越陀越靚! 車婉婉 無積極造人 順其自然反得B

越陀越靚! 車婉婉 無積極造人 順其自然反得B

《Sunday Kiss》日前同靚媽媽 車婉婉 做Facebook live (直播重溫),懷孕後越來越靚嘅婉婉分享她在懷孕期間的轉變。婉婉依家懷孕約5個月,做live個陣仲show左個靚肚俾大家睇!

 

撰文: Sunday Kiss 圖片: 車婉婉 Facebook

che

開live後,有不少朋友大讚 車婉婉 有咗BB之後仲靚啊!車婉婉回應話:「係咪真o架!孫耀威都係咁講,話我呢排啲相靚咗好多,不過我就質疑佢喺我『脹爆』時鼓勵下我,令我啲自信心強大啲!哈哈」大家又覺得呢?

6a1fad40jw1fa2dmjjharj20ku0fmjum

問: 得知懷孕一刻,感受係點呢?

答: 當時第一個反應就係:唔係啩?我都咁高齡啦!之前啲醫生都話我處於低比率的地帶,所以一直都無特別諗過有BB,我先生就好鍾意小朋友,但都俾啲醫生講到無咩希望。

延伸閱讀:幸福人妻 車婉婉 高齡生B養胎有計

TUNGSTAR5026175拷貝

問: 結婚3年,頭2年有無積極造人?

答: 其實都無,因為我都幾大頭蝦,排卵期亂晒大龍,成日都唔知幾時先係正確的時間去試造人,所以今次都算係順其自然。

問: 肚入面嘅BB係囝囝定囡囡呀?懷孕時有無不舒服?

答: 唔知喎,因為唔想知住,而且身邊的朋友好鍾意講「你塊面係咁一定係囝」「你皮膚咁樣一定係女」,我好鍾意聽呢啲,覺得很有趣。我自己比較好彩,懷孕期間無唔舒服,我聽朋友講會嘔得很嚴重又會暈,亦有聽過要「瞓床瞓三個月」,但直到現時,我一次都無嘔過暈過,亦都食得瞓得。

15230694_1385886258151341_5265911710814335712_n

問: 老公好似唔想生女?

答: 佢係驚慄!佢當時發現我有咗BB個陣,佢係祈禱,話千祈唔好係女。因為佢覺得女要擔心好多嘢,要縛住囡囡喺屋企,因為「啲boys好曳」,咁啲爸爸係會有咁嘅擔心嘅。(咁男人唔係應該鍾意生囡咩?前世情人喎。) 鍾意啫,但係好多野會擔心囉,囝囝又會有另一樣嘢好擔心,又怕佢撞親、又怕佢打交,不過仔女都係一個祝福,最緊要健康。

問: 懷孕時情緒有無改變?老公有無幫你走出困局?

答: 有啊,反而係老公將我逼入困局呀!我第一次發現自己情緒原來受荷爾蒙影響,係剛懷孕不久,有朋友分享人哋懷孕時搵唔到BB心跳的故事,但當時朋友唔知我懷孕,我就喊左出嚟,忍唔住。因為感同身受的感覺好強,好擔心,呢個係第一次發現容易感動到喊。第二次就是我先生有句說話令我好委屈,不停喊,衝入廁所,又想離家出走,最終要祈禱令自己平伏情緒,所以嗰次我覺得係荷爾蒙影響,因為平時我係樂觀嘅人,亦都唔會喊咁耐。

14624806_1814167818860783_1065113762983313408_n

問: 懷孕後母愛有無出晒黎?依家感覺到胎動未?

答: 有啊,宜家見到啲細隻嘅野,唔只是人仔,狗仔、貓仔都會覺得好得意,會覺得所有嘅生命好Amazing。而胎動係呢兩個星期感受到,突然有一晚我以為條腸有氣,瞓喺床上,然後我大叫我老公入房,問我老公個位係咪有野郁,佢摸兩下話係喎,嗰個好奇怪嘅感覺。有啲時間我知道佢會頻密啲,我做嘢佢又唔係點郁。

問: 有無食補品或者中醫調理?

答: 補品就無食,我有問過中醫,佢就無藥俾我食嘅。我想調理身體,佢就建議飲雞汁或者燩生果食,都係好食療嘅野。咁我依家就問佢食呢啲野得唔得,但中醫就話唔好補住,我鍾意飲湯,佢就會介紹幾個湯俾我,有蘿蔔煲鰂魚湯,杞子煲瘦肉等,是比較正氣啲嘅野。我唔知夠唔夠補,但我覺得都養到自己肥肥白白啊!

15181130_1374804405926193_4713168457431507041_n

 

更多精選內容