鄭中基自爆最愛玩便便仲有特別才能 拍片分享多個童年百厭仔傻事

鄭中基最愛玩便便

鄭中基自爆童年時曾研究怎樣才可以沖不走便便，他試過幾次都失敗：「唔係日日得嘅，你要儲嘅。第一次唔得，因為短得濟，中途就冧橋。」他教大家怎樣做：「望住馬桶，由左至右，或者右至左，一面拉，連到那邊的時候，見到它碰到了，就要用力剪斷便便。有幾次行得濟，就跌咗落去，真係要陰陰哋力，啲力唔可以一下子，要好似擠牙膏咁樣。」當他成功後，即帶阿姨、姨丈去馬桶前「欣賞」，果真沖不走。他補充：「屙嗰陣有啲痛…」

他笑言如果當時有電話，一定會將兩隻反斗奇兵士兵放上便便上，扮打仗，仲會多角度影相留念，玩完直接連便便沖走。另外，鄭中基仲分享其他網民投稿的百厭例子：

百厭孫仔

「呢個我聽我阿媽同我講返（我真零印象）我細個幼稚園將啲便便搓到圓形，然後用紙巾包住，拎比阿嫲同佢講係麥提沙。本身阿嫲仲倍感恩惠，個孫咁考敬佢，感到十分開心，結果臨到故入口之際，發現聞落個味怪怪哋，所以無食，最後發現係屎後，我番到屋企被兩老X到上天花板。P.s.阿媽有同我講，阿嫲收到嗰一刻真係感動到就快落淚的了，結果知係便便後，哭笑不得」

百厭女兒

「細個嘅時候喺爸爸書櫃發現咗本18＋書，一見到默默收番好，到夜晚全家人食飯嘅時候忽然跑去書櫃一抽本18＋書出嚟，再天真嘅眼神問呢本咩嚟㗎？呢世都記得我老竇尷尬嘅眼神…等你成日罰我，仲陰你唔到？」

百厭妹妹

「我當時兩歲左右..細家姐比我大三歲…大家姐向來會幫手檢查功課，將啲寫字簿唔靚字嘅會擦咗再要細家姐重寫。有一日我趁細家姐做完功課去咗廁所，大家姐都檢查完行開咗，我就扮晒嘢一口氣拎起舊擦膠擦咗佢至少2/3板既字…細家姐出到嚟見到即時爆喊，我就行埋一邊翹埋手喺到唱歌扮無事….而全板功課就要細家姐喊住重做….苦了家姐」

百厭學生

「話說讀小學嘅時候考試全部都唔合格，咁啲試卷就緊係唔敢拎返屋企啦，咁就將全部試卷用膠紙包埋一齊成個波咁，踢咗一陣就踢埋咗一邊，點知有人報警話有炸彈，然後好大件事咁樣用拆彈車喺度拆我啲試卷。第二日返到學校仲有成隊警察嚟學校…叫埋我阿爸阿媽，展覽式咁show晒成枱總分得十幾分嘅試卷，同埋講返前一日出動咗幾多警察、消防，救護黎拆開啲試卷…嗰日仲特登買返份報紙嚟畀我睇返件事」

去片！一人一個百厭𡃁仔之匪夷所思

延伸閱讀：鄭中基拍片分享「工人姐姐」奇人奇事 返工首日即派熱褲福利？！

鄭中基曾因拍MV唔妥TVB 被要求《無賴》改歌詞

鄭中基早前在其YouTube頻道「機動電視台RTV」大數廿多年前拍過最匪夷所思的MV，一講到當年唱到街知巷聞的經典《無賴》，鄭中基自爆當年為拍《無賴》MV而唔妥無綫咁多年。鄭中基講開《美女與野獸》MV最令他覺得匪夷所思，因為沒有記憶拍過，鄭中基話：「TVB要自己Version，所以我哋通常統一咗佢，無謂拍多個MV。」然後他爆料指《無賴》被無綫要求改歌詞：「就係《無賴》有句歌詞一定要我改咗先可以參加《勁歌金曲》，我特登要入過錄音室錄過『曾話過要儲錢，但講了就算』，跟住先至可以拍個MV﹗」

有網民指出鄭中基仍為無綫拍攝《美女廚房》，日前鄭中基出席活動時被問及此事時，他解釋由於當時有合約在身，不能想點就點：「一來不負責任，二來真係唔得㗎嘛﹗」他指跟唱片公司及經理人公司約滿，回復自由身後，從此無再亮相無綫，並指當年無綫的無理要求，是相當不尊重《無賴》填詞人李峻一，他又指事隔多年已怒氣全消，當被問到若TVB邀請上節目會否考慮？鄭中基即指自己短期內都沒有檔期。

鄭中基講番起都氣難下：「就喺呢個時候我開始嬲TVB，我嬲TVB之餘，我嬲埋我公司，點可以一個artist一首歌為咗一個電視台而去改兩隻歌詞，淨係for佢，嗰陣時錄咗就算係因為公司問題啦﹗就由嗰時開始我就唔妥TVB到依家，咁多年嚟大家無再見我再喺TVB出現過﹗」