許冠文

金像獎2022|許冠文獲終身成就獎含淚憶許冠英 欲棄拍笑片因太太1話頂住

熱話

廣告

從影半世紀的許冠文 於第40屆香港電影金像獎獲頒「終身成就獎」。現年79歲的許冠文拍過多套喜劇,就如頒獎嘉賓黃子華所講,以前70年代的大人勞勞役役工作、小朋友沒有太多娛樂,惟獨可以入場睇電影笑一場:「睇次許冠文,慳返去旅行!」一代笑匠許冠文,實至名歸!

金像獎2022得獎全名單

許冠文獲金像終身成就獎 自嘲等咗40年

許冠文縱橫影壇半世紀,曾參演《鬼馬雙星》、《半斤八兩》,他笑言憑《摩登保鑣》奪得第一屆金像獎「最佳男主角」後,以為獎項會陸續有來,誰知得到六次提名,一個獎都沒有:「如果人哋話我好有成就,我應該要講啲咩?我想坦誠啲,40年前我攞最佳男主角,以為獎盃陸續有來,一路40年,等到今日,一個都冇,會長(爾冬陞)打畀我,話『我哋準備畀你終身成就獎』,我話『吓!咁快同我埋單?』,終身成就獎即係埋單,我仲要攞獎喎。」

他補充:「會長話:『你放心啦,如果你叻仔到好似謝賢,你就一啲問題都冇,謝賢攞終身成就獎,分分鐘攞埋最佳男主角。』四哥坐喺裏面,四哥對我嚟講係非常之大鼓舞。我真係唔覺得自己終身有咩成就,我只係覺得自己一世好命,可以喺香港呢個我認為全世界最美麗、最浪漫、最有機會嘅地方,喺呢度成長,呢個係我嘅好命。」

許冠文
(圖片來源:ViuTV《第40屆香港電影金像獎頒獎典禮》直播截圖)

事後許冠文於後台接受ViuTV訪問,指黃子華介紹他出場領獎,沒有成就都變得有成就。被問到何時有新戲,他指如果親自製作電影,他會自編自導自演,但如果拍戲就可能只會客串:「其實我唔係好鍾意做戲㗎啫,我鍾意編劇,編啲新嘢出嚟去睇吓得唔得。」

許冠文
(圖片來源:[email protected] HK)

含淚憶亡弟許冠英 欲棄拍喜劇因老婆1話繼續努力

許冠文更在台上多謝幾位貴人,包括李翰祥、鄒文懷,最重要感謝「最可愛、最親愛」的三個弟弟許冠武、許冠英、許冠傑,他哽咽道自己常常發脾氣,弟弟都無情講:「因為真係聲都唔敢出,許冠英經常同人講『梗係唔敢出聲,邊敢呀?佢聲大夾惡,又倔強固執,又牙尖嘴利,咪佢講晒囉』。許冠英已經去咗天堂,我知佢今晚一定睇緊,今晚想借呢個機會同佢講,所有你對我嘅批評都係啱嘅,我無咗你真係唔得,我好掛住你,同埋多謝你,呢個獎大部分都係屬於你。」

許冠文
(圖片來源:電影截圖)

許冠文又多謝老婆鄭潔英、仔女及兩個孫:「我太太是所有我喜劇靈感來源,佢有非常樂觀人生態度,佢認為今日天跌落嚟,聽日都會更好,有陣時我覺得山窮水盡,我想拍悲劇,佢就會鬧我,使乜你拍悲劇畀我哋睇?呢個現實仲唔夠悲,睇新聞就得,段段都係,依家我哋戴口罩戴兩年幾喇,你一定要繼續拍喜劇,令香港人就算喊,都係笑着哭!提醒香港電影嘅兄弟姊妹,未來日子我哋會面對比較困難時光,我哋千祈唔好怕,我哋明天一定會更好,我哋香港人永遠有種精神,就算我哋喊,都係笑住嚟喊。」

其實他曾於節目中坦言過對弟弟很兇,曾想補救,但對方對他太恐懼,令他覺得好遺憾,明明內心好錫弟弟,卻未能讓對方方知道。另外他亦曾大讚老婆,他指自己完全無創作意念,覺得山窮水盡時,只有老婆可以救他,因為她會轉講其他事,帶走他的負面情緒。

許冠文
(圖片來源:[email protected]

許冠文與老婆結婚,結婚50年恩愛如昔。他曾有線電視接受訪問,用經營公司比喻婚姻,笑指夫妻相處之道就是聽老婆話,大部分事都交給老婆話事,日子就好容易過。以經營公司妙喻婚姻:「結婚好似開一間公司,若果兩個人都話事就好麻煩,只要大部份事都畀老婆話事,就好容易過日子。」他指自己「好命」遇上好老婆:「婚姻係套餐,要鍾意晒對方全部,要學識欣賞對方缺點,好似我老婆餐餐都要搵新嘢食,我初頭覺得好鬼煩,但係依家變成我其中嘅一項樂趣,因為我知道每晚都有好嘢食。」他還感謝老婆掌握財政大權,讓他不用亂使錢:「我自己係藝術家性格,若果無老婆,我可能洗晒所有錢。」

許冠文
(圖片來源:[email protected]

許冠文女兒是前歌手 認呷醋女婿

許冠文有位女兒許思行,現年45歲,童年時曾於在電影《雞同鴨講》、《新半斤八兩》中客串演出。畢業於香港演藝學院後,她成為一位歌手, 曾經為TVB演唱多首《美少女戰士》的主題曲及片尾曲,更憑《不必放棄》奪得《1998年度兒歌金曲頒獎典禮》「至Net兒歌大獎」。2006年與謝漢傑結婚,當日許冠文被爆要服鎮靜劑,以免自己情緒失控,他曾於有線節目坦言自己呷醋:「我覺得男人個個都係呷醋老竇,個女係半個女朋友,忽然有個男人搶走我女朋友,梗係嬲啦,個個男人嫁女嗰晚都好慘。」現在眼見女兒婚後生活美滿,還誕下囝囝,讀書又叻,才明白不應該霸住個女,因為女兒不是自己財產。

許冠文
(圖片來源:TVB電視截圖)
許冠文
(圖片來源:TVB電視截圖)

常見問題

為何林家棟被封最乖男主角?

林家棟憑藉電影《手捲煙》和《智齒》的演出在第40屆香港電影金像奬獲得雙提名「最佳男主角」,最後不敵謝賢於電影《殺出個黃昏》的精湛演出,失落獎項。林家棟雖然失落影帝,但…詳情請看

謝霆鋒當年封影帝時,如何在台上向謝賢挑機?

謝霆鋒在2011年首封影帝時,在台上重提昔日寸老豆的往事:「以前老竇成日同我講『你知唔知你細個時,我已拍了幾百部電視劇、幾百部電影。』…詳情請看

圖片來源:電影截圖、TVB電視截圖、[email protected][email protected] HK、ViuTV《第40屆香港電影金像獎頒獎典禮》直播截圖

你又點睇?