名模媽媽 Ana R. 搞 親子app 玩盡香港

名模媽媽 Ana R. 搞 親子app 玩盡香港

韓國及波多黎各混血名模 Ana R. 十多年前從美國來港發展,英籍老公Brad 同樣在港工作,兩人已當香港為家,2015年11月誕下囡囡Maya Ji Hye Garland,名字包含了西班牙名、中間的韓國名和英文姓氏,十分國際化。Ana自為人母後,做每件事皆以女兒行先,不論購物、玩樂、選擇餐廳都從女兒角度出發,「我已經唔記得對上一次幫自己買衫係幾時!」Ana覺得榮升媽媽後,人生變得完整,對很多事情亦有新的看法。
Ana覺得香港是一個國際化城市,比老家美國安全,更適合女兒成長。不過在香港這片彈丸之地,Ana 為女兒尋找玩樂地方遇上困難,因網上資訊太散亂,遂萌起搞一個如親子玩樂Guide的整合平台,經過多個月的時間,與拍檔創辦了親子玩樂app「Playdays 」,綜合了全港適合親子玩樂、食飯、購物及閱讀等好地方,讓家長一app 在手,想去邊都得。

撰文:Ling
攝影:Simpson Chiu(部分相片由受訪者提供)
場地:Butcher and Baker Café(tel:2591 0328)

Ana笑言很多人問過她會否讓女兒成為小model,如果女兒將來喜歡,她絕不會阻止,但首要必先完成學業,往後的人生路由她自由選擇。

名模齊齊變模媽

一班在港發展的混血名模如Lisa S.、Cara G.、Jessica C.等已陸續成為人母,Ana與這班好姊妹由講工作和扮靚,變成湊B經、餵母乳。「我哋嘅背景同經歷差唔多,做咗媽媽之後我哋有更多共同話題,好似餵母乳、餵BB食飯、去邊度玩等等。」

不少港人因為政治氣候、房價高昂、地小人多、教育壓迫等問題考慮移民,但一班在外國長大的模特兒,覺得香港才是理想的家,Ana覺得香港安全、交通方便,地方小但充滿樂趣。「我覺得美國仲比香港危險少少,因為美國容許民眾持有槍械,對於小朋友成長我覺得唔係咁安全。我嚟咗香港超過15年,10年前仲創辦咗model公司,我哋已經紮根喺香港。」

4
Ana與拍檔Cleo(左三)一齊開發手機應用程式Playdays,並邀請了好友Jessica C(. 右一)、官恩娜妹妹Mallory和其小朋友出席午宴。
5
Ana與Jessica C.差不多同期做媽媽,兩人有說不完的話題。

3

2
Ana暫時未考慮生多個,因女兒只有16個月,想專心照顧她,待她兩三歲才會考慮。

嘆香港讀書好貴

不過Ana對於香港的教育制度也有微言,最頭痛是學費問題,為了幫女兒搵好學校徹夜難眠,作為外籍人士,讀本地傳統學校未必融合到,讀私校或國際學校又太貴。「搵間適合Maya嘅學校唔容易,因為唔同學校有唔同教法。最困擾係香港學校嘅學費有啲失控,全世界得香港係咁。」

Ana強調作所有決定都以女兒為大前提,找學校也一樣,最緊要女兒喜歡。自誕下女兒之後,Ana笑言已經好少理會老公,「啱啱結婚你會成日諗住老公,同人介紹老公會稱呼佢做baby;但當你有小朋友之後,小朋友先係你baby。你做所有嘢都係為咗baby,包括搵學校、搵餐廳、搵地方玩等等。我好耐冇為自己shopping,我買所有嘢都係俾個女,我已經唔記得對上一次買衫俾自己係幾時。

7
Ana與老公Brad 皆喜歡戶外活動,一家人常帶同狗狗行山郊遊樂。
Ana每晚睡前都會準備明天的時間表,甚至預備好一星期,她喜歡每件事都安排得妥當,尤其為人母後要分配時間湊女,更需整理好自己和女兒的時間表。

社會一路變 谷小朋友無用

Ana錫女錫到燶,但斷言絕不做虎媽,她覺得家長對小朋友必須平衡讀書與玩樂,而且世界變得那麼快,用今天的社會狀況去谷小朋友,將來可能不合時宜,所以應該培養小朋友多元發展,以適應將來的社會變化。「好似我哋依家做緊嘅工作,將來都未必存在,甚至有新嘅工種取代。即係你依家想小朋友做呢份工,可能將來根本冇得做。小朋友正面對急速轉變嘅社會,所以我哋要幫小朋友平衡發展,從多角度學習,但最重要係俾小朋友過一個開心嘅童年,因為一生人只有一次童年。」

8
Ana曾是一位母乳媽媽,餵哺囡囡母乳直至六個月大。

Ana形容女兒的性格似足她,為人隨和、開心,尤其雙眼最似她,女兒亦喜歡跳舞、音樂和畫畫,是個活躍的小朋友,Ana經常要找地方讓女兒放電。「我去邊都帶埋Maya一齊,俾佢出去睇多啲,我會盡量揀適合小朋友嘅地方去,會留意有冇育嬰室、餐廳有冇high chair、玩樂設施等等,Maya好鍾意食嘢,我成日搵新餐廳俾佢試。」

10
Maya有4分1韓國、4分1波多黎各及2分1英國血統。

囡囡玩盡全新界

16個月大的Maya已曉行曉走,Ana亦放手讓女兒自由摸索,她笑指女兒學識走路之後,常放開媽媽的手自己走開。「小朋友識行之後,就需要俾佢哋多啲向外探索,雖然香港地方細,但充滿親子玩樂好地方,我哋住喺新界,成個新界都係Maya嘅至愛。」一家人玩盡新界,最常去西貢和馬鞍山一帶,最喜歡翻新過的馬鞍山公園,「嗰度好正!隔籬有圖書館同兒童遊戲室,幼兒都啱玩,重點係免費!」

9
Maya自學懂行路之後,就時常甩開媽咪的手,自己行開探索一番。

她另推介去大埔海濱公園踏單車,風景怡人、空氣清新,假日亦會聯同一班朋友去西貢BBQ,走走西貢郊野公園。郊外好去處還有獅子山公園,內有兒童遊樂場及社區園圃,讓小朋友感受農耕樂。

12
Ana經常帶囡囡郊遊接觸大自然,沿路向她講解動植物,母女的足跡遍布新界。

搞app集合全面玩樂資訊

因為女兒的出現,令Ana認識香港更多有趣地方。一開始Ana對搜索玩樂之地感到束手無策,經常一手抱着Maya,一手上網搵零散資訊。她發覺坊間沒有一個全面提供玩樂、親子餐廳的資訊平台,她決定挑戰自己,與另一位媽咪級拍檔Cleo一齊搞親子app「Playdays」,為廣大家長打開方便之門。

11
Ana與兩孩之母的拍檔Cleo一齊搞親子玩樂app,網羅全港children-friendly的好去處和親子活動,家長一app在手,想帶小朋友去邊都得。

資訊科技絕對不是兩位媽咪的強項,她們花了很多時間去理解箇中程式,進行無數次用家測試。介面雖看來簡約,其實一個掣可花上20小時製作和解難。「每一日都係課堂,從沒有停止學習過。」在開發過程中,Ana也驚覺香港原來有那麼多免費好玩的地方,令一家人的生活十分豐富,「我以前都唔知道原來香港有瀑布!」

在Playdays中,用家可按活動及地區作分類選擇,活動類別包括運動、景點、海灘、文化、緩步徑、圖書館、博物館、公園、室內遊樂場、泳池、餐廳及購物商場等,每個地方詳列介紹,更有顯示泊車、育嬰室、嬰兒護理間、適合嬰兒車行走、可搞派對等資訊,十分體貼媽咪需要。另設Events專頁提供特別活動資訊,如音樂會、展覽及工作坊等,連免費、收費、年齡限制等資訊亦一目了然。

13
在Playdays中,用家可按活動及地區作分類選擇。
14
揀選地點或活動之後,會看到詳細介紹,更貼心註明是否歡迎嬰兒車、設嬰兒護理間及育嬰室等設施。

Playdays上架後得到正面評價,有家長更表示為何不早一點開發,連Ana的老公也從app中尋找遠足及放狗地點。得到家長的支持,推動Ana與拍檔Cleo將來開發更多功能,例如提示你的所在位置附近有甚麼好玩地方等。該app暫時只有英文版本,Ana表示下一步正是提供中文版,希望暑假推出,令更多本地家長受用。

親子好去處推介

{"IPTC-DATA":"NMG","data":{"photoID":1838701}}
大埔海濱公園

大埔海濱公園
佔地約22公頃,是康文署轄下最大公園,內有兒童遊樂場、海濱長廊、香港回歸紀念塔、昆蟲屋及單車徑等多元化設施,來個單車親子樂最理想不過。

{"IPTC-DATA":"NMG","data":{"photoID":2192648}}
馬鞍山公園

馬鞍山公園
位於馬鞍山市中心,遠眺八仙嶺群峰,風景優美。設施包括迷宮式設計的花園、兒童遊樂場及緩跑徑等,旁邊更設有圖書館、體育館和兒童遊戲室,小朋友可放足一日電。

{"IPTC-DATA":"NMG","data":{"photoID":2242277}}
獅子山公園

獅子山公園
鄰近黃大仙市中心,除了設有兒童遊樂場外,更設面積達700平方米的社區園圃,讓小朋友感受農耕樂。玩完去埋附近的燒烤場BBQ,玩完有得食!

讀者留言

更多精選內容