雨僑

雨僑曾淚崩 數豬隊友7宗罪 羅力威指湊B容易拒請工人 公開鬧交和好3大法則

熱話

廣告

雨僑 與羅力威結婚四年,兩年前誕下女兒Harper,一直十分甜蜜。日前雨僑在TVB節目《日日媽媽聲》上擔任嘉賓,竟然在節目中大爆老公四大罪,更指老公照顧女兒時幫倒忙,令她更加煩惱,即刻睇睇羅力威到底做了甚麼!

6大消費券平台優惠比較

《日日媽媽聲》雨僑曾淚崩數羅力威7宗罪 父女像前世仇人

在節目《日日媽媽聲》中,雨僑一開始大讚羅力威對她一直照顧有加,特別在懷孕期間簡直是無微不至。所以她就有錯覺以為老公一定很擅長照顧女兒。想不到事實恰恰相反,雨僑表示她從醫院逗留四日回到家中就流淚了。

雨僑
(圖片來源:TVB《日日媽媽聲》截圖)

因為之前他們沒請工人及陪月員,主要都靠家中長老及親戚幫忙,當家人回去後只剩雨僑及羅力威兩人輪流照顧女兒。但是二人分工出現問題 ,雨僑表示羅力威「好多嘢都幫唔到」:第一,只要是羅力威餵奶都喝不完,總會剩幾安士。第二,雨僑指:「換片就…著唔到啲套頭衫就著唔到啦,幫BB換衫,佢一定揀扣鈕衫,但係下半身永遠無扣好」。羅力威「甩轆」行為嚇怕一眾主持:「咁恐怖呀?」雨僑表示其實平時羅力威有觀察她或者長老們怎麼做 ,但每次她都回來一看女兒都是處於一個很差的狀況,這個情況令到雨僑感到十分無奈,連主持人都指羅力威是「豬隊友」。

雨僑
(圖片來源:TVB《日日媽媽聲》截圖)

雨僑又指羅力威與女兒Harper像「前世仇人」多於「情人」,不知道為甚麼女兒較抗拒父親照顧,大大增加羅力威的育兒難度。雨僑有一次她想拍Vlog 「爸爸湊女一日」,當日她完全不插手, 放手讓爸爸去照顧女兒,她大爆對方問題多多:「起唔到身湊女」、「餵唔到奶」、「爆片處理唔到」,最後一樣竟然是「連BB反抗唔畀抱」。雨僑更取笑兩父女只要在一起就是互相掙扎,畫面十分搞笑。

2個月後終後悔無請家人幫手

雨僑夫婦在女兒出生後兩個月後悔沒有請人幫忙, 雖然有家人幫助,但係他們都住得遠亦十分辛苦,雨僑又不捨得讓老人家折騰,又認為自己計劃不夠周詳,實際運作時大失預算。

雨僑
(圖片來源:TVB《日日媽媽聲》截圖)
雨僑
(圖片來源:TVB《日日媽媽聲》截圖)

幼稚園面試 爸爸背答案都出事

雨僑在節目中又踢爆羅力威與女兒幼稚園「 甩轆事件」: 「因為我先生佢講嘢會有啲緊張,所以他就會提前記定啲答案。 其實我就建議佢唔使記,當老師問到小朋友嘅興趣或喜好時,老公衝出嚟話『我…我小動物最鍾意小朋友……』佢調轉晒啲前前後後! 佢淨係記得大概重點。」幸好女兒遺傳了她的口齒伶俐基因,雖然只能講簡短句子,但似乎表達能力都比爸爸好。

雨僑
(圖片來源:TVB《日日媽媽聲》截圖)

在剛剛過去的父親節,Harper 可以講出「Happy Father’s Day」,更可唱完整首「ABC歌」,可見她說話能力真的不錯,反而爸爸應該要向女兒學習一下哦!

雨僑
(圖片來源:[email protected]
雨僑
(圖片來源:[email protected]

雨僑與羅力威相處大揭祕

雨僑曾在自己的YouTube Channel「雨僑 Ava Liu」與老公羅力威拍片,解答網民對他們夫妻的相處之道的疑問,同時分享生活點滴。她與老公羅力威拍拖七年,快將結婚四年,育有一歲半女兒Harper,而今集重點是分享最嚴重的一次鬧交和最不能容忍對方的事。

雨僑
(圖片來源:[email protected]
雨僑
(圖片來源:[email protected]

羅力威以為「湊B」好輕鬆 堅決不請工人

雨僑直言四年來最嚴重的一次鬧交是因為他們爭論應否請工人姐姐,她解釋: 「當個囡出咗世之後,好辛苦,咁啱嗰陣長老嘅身體狀況又一般,完全唔可以幫到我哋手照顧,所以我嗰陣要自己湊住BB。」她指湊B真的太辛苦,首三個月沒有一晚可以睡多過兩小時,加上她有兩隻貓要照顧,還有大量家頭細務,令她當時有少少產後抑鬱。

她希望聘請工人姐姐,惟羅力威堅決反對,他解釋一開始以為照顧BB不是一件很辛苦的事,加上習慣二人生活,一下子無法接受有位陌生人共住:「我以為湊BB唔係我想像中…無我想像中咁辛苦嘅事之前,無小朋友之前喺屋企咩事都可以處理到,家頭細務對我嚟講係一啲好簡單嘅嘢。同埋唔想屋企多咗個…(陌生人),覺得怪怪哋。」

史無前例傷感情 靠工人促進夫婦之間和平

最後二人達成共識,事隔八個月後終於請到工人姐姐,夫妻二人十分滿意姐姐。但雨僑認為那次鬧交是史無前例地傷感情,沒有一個很輕鬆的方法可以解決這個問題:「因為兩個人都好辛苦又唔夠瞓…人生最唔夠瞓、最攰、最無助嘅時刻,一個人都幫唔到,其實係好絕望。同埋兩個人嘅情緒好繃緊,係最差嘅情況, 少少想原諒對方嘅空間都無。」直到有姐姐幫助,幫手緩和到問題,高呼「姐姐簡直促進世界和平」。

羅力威事後反省過,承認自己沒有考慮到BB的出生會為他們帶來重大的改變同壓力,是自己輕視了這個問題:「之前無諗清楚,原來小生命每隔兩、三個鐘頭就會醒」

羅力威指雨僑無手尾 多甩漏

除此之外,羅力威亦分享容忍不到雨僑的奇怪習慣,他舉例:「我自己睇到嘅嘢…㗩…點解佢睇唔到?!我就會開始埋怨、嬲。每次經過插蘇,佢叉親電,個插蘇永遠都係插唔實,永遠露出三份二或者二份一嘅插頭。」還有「我聽到廚房點解有煲水聲?煲親水,個煲蓋又唔會合實晒…個煲就會一直係咁煲水。」另外羅力威指出雨僑煮飯的習慣,例如指她開啟煤氣爐掣的時間過長,明明見到有火仍長按不放手:「硬係有啲人鍾意咁…」不過他都知道自己「奄尖聲悶」:「又唔可以話佢,又唔係我煮飯。依家我會覺得隨便你啦,只要呢件事係安全就OK。」最後,他指自己不明白她為甚麼要用很多用具煮飯,此時雨僑終於忍不住反駁: 「他永遠都數着我煮飯用多少碟、幾多筲箕。」

羅力威又說︰「屋企所有嘢我都知道擺係邊,但自從有咗姐姐之後,我而家所有啲野都唔知擺喺邊。」雨僑回應︰「而我嘅解釋只有一個,你睇睇我以前嘅廚房就講完啦,咁我邊度有位唔塞晒啲落個鋅盤度,我仲點切嘢點煮飯呢 ? Case closed!下一題!」

雨僑 以前廚房
以前廚房(圖片來源:[email protected]雨僑Ava Liu)

羅力威又指自己會很擔心雨僑有沒有「手尾」︰「有時兩個人出門口,你會擔心度門有無閂實。會有一個人去負責啲野閂得實,如果萬一真係唔係嗰個人(我)閂嘅話,係另一個人(雨僑)閂嘅話,你會擔心佢有無閂實。」雨僑埋怨︰「然後佢就會係全日餘下嘅旅程,每五分鐘就會問你一次,其實頭先你有無閂門呢?你係咪覺得有閂好呢?佢就會問足一日喇。」

雨僑
(圖片來源:[email protected]雨僑Ava Liu)
雨僑
(圖片來源:[email protected]雨僑Ava Liu)

雨僑踢爆羅力威太粗暴 令她「周身」傷

羅力威平時很粗暴,每次想坐在雨僑身邊時,身體都會大力碰撞她,雨僑投訴: 「佢成日以為自己個身型好似條燈柱咁闊,咁多年來我手手腳腳搞到咁多損傷流血始作俑者就係佢!」她形容老公的行為是「炮彈式坐低」和「核爆式躺平」,令到她多年都是遍體鱗傷,流晒血。

羅力威反駁︰「你見我嚟緊,你唔識讓開兩格嘅?」雨僑難以理解︰「癡筋㗎!你見到人坐度,你望清楚先坐落去,但你攤開手腳就坐落嚟!」羅力威還擊︰「你開咗門一踏前,成日遞隻腳出嚟,被人踩喺後面,貼到你實一實,你估我想踩嘅咩?」雨僑再回應︰「你唔好喺佢嘅360度嘅一尺範圍內出現,你就唔會受傷。或者佢行緊過嚟,你就好避開喇!」

夫婦相處要記得3大法則

二人提及到多年來即使對方說話時「九唔搭八」,他們都會明白到對方想表達的真正意思。雨僑指:「首先你要對於一啲佢經常會錯嘅嘢 劃上等號,例如口罩等於牙套,露台等於平台,廁所等於廚房,呢嘅野佢講親都錯,你就心中有數佢係講緊呢樣嘢,熄燈等於開燈,關小燈等於開大燈,你要知道佢講緊邊樣嘢。」

她指自己跟羅力威不會共事,所以對方說話「九唔搭八」對她沒有甚麼大影響:「我就無咩所謂,除咗今次拍嘢,我係極少同佢一齊做嘢。因為如果我同佢一齊做嘢,我應該都頂佢唔順,所以以前我哋都唔同公司,都有唔同既人照顧。最多依家關於BB嘅問題,要面對其他人,應該係話,我對住佢,我會知道佢講緊乜,如果我哋要一齊面對其他人的話,咁就會麻煩啲喇,咁但係好嘅呢係,呢個機會亦都唔係好多!」

她指夫婦相處有三大法則,每當面對爭執,都要「道歉補償改過」

網民狠批羅力威自我中心 大讚雨僑EQ高

不少網民看畢片段都留言指羅力威,讚雨僑容忍程度很高:「睇得出雨僑EQ真係幾高,先生就係一般的男人咁,內向型+有點自我中心」、「羅生理論,只有別人錯,沒有自己錯,別人的細節數到足,自己的,沒有理別人感受卻不是自己的錯,而是別人沒有讓自己。雨僑小姐辛苦你啦,做呢種男人身邊既女人,沒有被體諒,還要被怪責做得不夠好。」有網民認同他們的日常非常真實,一段感情很多時候都會小吵小鬧,但對於雨僑和羅力威夫妻之間來說,鬧完、彆扭之後能夠和好如初才是最重要的事,而且人無十全十美,學憧包容是需要學習的一課。

常見問題

雨僑為何淚崩數羅力威7宗罪?

雨僑表示羅力威「好多嘢都幫唔到」:第一,只要是羅力威餵奶都喝不完,總會剩幾安士。第二,…詳情請看

雨僑和羅力威經歷了何事,史無前例傷感情?

雨僑希望聘請工人姐姐,惟羅力威堅決反對,他解釋以為照顧BB不是一件很辛苦的事,加上…詳情請看

圖片來源:TVB《日日媽媽聲》截圖、[email protected]雨僑Ava Liu,[email protected]

你又點睇?

更多精選內容