【幸福滿瀉！】三代同堂賀67歲生日 洪金寶流露幸福笑臉

深信有睇香港武打片嘅人都會知道邊個係洪金寶！著名武打巨星洪金寶9歲就已經踏入電影圈，對香港電影有好大嘅貢獻，更被稱為香港影壇嘅「大哥大」，可見佢嘅地位舉足輕重。洪金寶育有4名子女，其大仔亦係為人熟悉嘅藝人洪天明，於2012年同香港小姐周家蔚結婚，並育有2名兒子。

早前洪金寶67歲牛一，孝順仔洪天明就同爸爸一齊慶祝生日，佢好罕有咁上載一張三代同堂嘅全家福，更留言話：「生日快樂爸爸。」相入面除咗有洪金寶夫婦，天明一家四口，仲有二仔洪天祥同細女洪煦榆，一家八口三代同堂！唔怪之得壽星公洪金寶都不禁流出個幸福笑臉！