迪士尼

港女呻被迪士尼公仔人員抽水「又壁咚又拎電話」職員6字反擊

熱話

廣告

迪士尼是不少女生心目中的夢幻地方,去到迪士尼更會和迪士尼公仔「打卡」影相,近日就有網民於討論區上發文、好奇地發問一眾「靚女網友」在與迪士尼公仔合照時有否被抽水,不少網民和扮迪士尼公仔的職員都作出回應,更有網民作出大控訴,直指曾經試過被迪士尼公仔抽水。

網民大呻被迪士尼公仔嘅職員抽水

最近有網民在連登討論區發文,詢問一眾網民去迪士尼與迪士尼公仔影相時,有沒有靚女試過被迪士尼公仔抽水,有網民即時回應,表示未有疫情時,有好多日本女孩入迪士尼影相,「啲架妹又好受落被某個好高嘅角色攬頭攬頸」,有網民試過「早幾年去迪士尼仲可以近距離接觸,iron man係勁flirty,嗰陣傾傾吓冇啦啦壁咚之後係咁話要拎電話」,不過最誇張是有網民試過被巴斯光年攬腰,「掂到波邊咁濟,我推開,我都唔知係罩住睇唔到定點」。

迪士尼
(圖片來源:IG@kayan_yau)

不過有網民反擊,覺得扮迪士尼公仔的職員「隔住咁厚嘅公仔衫可以feel到啲乜」、「重裝甲咁有咩好抽」、「件衫咁厚,抽水都感受唔到啦」、「粒住件野咁熱,又厚,都有淫念?」。亦有做迪士尼的職員爆料指,通常扮迪士尼公仔都是女人扮,「迪士尼朋友嘅演員好多菲律賓人,仔女都係,一係矮到得米6或者高到米8」、「跟高度呀,高飛通常都男啦,米奇就女多」。

迪士尼 不過有網民反擊,覺得扮迪士尼公仔的職員「隔住咁厚嘅公仔衫可以feel到啲乜」。
不過有網民反擊,覺得扮迪士尼公仔的職員「隔住咁厚嘅公仔衫可以feel到啲乜」。(圖片來源:IG@quicheung)

職員表示:畀人抽水就多

有網民反問靚仔會唔會被抽水,不過有扮過迪士尼公仔的職員表示,畀人抽水就多,「鬼得閒抽你地咩,辛苦到根本唔會點睇人,淨係想快點脫」、「連個客係男係女係老人定細路都唔會睇到,仲講抽水」,再加上現在影相有1.5米社交距離,「想行近啲都唔得,唔好話掂」。

迪士尼 有網民反問靚仔會唔會被抽水,不過有扮過迪士尼公仔的職員表示,比人抽水就多。
有網民反問靚仔會唔會被抽水,不過有扮過迪士尼公仔的職員表示,比人抽水就多。(圖片來源:IG@christylaiii)

有網民表示,日本迪士尼就算有得攬,只會是機械人象徵式攬下啲客,「無乜人性化互動交流,相反美國就無乜限制,鍾意同客點玩就點玩,嗰客癲嘅一齊轆地沙都得」、「通常係我抽返啲公仔水」,「做哩個位嘅福利嚟,唔係搵鬼做咩」。

迪士尼
(圖片來源:IG@yuen_nnnnnn)

圖片來源:IG@kayan_yau、IG@quicheung、IG@christylaiii、IG@yuen_nnnnnn

你又點睇?