MIRROR

港夫窒鏡粉老婆追MIRROR:小鮮肉有咩好睇?被妻一句反擊嘲痛處

熱話

廣告

近期男團MIRROR人氣高企,不少人妻成為「鏡粉」,令一眾老公變「前夫」。一名港男在網上發文,指老婆迷上男團MIRROR,由於他不解「小鮮肉」的魅力,於是多口問對方「究竟有咩好睇」,卻反被妻子嘲諷。男人最怕甩頭髮,因工作壓力大而狂甩頭髮的事主不禁表示傷心:「你估我想甩頭髮咩?」

港夫窒鏡粉老婆追MIRROR

該名港男日前在「香港討論區」以「畀老婆話我成個地中海大叔,MIRROR都比唔上」為題發文,指老婆近期迷上MIRROR,「晚晚開電視煲MIRROR,又搶演唱會飛,又換MIRROR卡。最近嗰個咩Anson Lo(盧瀚霆)生日,直頭入埋fans club(歌迷會),夾錢幫手慶祝生日。」

MIRROR 港男
(圖片來源:TVB《金宵大廈2》劇照,非當事人 )

港夫多口:小鮮肉有咩好睇? 被妻嘲諷

港男直言不解「小鮮肉有咩好睇」,某晚見老婆又在看MIRROR,於是詢問對方:「究竟呢班後生仔有咩好睇?」怎料,隨即換來老婆一句:「唔追佢地唔通追你呢個地中海大叔咩?」對此,事主坦言自己「個吓當堂好傷心」,表示自己因工作壓力大,最近狂甩頭髮,現時頭頂比以前稀疏。

MIRROR 港男
(圖片來源:TVB《金宵大廈2》劇照,非當事人)

網上發文訴苦:你估我想甩頭髮咩?

港男於是在網上發文訴苦:「你估我想甩頭髮咩?打工壓力大係咁甩頭髮,我都唔想,最慘原來已經甩到咁嚴重……只係稀少少,頭都未禿就比(畀)人笑!男人最忌無頭髮,我終於明呢個道理。」

MIRROR 港男
(圖片來源:香港討論區)

帖文隨即引來網民熱議,不少人留言指事主對於妻子追星的反應未必過大,勸告他不用太在意;同時,亦有網民指人妻追星「好正常」,更指「男人保養同唔保養差好遠」,稱事主應該檢討。

夫妻曾因追星嗌交鬧出離婚危機

除了這位男士說錯話導致被嘲諷,早前都有位男士曾經因老婆追星做「鏡粉」鬧出婚姻危機。該位港男早前在香港討論區發文,分享自己是張敬軒Fans,因買不到演唱會門票,當聽到其他Fans大讚演唱會現場氣氛好,沒法參加感覺好傷心,於是就在屋企播歌慰藉受傷心靈。

港男表示,一播歌「鏡粉」老婆即刻從房間出來,黑面訓斥他,騷擾自己聽男神的歌。於是,老公一氣之下都嬲爆回應,除咗四字真言的粗口,仲批評MIRROR是「全天候24小時感冒」的歌手。

MIRROR 港男
(圖片來源:香港討論區)

結果,將「鏡粉」老婆激得更嬲,最後,兩夫妻冷戰了一整晚。雖然,港男老公自言「唔後悔」,但都向廣大網友求教,要如何收拾殘局,成為一時熱話。

港夫如何被妻「人身攻擊」?

港男直言不解「小鮮肉有咩好睇」,某晚見老婆又在看MIRROR,於是詢問對方:「究竟呢班後生仔有咩好睇?」怎料,隨即換來老婆一句…詳情請看

夫妻曾因追星嗌交鬧出離婚危機?

港男表示,一播其他歌手的歌,「鏡粉」老婆即刻從房間出來,黑面訓斥他…詳情請看

圖片來源:香港討論區、TVB《金宵大廈2》劇照,非當事人