半夜泵完奶倒瀉晒 官恩娜：終於知道咩叫做欲哭無淚
官恩娜 (Ella)2015年下嫁中法混血丈夫Juan-Domingo Maurellet，婚後誕下兒子BéBé G，今個月誕下囡囡BéBé A（Aurélie），一兒一女湊成「好」字。Ella婚後放下了音樂事業，一心相夫教子，甚少在幕前演出。再為人母，Ella經常在社交網站分享當母乳媽媽的心路歷程，看得出她非常享受當媽媽的樂趣。
撰文：Sunday Kiss
撰文：Sunday Kiss
相片：官恩娜@IG
官恩娜 半夜泵完奶倒瀉晒
日前，Ella在社交網站分享了佢餵人奶的慘狀。片中可以看見，Ella呢段心酸經歷，佢話：「半夜泵完奶諗住畀個女食，點知入口之前全部倒瀉晒……終於知道咩叫做欲哭無淚……」「喊都冇用，只好埋身再餵，阿女終於瞓咗，等我食啲榴槤，陣間再努力過！」
儘管Ella倒瀉奶之後感到欲哭無淚，不過見囡囡吃飽飽樣子咁可愛都忍唔住幫佢影翻張相。
心痛囡囡瞓唔好
已出院休養的Ella，本來應該開開心心坐月同湊B女，但佢昨晚喺網上大吐苦水。原來樓上在Ella臨生前幾日開始裝修，直到近日工程依舊未完成。佢又補充話，明白人人都有權利裝修，只係惟擔心鑽牆聲影響囡囡休息，仲高呼「好想上去跪佢哋唔好再鑽」，加埋一堆痛哭表情符號，睇到都戥佢同BéBé A心痛。
