在職媽媽的煩惱! 陳敏之 呻囝囝黐兩個工人姐姐多啲

藝人 陳敏之 話咁快就做咗媽媽7個半月啦!呢位新手媽媽自從囝囝出世之後,除咗工作之外,最緊張就係囝囝雷冬至嘅大小事,遇到任何疑難或者喜悅都會同網民分享。日前,佢遇上一個終極難題,隨即喺社交平台訴苦⋯

 

撰文:Sunday Kiss
圖片:陳敏之 Instagram、新傳媒圖片庫

網上訴苦

陳敏之 囝囝雷冬至眨吓眼就已經7個半月大啦,敏之不時都會分享湊仔嘅開心事!不過近日唔知係咪因為工作太忙,令到敏之湊仔方面遇到一個終極難題!就係現階段囝囝痴兩個工人多過佢啊!!佢馬上喺社交平台哭訴,「阿仔痴兩個工人多過我,我已經好努力去親力親為陪佢多啲,但都係撲去工人度,有冇在職媽媽同我一樣呢?點算好?我認我現在失戀!非誠勿擾!」

眼淚在心裡流

敏之坐完月之後,隨即就要開拍《溏心風暴3》,工作時囝囝就交俾屋企兩個工人姐姐照顧。唔使開工就樣樣都親力親為,就算開緊工,都會keep住同囝囝facetime。依家敏之望住囝囝唔痴自己真係有苦自己知,名副其實眼淚在心裡流!

 

盛大百日宴

其實敏之真係錫到囝囝燶㗎!雷冬至人仔細細已經見過好多大場面,好似3月舉行嘅百日宴,唔止星光熠熠,場面仲非常盛大!

就算佢扭計 都覺得好得意

之前敏之接受《Sunday Kiss》訪問都有分享初做媽媽嘅喜悅,「我開頭覺得我係一個惡嘅媽咪,但係當我生咗佢出嚟之後,我發覺佢係俘虜咗我個心,佢笑、做任何嘢,就算佢扭計,我都覺得佢好得意。之前啲人話唔好一喊就抱,我全部犯晒規,幾秒都忍唔住,我會盡量惡番啲,我發覺我依家俾阿仔恰緊我,我太錫佢嘞,又可能係爸爸做惡啦!」

 

見到敏之咁錫囝囝,好多網民都戥佢心痛,仲幫手諗咗唔同解決辦法,希望敏之可以快啲解決到個問題啦!

你有獨家湊BB心得嗎?

更多精選內容