」
現年50歲的謝天華和太太Tina於2005年結婚，囝囝謝浩飛（天天）於2015年出生，眨下眼已經3歲啦！兩夫妻相當保護囝囝，除咗天天初出世嗰排有擺BB相開心share，近期都甚少將阿仔嘅正面樣放上網，多數都係影背面或者得半塊面，似乎唔想囝囝全相曝光！
自從有咗囝囝之後，謝天華全副心機都放喺家庭內，一有時間有陪囝囝周圍玩，實行有仔萬事足呀！
天天仲會同其他星二代一齊玩，好似梁浸浸、應采兒囝囝Jasper、洪天明細仔JT等，等天天細細個已經有自己朋友圈子。
睇返天天細個啲相，真係同天華一個餅印，簡直係迷你大天二，笑起上嚟肯定學爸爸一樣咁受女仔歡迎呀！
今次45歲的太太再度懷孕，如果係囡囡就可以湊夠一個好字啦！
關鍵詞
謝天華
