大女去殘厠被鬧 陸永嫂:我個女真係急到瀨㗎!

大女去殘厠被鬧 陸永嫂:我個女真係急到瀨㗎!

藝人 陸永 兩個寶貝女陸一穎(Hannah)同陸一心(Sim Sim)非常精靈又可愛,陸永老婆Rainah亦經常同網民分享兩個囡囡的生活點滴!早前,Rainah自己湊住大女Hannah出街,點知Hannah突然人有三急,急到就黎瀨,Rainah情急之下就帶囡囡衝咗入育嬰室嘅洗手間,點知去完洗手間竟然俾人鬧?Rainah嬲爆,隨即喺Instagram以千字文反擊!

 

撰文:Sunday Kiss
圖片:Rainah Instagram

大女急到屙濕咗條褲

話說,日前陸永老婆Rainah就帶住大女Hannah行街,食緊雪糕嘅Hannah突然人有三急,急到要夾住隻腳行!Rainah就即刻帶囡囡搵洗手間,入廁所範圍左邊有一間傷殘人士廁所加育嬰室,咁啱有人喺入面出嚟,Rainah情急之下就拖住囡囡衝入去傷殘人士廁所加育嬰室,囡囡Hannah仲急到屙濕咗條褲⋯

去完洗手間即俾人鬧?

成個過程只係3分鐘左右,點個一開門就有個女人拖住一個識行嘅小妹妹俾說話佢聽:「咁大個都仲用呢個廁所」! Rainah嬲爆,「喂!我個女真係好急呀!有廁所係咪唔用呀?你個女都識行啦,咁仲叫唔叫嬰兒呀?大家都係父母,俾啲同理心得唔得呀?你個女著住尿片,我個女真係急到瀨㗎!」以上只係Rainah心裡面嘅說話!

咁究竟現實中陸太點還擊呢?Rainah最後嘅回應係「係呀!我個女頭先太急,唔好意思!」

讀者留言

更多精選內容