娛樂主播莫家淦 嬰兒按摩秘笈

娛樂主播莫家淦 嬰兒按摩秘笈

TVB自高層余詠珊從有線過檔接手綜藝科後,一班「有線幫」好似黃翠如、洪永城、陸浩明(六號)、區永權、衛志豪、李佳芯等人跟隨過檔,與六號及區永權老友鬼鬼的莫家淦(Keith)亦於前年尾加入,現主要擔任TVB娛樂新聞台主播及拍劇工作。 風趣鬼馬的Keith是扮野高手,在TVB終於一展所長,在《Sunday扮嘢王》扮哥哥張國榮維肖維妙,大獲好評。即將榮升爸爸的他,也發揮他的搞笑本色,喜扮哥哥氹太太黎慧盈(Kenix)、chok爆唱哥哥的歌當胎教,希望B仔七月能夠健康出世!

好多人選擇留在室內影大肚照,兩人卻走入大自然,邊餵蚊邊影相,幸好出來效果好自然。
好多人選擇留在室內影大肚照,兩人卻走入大自然,邊餵蚊邊影相,幸好出來效果好自然。

余思敏送浴盆 區永權教生仔

Keith與太太Kenix於2012年拉埋天窗,經過兩年享受二人世界,去年甫計劃生BB便一索得男,Keith讚自己:「可能我精壯啫!」他笑指當時剛去完韓國釜山做節目,食了好多人參或者有幫助,想生仔的讀者可再自己參詳吓。 懷孕後,Keith昔日的父母級有線同事踴躍捐出嬰兒物資,剛為老公鄭中基再誕一子的余思敏捐出全新浴盆、區永權捐BB車等,「余思敏可能有好多個浴盆,好多人送俾佢就買多咗,俾咗我哋就環保啲。」而區永權早在Keith計劃生B時,已傳授必勝生育秘笈,「佢話朝早開工啦,朝早起身體力最充沛,佢係一年抱兩生得好密,兩個都係仔。」Keith聲明這是區永權的偏方,信不信由你。

Kenix自小好喜歡小朋友,更中途由飛機管理轉職做嬰兒按摩師,接觸更多小朋友,希望幫到人亦幫到自己。
Kenix自小好喜歡小朋友,更中途由飛機管理轉職做嬰兒按摩師,接觸更多小朋友,希望幫到人亦幫到自己。

扮張國榮唱歌胎教

細細粒的Kenix表示陀得OK,從未嘔吐,但礙於身形問題令個肚迫爆,容易感到肚子不適。她盡量保持心情輕鬆,因BB會感受到媽媽的情緒,「唔使刻意胎教塞佢聽呢樣嗰樣,媽媽心情好,BB喺肚就住得舒服,出世後心情都好啲,到時你教乜都得。」 其中一種放鬆心情的方法就是聽歌,但並非啱胎教的歌,Keith搶答:「唔係聽莫扎特,係聽莫家淦唱歌,乜歌都唱,哥哥嘅歌間中都有。」作為準爸爸,他覺得自己保持一貫水準,「都係反應遲緩,唔講唔記得咗佢大肚,落車唔記得扶佢嗰啲。」Kenix大感無奈道:「到我個肚五、六個月大佢先記得落車後望吓我。」

218K_family04 218K_family05

218K_family06

嬰兒按摩首重專注

孕婦做一做按摩,都能放鬆心情。Kenix的職業是國際認可嬰兒按摩導師,開班教家長們如何為BB做按摩,如今自己都可大派用場。嬰兒按摩在外國十分流行,在港亦逐漸普及,嬰兒按摩透過肌膚接觸,可刺激腦部及肌膚底下的神經發展,生理好處更多,「好似幫BB排走肚風、少啲便秘去廁所順暢啲、少啲因腸胃不適引起哭鬧、幫助佢哋大小肌肉發展等等。」如果父母親手替BB按摩,更有助增進親子關係,「父母可以好早同仔女有親密接觸,有時問番小朋友,幾耐冇攬過爹哋媽咪呢?原來好耐喇喎。」

嬰兒按摩適合初生BB至5歲,尚有適合大一點的兒童按摩,由4至12歲不等,她建議初生BB每日只需按摩5至10分鐘,「因為BB耐性有限,可能5分鐘已開始喊,但唔好睇小呢5至10分鐘,呢種接觸係好直接嘅溝通,好有quality嘅相處時間,可以了解小朋友身體、性格或者反應上有咩唔同,識得點樣照顧佢哋。」

Keith笑說BB會聽到聲音,開始講定媽媽的是非,「媽咪今日鬧我喇,你出嚟要對我好啲。」
Keith笑說BB會聽到聲音,開始講定媽媽的是非,「媽咪今日鬧我喇,你出嚟要對我好啲。」
她提點家長進行按摩時,必須要專注,切勿邊做邊玩手機睇電視,「做嘅時間可以多啲同小朋友傾偈,專注做一件事,效果都會好啲。有時同家長上堂,佢哋隔一陣已經忍唔住傾偈,一路捽個小朋友一路傾,明白係人之常情,但我一定要提番家長,返到屋企一定要喺寧靜舒服嘅環境下進行,令家長同小朋友都一齊放鬆。」她已教定老公按摩手法,將來可以幫幫手,但暫時仍是半桶水,「啲人對住老婆係學得冇咁認真。」

撫觸動作必須注意力度及速度,好似Keith這樣就太大力了!即刻登入短片學習整套動作,好好為BB輕鬆按摩!
撫觸動作必須注意力度及速度,好似Keith這樣就太大力了!即刻登入短片學習整套動作,好好為BB輕鬆按摩!

自家黑超奪青年創業金獎

Keith除了做幕前之外,還致力搞潮牌太陽眼鏡生意,去年贏得「滙豐青年創業大獎」金獎,連天王郭富城、古天樂、任達華、譚詠麟、容祖兒及楊怡都幫手做生招牌。Keith希望打造真正屬於香港的眼鏡品牌,野心勃勃,甚至比演藝事業更甚,但他不會放棄做幕前,希望利用幕前的人際網絡幫到生意,互惠互利。

218K_family10
城城是Keith的眼鏡品牌捧場客。

為人父親後他把眼光放到親子市場,將大搞親子裝眼鏡,首批適合4至6歲小孩,他指出好多家長輕視了兒童黑超,當它是玩具或襯衫飾物,有潛在危機。「好多家長買眼鏡俾小朋友嘅心態好似買衫,轉頭就唔要㗎啦,買啲平嘢就得。如果出戶外活動好似行山、野餐,戴咗副平嘢冇防UV400,好多小朋友以為副超黑咗就可以四圍望,不停望住個太陽,紫外線就會吸得好犀利,對眼好易受傷,所以一定要買防UV400或100%防UV嘅鏡片,而鏡框就戴得舒服就得。」

兩人2012年婚後過了兩年二人世界,才開始計劃生小朋友,豈料一擊即中!
兩人2012年婚後過了兩年二人世界,才開始計劃生小朋友,豈料一擊即中!

想改名奇洛李維斯

Keith希望囝囝將來似他咁靚仔,戴埋副超有型有款,還想他學打籃球踢波增高,夠晒高大有型!不過都是他一廂情願,都要看囝囝的興趣,他會學莫媽媽當年的教仔法,揭開興趣班的書本讓他自己揀,而選校暫時偏向國際學校,少一點讀書壓力,多一點探索。

BB的預產期是7月13日,剛好是Keith生日,不過太太將會順產,未知能否創造父子同月同日生。兩人已着手改名,心水K字頭的英文名,Keith解釋:「我哋個名都係K字頭,所以想小朋友都係K,之後改中文名個發音會符合番英文名。我有搜尋過啲名人,最出名最靚仔係Keanu Reeves(奇洛李維斯),可能叫佢Keanu啦,仲揀緊,睇吓仲有冇人紅過佢!」

兩人決心不做虎爸虎媽,不想控制孩子成長,希望以扶助角色培養孩子有自己思想,找到自己的喜好。
兩人決心不做虎爸虎媽,不想控制孩子成長,希望以扶助角色培養孩子有自己思想,找到自己的喜好。

●撰文:Ling
●攝影:黃大立 (部分相片由受訪者提供)
●髮型:Taki [email protected]

●服裝:Puma HK (Keith)
●場地:comma party (tel: 9735 6464)

讀者留言

更多精選內容