fit爆陳敏之陀巨肚出巡︰邊個夠我大!

fit爆陳敏之陀巨肚出巡︰邊個夠我大!

今年37歲的索腿天后 陳敏之 ,正為老公雷偉信陀B仔,不經不覺已懷孕八個幾月!日前敏之就孖住前經理人Gary現身銅鑼灣食飯,食飽之後更立即於社交網站大騷巨肚!雖然肚係大,但敏之每次上載近照時都完美演繹何謂「肥肚唔肥人」,實在太令人羨慕!

 

撰文︰Sunday Kiss

敏之現時懷孕八個幾月,今年12月就會擇日剖腹生B,仲笑言係佢同老公最好的聖誕禮物!大肚敏之近日雖較少在公開場合露面,但不時都會在網上晒相分享近況,見到佢身材仲係好fit,手腳保持纖細,唔知佢有冇咩秘法可以教其他準媽媽呢?

就快生得的敏之最近多數安在家中養胎,不過前經理人Gary約佢,有得出街行吓又點會唔應約呢?佢哋呢日就喺銅鑼灣食晚飯,之後敏之更上傳相片同粉絲分享近況。睇到敏之個肚真係籮咁大,難怪佢留言︰「「邊個夠我大!」另外佢塊面仲好似尖過以前,真係令人羨慕!

全文完

更多精選內容