陳凱琳曾因3點無諗過同鄭嘉穎拍拖 自爆多得對方出口有新劇拍

陳凱琳曾因3點無諗過同鄭嘉穎拍拖 自爆多得對方出口有新劇拍

熱話

陳凱琳 近日獲好友陳敏之邀請,在她的個人YouTube Channel節目《Chi Chat》做嘉賓。在節目中,同老公鄭嘉穎好恩愛的陳凱琳竟然大爆曾經好抗拒同靚仔拍拖,從來都沒有想過會跟鄭嘉穎在一起。

陳敏之讚陳凱琳性格令老公對她死心塌地

陳敏之憶起與陳凱琳第一次見面的情況,原來當時陳凱琳要到TVB參加《2013年度香港小姐競選》,而陳敏之正於化妝間化妝。當時陳凱琳好像小粉絲一樣蹲在陳敏之旁邊,不斷讚她,令她很驚訝:「佢個樣係鬼妹仔,佢廣東話好流利,我嚇咗跳,以為佢係講英文。」她大讚陳凱琳為人主動、友善,留下一個很好的印象。

又有一次她們兩個還有何雁詩去新加坡拍節目,到機場時陳凱琳與何雁詩跑到賣紀念品的地方買明信片,即場寫字。上到飛機,陳凱琳突然走到陳敏之旁,將明信片送給她,令她很開心:「係一個好sweet嘅女孩子…好窩心、貼心,我形容佢哋係小朋友… 終於明點解你老公喺你手,你呢樣嘢都係愛!你係叻、甜、靚、正!」

陳凱琳
陳敏之讚陳凱琳性格令老公對她死心塌地(圖片來源:[email protected]陳敏之 Sharon Chan)
陳凱琳
陳敏之讚陳凱琳性格令老公對她死心塌地(圖片來源:[email protected]陳敏之 Sharon Chan)

從無想過跟鄭嘉穎拍拖 爆對方幫自己上位

如果愛情與麵包,陳凱琳會選擇愛情,笑言鄭嘉穎是她的靈魂糧食,不過她原來從無想過跟鄭嘉穎拍拖,因為她認為很無安全感:「我都覺得老公係靚仔,但我細個覺得絕對唔可以同靚仔結婚。其他人都覺得佢靚仔,你點知,競爭咁大。」

陳凱琳
從無想過跟鄭嘉穎拍拖 爆對方幫自己上位(圖片來源:[email protected]陳敏之 Sharon Chan)
陳凱琳
從無想過跟鄭嘉穎拍拖 爆對方幫自己上位(圖片來源:[email protected]陳敏之 Sharon Chan)

而且她覺得二人地位太大差別:「我又唔係覺得自己係咩人,距離好遠,睇電視你唔會諗呢啲…」陳敏之表示以為她指二人年齡相差22歲,距離遠,陳凱琳坦承都有點距離,但她並不介意。

陳凱琳
從無想過跟鄭嘉穎拍拖 爆對方幫自己上位(圖片來源:[email protected]陳敏之 Sharon Chan)

還有一個原因是,她還未有跟鄭嘉穎合作拍戲前,覺得對方是個很酷的人。有次她拍劇集《名門暗戰》,對方突然從隔籬廠走過來跟她說:「你要多謝我啊,你知唔知啊?」她一臉愕然。後來她才知道原來他跟監製熟略,向監製推薦她:「我入廠時睇到呢個女仔拍戲,我覺得佢有熱誠,你畀啲角色佢做啦,佢OK!」所以她才有機會演出《四個女仔三個BAR》。直到他們結婚生仔後,陳凱琳感謝對方:「因為你畀到依家呢個我。」她笑言對方改變甚大,成為爸爸後經常口不對心,經常指兒子要窮養,但其實捧仔猶如皇上,不時摸、聞兒子的腳仔:「封咗佢(兒子)上去!」

讚鄭嘉穎EQ極高自愧不如

被問到想兒子似老公還是自己,陳凱琳就指自己是開朗型,想兒子比較主動,擅於社交。不過她都大讚鄭嘉穎性格上有一點是她很欣賞,就是他只會關心愛他的人,不會介懷其他不認識的人對他的評論,EQ極高:「無論人哋講佢嘅壞話,佢都唔會好擺喺心上面,佢好容易就話:『咁咪咁囉!』,跟住繼續前行。一嚟唔回應,二嚟佢唔會介意呢件事,佢只會關心愛佢嘅人:『點解會咁樣?』,其實人橫掂都唔識,毋須去作一啲回應。」但她透露自己是想得比較多、容易緊張的人,會自問:「點解嗰個人要咁睇我?我係咪有啲嘢要澄清、解釋?」所以她希望兒子們像她這樣活潑,又能遺傳到鄭嘉穎的EQ。

最後陳凱琳表示現在最想帶兒子回到她成長的地方加拿大溫哥華滑雪,未來都會想兒子可以在她以前讀書的地方讀書,但她覺得香港也不錯:「真心,香港係個超級好住嘅地方,因為我唔揸車,香港可以搭叮叮、地鐵…所以加拿大我係唔得。」

資料來源:陳敏之YouTube Channel節目《Chi Chat》圖片來源:陳敏之YouTube Channel節目《Chi Chat》、陳凱琳Instagram

你又點睇?

更多精選內容