陳凱琳後悔問過鄭嘉穎1事遭對方批評 自認迷戀老公靚仔 大爆舊心上人曾嚇壞媽媽

陳凱琳後悔問過鄭嘉穎1事遭對方批評 自認迷戀老公靚仔 大爆舊心上人曾嚇壞媽媽

熱話

陳凱琳 近日獲好友陳敏之邀請,在她的個人YouTube Channel節目《Chi Chat》做嘉賓。在節目中,陳凱琳同陳敏之一邊整親子便當,一邊談心,繼續大談老公鄭嘉穎同兒子的生活。陳凱琳大爆自己第三胎計劃,又指自己雖然一開始很抗拒同靚仔拍拖,但現在卻最迷戀鄭嘉穎的靚仔樣。

陳凱琳後悔問過鄭嘉穎一條問題:自作自受

陳敏之大讚陳凱琳廚藝了得,經常整蛋糕、餸菜,陳凱琳指自己平時會為兒子準備午飯,放在保溫壺,讓他帶回學校,但她謙稱:「叻唔叻就見仁見智啦!」

接著她笑言自己初時會問鄭嘉穎:「老公,好唔好食啊?」她很期待對方會讚很好吃,怎料他以為要真心給意見,於是直言其廚藝仍有改善空間:「你唔問都好,你咁問我都想講今日個肉韌咗啲!」陳凱琳很後悔,悟到一個真理:「唔應該咁問男人,直頭唔問,好食佢自己會同你講,你問,佢就覺得你要接受佢嘅意見…真係自己攞嚟衰!」她指除非自己對那道菜很有信心煮得很好吃。陳敏之指女人煮一頓飯要花很多心思,男人這樣說,女人心情會跌到落谷底。

陳敏之憶述拍拖時都會親自下廚,因為要「扮嘢」,陳凱琳指男人都是一樣,戀愛時可以做1,000件事,但結婚後就做半件事都嫌煩,之後就會出口術,令她甘心情願為他做事:「叫佢做半件事都難啊!佢會講:『你真係好好啊!』」不過她自小認為,想成為一位好老婆,都要懂得下廚,這是身為老婆的責任,而老公就會給她另一方面的幸福。

陳凱琳
陳凱琳後悔問過鄭嘉穎一條問題:自作自受(圖片來源:[email protected]陳敏之 Sharon Chan)
陳凱琳
陳凱琳後悔問過鄭嘉穎一條問題:自作自受(圖片來源:[email protected]陳敏之 Sharon Chan)

沒有打算生女 大爆曾流淚獲大仔貼心安慰

被問到第三胎計劃,陳凱琳指很多人覺得家庭是應該有仔有女,比較圓滿,但她表示自己比較喜歡兒子,覺得兒子好似前世小情人、男朋友仔,所以未有打算生女:「我真係好鍾意仔!」她憶述有次帶兒子出門玩一日,覺得精力耗盡,在大仔獨自看書時突然感到有好多壓力,忍不住喊:「我想做嘢,工人姐姐又有啲嘢想問我,跟住眼淚就流落嚟…」大仔見狀即走過來幫她抹眼淚,又細細道歉,以為自己做錯事:「媽咪Sorry,Don’t cry~」,令她覺得很欣慰:「嗰種觸動…好難形容!」陳敏之都大讚她兒子很貼心。

讚老公靚仔自認迷戀對方鄭嘉穎竟Say no

陳凱琳問過鄭嘉穎,愛她還是兒子多點,對方每次都答:「梗係你啦!啲仔大個一定會走,搬出去住,我哋兩個兩依為命喇。」但她覺得對方只是說給她聽而已,因為他行為上對待兒子比較好。而她坦言自比起兩個仔自己最錫老公:「我真係最錫係我老公,所以啲人話我好迷戀我老公,其實都有少少,幾鍾意佢。」她常常讚鄭嘉穎靚仔,但對方不太喜歡:「你可唔可以唔好再咁講?真定假㗎?」,因為鄭嘉穎覺得靚仔並非永遠:「如果你真係淨係鍾意我靚仔,到我真係年紀再大啲唔靚仔咁點算?」惟她澄清自己喜歡他靚仔,不代表她只是喜歡他的外表,但又笑言:「雖然係大部分原因。」

陳媽媽對鄭嘉穎改觀 陳凱琳回想舊情史

陳敏之指陳凱琳媽媽接受過傳媒訪問,坦言一開始很怕見到鄭嘉穎,擔心對方是否真正適合女兒:「佢唔係話唔鍾意嘉穎,但諗緊點算呢…」最後才認定這位女婿,大讚他是101分。

陳凱琳
陳媽媽對鄭嘉穎改觀 陳凱琳回想舊情史(圖片來源:[email protected]陳敏之 Sharon Chan)
陳媽媽對鄭嘉穎改觀 陳凱琳回想舊情史(圖片來源:YouTube@陳敏之 Sharon Chan)
陳媽媽對鄭嘉穎改觀 陳凱琳回想舊情史(圖片來源:[email protected]陳敏之 Sharon Chan)

陳凱琳聽完就想起媽媽有次都很擔心她,事緣以前她在加拿大某餐廳工作時認識一個男生,雖然不是正式男朋友,但她承認對對方有好感。有日那個男生親自下廚,邀請陳凱琳母女食飯,當陳凱琳媽媽見到對方兩邊手臂都有「公仔」,都有少少嚇倒,但深入了解後都覺得對方沒有甚麼不同。

資料來源:[email protected]陳敏之 Sharon Chan圖片來源:[email protected]陳敏之 Sharon Chan

你又點睇?

更多精選內容