陪月血淚屎 –  遇着公主癌媽媽 反哂眼!

陪月血淚屎 – 遇着公主癌媽媽 反哂眼!

其實大家知唔個「陪月EE 」嘅工作係咩嘅呢?除咗幫新手媽媽湊BB,就仲要照顧新手媽媽嘅飲食,等佢哋身體快啲復原啦!但係就絕對唔係斟茶遞水嘅「阿四」啦!今次「陪月EE」遇到一個公主癌媽媽,唔止將「陪月EE」當係工人咁使喚,仲連濕立立嘅M巾都想有人⋯⋯

文尾有彩蛋!疑似公主癌媽媽當年生B住院時嘅同房,留言爆料!

原文:「陪月辛酸。血。淚。屎」專頁 (文章獲作者授權轉載)圖片:東方新地、myTV截圖

原文如下:

陪月辛酸。血。淚。屎@公主媽媽。1

阿B出世前1晚,公主阿媽已經吩咐我必須要全日在家Standby,要煲好湯同炒米茶,隨時可以攞過醫院侍候。

我無所謂喎,加錢啫。

第2朝起身,已見到18個未接來電,全都是半夜至凌晨。Whatsapp水蛇春咁長,內容都係話要我準備去醫院幫手。

到咗中午,阿B順利出世。下午,公主媽媽麻醉藥亦已過咗啲啲,不停催促我要到醫院送湯送茶幫手。

幫手? 佢係私家醫院生,已經有清潔嬸嬸幫忙換巾抹身,第1晚又未落得床,又未洗湊B住喎。

我無諗咁多,焗咗炒米茶,又煲好湯,黃昏到達醫院。

入到病房,只見公主病媽媽床邊都圍滿家屬,嚇到我鼻哥窿都無肉。

陪月
咩事咁多人?唔通⋯⋯

新手爸爸:陪月EE,你攞咗湯嚟? 麻煩晒你~

我:5麻煩,係咪有啲咩事。。。咁多人嘅。。。

點解咁多人都無被護士趕走㗎!

新手爸爸:5係,我老婆鐘意人多,熱鬧啲。

無幾耐,個堆人散去。我終於都埋到床邊,問候吓公主媽媽。

公主媽媽:2汪,你嚟咗嘞! 咁耐㗎! 你有無焗到炒米茶俾我飲? 我好口乾,你餵我飲2啖!

我餵你?

我:你仲插住豆豆,問咗醫生飲5飲得嘢先喇!

公主媽媽吊高把聲:哎呀~老公仔呀~你幫我問吓醫生呀~我好口乾呀~

醫院冷氣已經夠凍,聽完後想著多件羽絨😑

公主媽媽:2汪,咁你幫我睇吓條M巾吖,我覺得好濕!

我? 又係我?

我:我幫你搵清潔嬸嬸幫你睇睇。

公主病媽媽:2汪,咁你幫我撳高啲個床頭吖!

我? 點解又係我?

我:等醫生嚟睇咗你情況先喇,依家5好搞其他嘢住,你休息吓。

公主媽媽:咁你幫我攞個電話出嚟叉電、水杯幫我斟啲水、攞定包M巾出嚟比嬸嬸、攞啲䕶膚品出嚟幫我放好係床頭柜、放好對拖鞋對正我床邊腳底位置、幫我去BB房影吓阿B、幫我按摩吓手腳、攞個餐牌俾先生睇吓有咩晚餐食。。。

我:其實呢,我想講,呢啲事我係5包括做嘅,你可以叫先生幫忙。

公主媽媽:咁你嚟做咩? 我俾晒錢你,你話5做? 我上Fb唱衰你㗎!

以為自己係公主,原來只係舊蕃薯!

我:5好意思,陪月嘅作用,係湊初生BB,照顧媽媽飲食。陪月絕對5等於工人! 今日我嘅工作,已經完成。

公主病媽媽又吊高把聲:哎呀~老公仔呀~呢個人你幫我趕佢走吖~我5想見到佢呀!

新手爸爸:陪月EE,不如你走先。我老婆佢發脾氣喇!

我:非常同意,你哋慢慢。

然後,我都未上到巴士,已經收到公主媽媽嘅Whatsapp,吩咐定我明天同樣要煲湯同炒米茶送到醫院。

真係想吊高佢😑

我呢個月好難過。。。

你走呀!我唔要見到你!

原文如下:

陪月辛酸。血。淚。屎@公主媽媽。2

我好安靜咁過咗3日,第4日早上07,公主媽媽打電話嚟。

公主媽媽:2汪,我今日出得院,你12點左右去到我屋企,預備湯水炖品俾我返嚟食。

我:Ok,沒問題。

我11點半上到公主媽媽、新手爸爸加埋嫲嫲爺爺姑仔叔仔個間只有2房嘅公屋。

嫲嫲開門俾我,爺爺和叔仔正在研究點樣砌BB床!

嫲嫲:陪月EE,麻煩你幫吓手,BB奶樽,紗布,床單,床圍,全部都未洗㗎!

我:吓! 呢啲都未預備好? 阿B就嚟返到喎,依家洗咗邊到乾得到吖?

嫲嫲:我5知喎! 我新抱話你會搞掂!

我? 又係我?

我快快手洗好食材煲落薑水炖品,預備好午飯。

爺爺已經砌好BB床。

我:麻煩你哋用滴露開水抹吓。我去洗咗奶樽先。

嫲嫲:大菌食細菌,細菌當補品,5洗抹喇,乾淨㗎喇!

結果我忍5到手,抹咗。

我:咁BB床擺邊到?

爺爺:放廳得㗎喇,佢2公婆瞓廳㗎咋!

公主要瞓廳? 真係第1次聽😆

洗埋奶樽,烚埋。用手洗咗啲紗巾,熨埋。床單又捱義氣,幫手洗埋熨乾鋪埋落BB床。

還未見公主媽媽同新手爸爸返喎!

下午5點,終於見人。

公主媽媽:2汪,你嚟咗就好喇,我想去沖涼先,阿B就交俾你。

我:你食咗嘢未? 我預備咗,蒸熟就食得㗎喇!

新手爸爸:我哋食咗壽司先返嚟㗎。

女人的浪漫,魚生加舊飯。

嫲嫲:有無搞錯吖,坐月5食得生冷嘢㗎!

公主媽媽:我等陣飲返啲湯就得喇!

又要戴頭盔,又要食炸雞😑

嫲嫲:陪月EE,你幫手洗埋啲BB衫喇!

我:嫲嫲,5好意思吖,我嘅工作,只係照顧阿B日常,照顧媽媽飲食,今日我已經做多咗好多。

嫲嫲無出聲,攞晒阿B未洗嘅新衫出嚟,1次過隊晒入洗衣機,仲掉埋公主媽媽係行理攞出嚟有血嘅底橫同睡衣1齊洗👍👍👍

新手爸爸打開廳中間嘅梳化床,加埋BB床,成個廳就塞爆晒,我只有1張摺凳可以坐。

公主媽媽沖完涼出到嚟:2汪,幫我吹乾個頭! 產後5入得風㗎,你5係5知呀?

我只知道你本身個人就係瘋!

我:你請先生幫手喇,我搞掂阿B先。

抱起阿B,換條新片,餵咗1次奶。

公主媽媽:奶奶老爺,你哋全部入房喇! 5好出嚟吖! 我要休息。

新手爸爸:係喇,你哋入房喇! 5好嘈到我老婆。

公主媽媽:2汪,你推埋阿B入我姑仔房坐,我瞓覺5想被任何人睇到。

我:阿B啲用品係晒廳喎? 同埋你姑仔間房,放5入阿B張床囉!

公主媽媽:老公仔呀~我5理呀~我5要聽到阿B喊呀~我好攰好想瞓呀~你幫我搞掂去呀~

呢樣我幫到你喎! 1棍扑暈你? 你仲可以揀暈幾多日㗎!

彩蛋!

文章上載後,有一位媽媽在「陪月EE」地盤留言,指「公主媽媽」好似佢入院生B嗰陣個同房!而且呢位同房仲搞到醫院差啲水浸Tim!

關鍵詞
陪月順產

更多精選內容