颱風摩羯|學生放風假開心到狂爆金句真話 網民:因住畀家長同老師秋後算賬
廣告
今天(9月5日) 颱風摩羯襲港,有多間學校提早放學,教育局更表示明日(6日)中小學日校、幼稚園及特殊學校等均停課,有不少學生直言覺得超級開心。
8號風球「學生爆笑金句合集」
1. 女同學笑到要掩嘴:我哋容光煥發
因應天文台傍晚掛八號波的預告,慈雲山學校村多間學校都提早放學,有女學生笑到掩嘴:「超級開心,睇我哋笑容就知道,我哋容光煥發啦!」
![颱風摩羯 停課 有女學生展示「容光煥發」的笑容。(圖片來源:有線新聞截圖)](https://imgs.weekendhk.com/wp-content/uploads/2024/09/01_47195134166d98ca654615.jpg)
2. 「讀書係我本份」再出場 學生Miles五字講出真心話
學生Miles先是一本正經地說:「有啲唔開心亦有啲開心,因為覺得返學讀書係我嘅本份嚟嘅。」
隨後卻語氣一轉講出自己真正的心聲:「其實唔係,我好憎返學!」
![颱風摩羯 停課 學生Miles直言:「我好憎返學!」(圖片來源:有線新聞截圖)](https://imgs.weekendhk.com/wp-content/uploads/2024/09/02_38646283966d98c89d338b-818x1024.jpg)
3.學生Darren對打風存疑:咁好天,唔明點解八號
學生Darren則對打風存疑:「因為其實咁好天,我都唔係好明點解話一定會出八號風球。」
![颱風摩羯 停課 學生Darren唔明天文台的決定。(圖片來源:有線新聞截圖)](https://imgs.weekendhk.com/wp-content/uploads/2024/09/04b_6602291166d98c9842387-1024x771.jpg)
4. 有學生表示聽日會溫書 被踢爆講大話?
學生Heinrick表示會把握突如其來的假期:「聽日會喺屋企溫書。」但身旁的朋友仔Kingsley即表示驚訝:「吓?溫書?」似乎在踢爆好友講大話。這時,記者即詢問Kingsley明天風假會做甚麽,他則誠實回答:「可能睇電視、打機。」
![颱風摩羯 停課 學生Heinrick表示聽日會溫書,身旁好友表示驚訝:「吓?溫書?」(圖片來源:有線新聞截圖)](https://imgs.weekendhk.com/wp-content/uploads/2024/09/03_204863265266d98c8e0662d-1024x814.png)
5. 吐8字震撼友人「O嘴」及露出「神秘微笑」
另外,有其他學生也表示明日會溫書,表示會「預習吓下學期課文」,即時被幾位同學質疑講笑,他即一臉認真回應說:「我唔係講笑,認真。」引來身旁同學們起哄大笑。期間,有同學更重演「新油天三子」一幕, 相當搞笑。
![颱風摩羯 停課 有學生也表示明日會溫書,被同學們起哄大笑。(圖片來源:有線新聞截圖)](https://imgs.weekendhk.com/wp-content/uploads/2024/09/05_213961951866d98c9e6bdb1.jpg)
相關新聞:開學遲到男生淡定受訪 狂爆金句超搞笑 網民笑到癲:高質訪問
小六學生2字回答「開學見到同學最期待乜嘢?」 網民爆笑:妙問妙答!
網民爆笑:因住畀家長同班主任秋後算賬
網民大讚學生們回答好精彩:「呢啲就是青春」、「依家啲中學生真係好高汁(即高質)」、「而家D學生好識玩」、「個個被訪小朋友都好正」、「簡直係真情流露」、「只有返工嘅人先會鍾意返學」、「敢言!希望佢大個都可以好好保持」、「上次個小學生話學習係我嘅本份…XD」、「因住畀家長同班主任秋後算賬」、「D 細路好正,開心好容易」。此外,有網民更表示「保良局嘅學生,果然都係高材生,好知記者想要乜嘢」。
![颱風摩羯 停課 (圖片來源:截圖@now新聞台)](https://imgs.sundaykiss.com/wp-content/uploads/2024/07/screen-shot-2024-07-09-at-4.28.59-pm_1318879374668cf5c0e0110.png)
圖片來源:有線新聞截圖