巴士

小朋友扭計港媽大鬧滿座巴士 向乘客提出過分要求被1句回絕再發難

熱話

廣告

小朋友坐長途車扭計,作為爸爸媽媽應該點做好?有網民分享在巴士遇上怪獸家長的經歷,小朋友在巴士上扭計,港媽竟然向乘客提出一個無理要求,乘客拒絕後港媽竟大罵對方,乘客最後以一句說話終結事件,到底港媽提出什麼無理要求?乘客又如何回絕港媽?絕對值得大家借鏡!

巴士 港媽逼讓座被拒大鬧無愛心(圖片來源:Facebook@KMB 九巴專頁
港媽逼讓座被拒大鬧無愛心(圖片來源:[email protected] 九巴專頁

滿座巴士冇位坐 小朋友扭計港媽竟要求乘客讓座

一名網民向Facebook專頁「生仔要考牌系列」投稿,他指有日乘搭了一架滿座的巴士,一名港媽帶著小朋友搭車,而小朋友因為沒位坐所以不斷發脾氣,還扭計要媽媽抱,但是他看見港媽似乎不太願意抱小朋友。小朋友不斷發脾氣,港媽做出驚人舉動:向一位正坐著的女乘客搭話,並且要求對方讓座:「我個小朋友好攰,發緊脾氣,可唔可以讓畀佢坐?」女乘客聞言後即刻十分禮貌地婉拒:「唔好意思,我都好攰」。

巴士 港媽轉而向一位坐在座位的女乘客並要求對方讓座:「我個小朋友好攰,發緊脾氣,可唔可以讓俾佢坐?」示意圖,非當事人)
(港媽轉而向一位坐在座位的女乘客並要求對方讓座:「我個小朋友好攰,發緊脾氣,可唔可以讓俾佢坐?」(示意圖,非當事人)(圖片來源:TVB《寶寶大過天》劇照)

乘客禮貌拒絕後港媽再發難:點解你咁冇愛心?

但港媽聽罷並沒有死心,一直解釋小朋友發緊脾氣,此番「發緊脾氣」言論令女乘客感到十分不解,於是反問港媽:「所以?」結果港媽惱羞成怒責怪女乘客:「點解你咁冇愛心,唔可以就下人,佢發緊脾氣畀佢坐都唔得嘅,依家啲人真係!」

港媽 巴士 港媽惱羞成怒責怪起女乘客:「點解你咁無愛心,唔可以就吓人,佢發緊脾氣俾佢坐都唔得嘅,依家啲人真係!」示意圖,非當事人)
港媽惱羞成怒責怪起女乘客:「點解你咁冇愛心,唔可以就吓人,佢發緊脾氣俾佢坐都唔得嘅,依家啲人真係!」(示意圖,非當事人)(圖片來源:TVB《愛回家之開心速遞》截圖)

女乘客一句絕妙回覆:其實你生仔我冇責任㗎

港媽無理取鬧的說話讓女乘客大翻白眼反駁:「你咪抱佢囉!讓畀你係人情,唔讓畀你係道理,佢要坐,你咪等下班有位先上或者搭的士」豈料港媽竟大鬧道:「佢得幾歲咋!」逼得女乘客「爆seed」回應:「其實你生仔我無責任㗎,唔好覺得個世界欠咗你,要人就你啦好無?」

港媽 巴士 豈料港媽竟大鬧到:「佢得幾歲咋!」示意圖,非當事人)
豈料港媽竟大鬧到:「佢得幾歲咋!」(示意圖,非當事人)(圖片來源:湖南衞視《絕世高手之大俠盧小魚》劇照)

網民認同女乘客講法 「只會讓座畀有真正需要人士」

目擊整個對話過程的網民指,女乘客說完該番話後,港媽被反駁到無法再回應,但就「成程黑晒面」。而小朋友就繼續扭計要媽媽抱,惟港媽繼續毫不理會。

投稿公開後引來大批網民熱議,不少網民大讚女乘客:「姐姐答得啱喎!佢冇必要幫媽媽安撫個小朋友」、「講得好,讓係人情,唔係老奉」、「你生仔,我埋單。咩道理?」。亦有不少人港媽做法不妥:「連自己個仔都唔抱,憑咩要人讓個位畀佢?」、「一巴車落個細路叫佢收聲啦講咁多」、「依家啲阿媽好似全世界都有份搞大佢個肚」、「好明顯個呀媽特登等個細路扭到有人心軟讓座比佢,3歲4歲企下有乜問題,我只會讓座給抱住BB,老人家或行動不便的人。」

除此之外,亦有網民表示:「如果我係個女仔,我會主動讓座畀小朋友。如果我係個阿媽,我唔會要求人哋讓座,要小朋友明白有位先有得坐,無位要企係正常。」

巴士 有網民話只會讓座給抱住BB,老人家或行動不便的人。
有網民話只會讓座給抱住BB,老人家或行動不便的人。(圖片來源:《仇老爺爺》劇集截圖)

常見問題

小朋友坐長途車扭計,作為爸爸媽媽應該點做好?

有網民分享在巴士遇上怪獸家長的經歷,小朋友在巴士上扭計,港媽竟然向乘客提出一個無理要求…詳情請看

女乘客如何「爆seed」回應港媽?

港媽惱羞成怒責怪女乘客:「點解你咁冇愛心,唔可以就下人,佢發緊脾氣畀佢坐都唔得嘅,依家啲人真係!」女乘客一句絕妙回覆:…詳情請看

圖片來源:[email protected] 九巴專頁、TVB《寶寶大過天》劇照、TVB《愛回家之開心速遞》截圖、湖南衞視《絕世高手之大俠盧小魚》劇照、ViuTV《仇老爺爺》劇集截圖

你又點睇?