陳柏宇指早年識老婆因1理由早就分手 自爆每次教用絕招化解爭執 成功維繫感情

陳柏宇指早年識老婆因1理由早就分手 自爆每次教用絕招化解爭執 成功維繫感情

熱話

陳柏宇 Jason 與符曉薇結婚四年,育有一女Abi。他們一家經常在社交平台分享公開日常生活趣事,又會搞直播。近日他在個人YouTube Channel 「陳柏宇Jason Chan」開吹水台,拆解網民的感情問題。影片中,他成個愛情專家上身一樣,除了給網民建議,還不時自爆與老婆符曉薇的秘密。

20歲識符曉薇九成九會分手

陳柏宇一向鍾意吹水,程度去到網民封他為「陳伯」,所以他索性拍片分享愛情觀。他直言如果20歲認識符曉薇九成九會分手,因為他指對方鬧交時很無賴:「我會頂唔順佢某啲嘢,一定唔會頂得順,佢鬧交嘅方法我係搞唔掂。」但現在的他會受得了,因為會明白這是她的性格。

他又爆料指老婆常常吃過期麵包:「我話麵包過咗期,佢話麵包過期唔怕。老婆叫我食,我就話我唔食喇,但我唔介意你食。第一,你唔好逼我食;第二,你唔好逼我個女食。你想食過期麵包無問題,隨便啦!」

(圖片來源:YouTube@陳柏宇Jason Chan)
(圖片來源:[email protected]陳柏宇Jason Chan)
(圖片來源:YouTube@陳柏宇Jason Chan)
(圖片來源:[email protected]陳柏宇Jason Chan)

分享美滿婚姻維繫方法

講起雙方鬧交情況,他自爆並非每次一有不滿意就會跟老婆坦白,受得住都會頂:「有時嘢我食得嘅就食晒!」除非那件事令他很生氣,他才會說出來。他憶述有次邀請朋友在家吃飯,老婆想煮很多餸菜,他認為太多,最終只準備他認為合理的份量。開飯時,他老婆故意吃零食,然後埋怨餐飯份量不足:「我老婆賤賤格格,特登食其他嘢。」最終有剩菜,但他為了緩和大家矛盾,沒有刻意寸老婆。

他以過來人身分認為沒有可能令老婆發少點脾氣:「死咗條心佢!」只能在老婆發脾氣時聰明點,不要挑戰她,或者不要挑戰到她發脾氣才停止,就是維繫感情的關鍵:「我完全明白,但作為偉大嘅我哋,係要忍讓。因為佢發脾氣嘅時候係無理智,唔係講原因,唔係同你討論…佢唔想中立,唔想你認錯,佢只係想發脾氣,你由佢。」到事件緩和時,他就會問一句:「嬲完未啊BB?不如我哋一齊食飯?」就會解決到。

陳柏宇認為信字很重要 容許老婆同前度見面

他指兩個人之間,信任很重要。他大爆老婆偶爾會跟前度見面,但他不會阻止他們聚會,因為他覺得這是小家的行為:「我無特別大方,咁大佬佢哋依家又唔係出去偷食,出去食飯之嘛。咁人哋都有過幾年感情,係朋友。」他坦承自己都有跟前度見面,但他不會對對方有非份之想,也從不會打算復合:「我係唔係每次都諗…我哋曾經都咩吖…梗係唔係啦!你唔係咁諗,點解下下都覺得人哋係咁諗?」

(圖片來源:YouTube@陳柏宇Jason Chan)
(圖片來源:[email protected]陳柏宇Jason Chan)
(圖片來源:YouTube@陳柏宇Jason Chan)
(圖片來源:[email protected]陳柏宇Jason Chan)

他又指老婆知道他所有社交平台的密碼,幾時都可以直接拿他電話看看其行程:「邊個傳訊息畀我,無傳畀佢,佢自己開嚟傳畀自己。」但他直言自己沒有甚麼需要隱瞞,覺得無所謂。

(圖片來源:YouTube@陳柏宇Jason Chan)
(圖片來源:[email protected]陳柏宇Jason Chan)
(圖片來源:YouTube@陳柏宇Jason Chan)
(圖片來源:[email protected]陳柏宇Jason Chan)

符曉薇曾公開踩陳柏宇 終攜手打破婚變傳聞

其實四年婚姻中,他們曾經傳過婚變,事緣今年六月,符曉薇突然在Instagram發表限時動態,鬧爆陳柏宇與她一起接受訪問,雖然她對對方讚不絕口,不過對方回應卻令她覺得好像寸她沒有用,對家庭沒有實質貢獻,事後更直言覺得相當委屈,曾一度想離家出走:「真係好想去打牌,之後見到個schedule你今日要唱歌,之後我又cancel咗佢哋。費事你無精神。但係真係好想離家出走。」

她更重提二人結婚時的事,直言當時「我乜都唔要就嫁比你」,雖然陳柏宇當時「無求婚,無禮金,無過大禮」,不過但她仍「將自己嘅金器俾晒你賣,因為我一路覺得你值得。值得我乜都唔要,淨係要你。」但因為那次訪問後,令她覺得陳柏宇不珍惜自己,勸對方不要再踩到她一文不值。

陳柏宇指早年識老婆因1理由早就分手 自爆每次鬧交靠兩字拆解成功維繫感情
(圖片來源:[email protected]_1027)

事後陳柏宇寫千字文向她道歉,還澄清一家三口仍十分恩愛。而她亦解釋之前的埋怨全因誤會而起,又指對方是個值得付托終身的人:「一個會用心去哄你仲會用千字文認錯嘅男人其實好難得…有個唔怕煩,會用心去告訴對你嘅愛嘅人,呢個人值得你穿白色婚紗,付托終身畀佢,我已經搵到。」

陳柏宇指早年識老婆因1理由早就分手 自爆每次鬧交靠兩字拆解成功維繫感情
(圖片來源:[email protected]

陳柏宇一家搬去何文田住1500呎大屋

陳柏宇最近已搬到何文田新屋,有指其新居近1,500呎。大廳有落地大玻璃,背後有個小露台,旁邊有大飯枱。囡囡有自己房,大過陳柏宇間房,又展示雜物房、晾衫房。而全屋最大的一間套房近300呎,陳柏宇用來做衣帽間,放了三個大衣櫃,又有個大廁所、化妝枱等等。全屋連工人房總共有四個大廁所,一家三口加外傭姐姐任何時候都毋須爭廁所用。

資料來源:[email protected]陳柏宇Jason Chan、[email protected][email protected]圖片來源:[email protected]陳柏宇Jason Chan、[email protected][email protected]

你又點睇?

更多精選內容