【任揀千萬豪宅】岑麗香陀豬仔 老公錫到燶
撰文：東方新地 │圖片：新傳媒圖片、instagram
強強 送樓畀老婆岑麗香
現年34歲的岑麗香，16年底同加拿大籍男友強強在溫哥華結婚，岑麗香已講明不設防造人，去年中約滿無綫，決定不續約改簽王祖藍旗下，刻意減產多留時間陪老 公，去年底岑麗香終於宣布陀B，兩公婆喜上眉梢，強強更安排夏威夷陽光海灘之旅獎 勵老婆，其實「愛妻號」強強，獎賞又何止旅行咁簡單，早就計劃送樓氹老婆開 心，為迎金叵羅亦火速行動，更出手闊綽任由老婆揀買心頭愛。
據知情者透露：「其實早喺上年年頭，強強已經有意買樓，想送間大屋畀老婆，不過香香一路忙拍 劇，根本冇時間睇樓，先拖到依家，老婆有咗之後，佢當然心急，始終住緊嘅將軍 澳舊居得兩間房， BB出世之後真係唔夠住，不過，買樓強強就負責畀錢啫，但揀邊完全畀老婆話晒事，仲講到明只要香香鍾意，買邊度都冇所謂。」
宣布陀B仔
鎖定西貢獨立屋
連月來，岑麗香同老公強強就四出睇樓，為寶貝仔準備安樂窩，更鎖定買將軍澳獨立屋。據知情者透露：「香香住慣將軍澳， 呢排西貢同將軍澳有唔少獨立屋新盤，好似海天晉同埋藍塘傲，佢哋都有睇過，香香就好鍾意嗰度環境清靜，地方又夠大，可以畀BB有更多空間走動，就算將來香香媽咪或者有親友嚟香港都夠住。」
8個月巨肚
成功陀豬仔的岑麗香，日前挺住8個月巨肚出巡，同老公強強去西環睇傢俬，兩公婆更行到邊都恩愛十指緊扣，而向來體形纖瘦的岑麗香，陀B之後身材圓潤不少，不過依然省鏡，絕對係靚媽！
岑麗香同老公有商有量，還細心研究枱凳尺寸，就算陀住B，布置新居亦不假手於人。
直擊揀傢俬
為新居置傢俬，岑麗香同強強專登去到西環一間上樓精緻傢俬店選購，揀啱喜歡款式，更加要試坐保證夠唔夠舒服先買！
大搞網絡金融投資
金融才俊強強在加拿大溫哥華從事財務管理工作，早在15年已在當地做老闆，不過，對岑麗香呵護備至的他，就甘為老婆放棄一切搬來港定居，重新開始融入香港生活，無非為同老婆朝夕相對。據 知情者透露：「強強喺溫哥華讀完大學之後，一路都喺一間好出名嘅證券公司做嘢，15年佢仲做埋嗰間公司嘅合夥人，發展可以話上晒軌道，不過，佢知道老婆好鍾意演藝工作，為咗遷就老婆，佢寧願放棄晒嗰邊嘅工作、家人同朋友，搬嚟香港定居，真係令香香好感 動，雖然一切重新開始，不過強強好有生意頭腦，喺香港發展難唔到佢，今年佢仲大搞網絡金融投資，又同香香聯名搞網上商 店，百足咁多爪，好積極賺奶粉錢！」
老公本事又錫自己，岑麗香就曾公開大讚老公：「老公好偉大，拍拖初期，佢試過有段時間專登辭咗份工，為咗可以有 一個月嘅時間日日陪我，見大家身邊嘅家人同朋友，互相了解，就係因為佢嘅偉大，我先可以做到想做嘅嘢！」
幫強強鍊膊
同老公強強時刻都咁煙韌，在傢俬店揀足個幾鐘，離開店舖時岑麗香仲突然幫強強按摩膊頭，相當 sweet！
同老公一齊去停車場收費處畀錢，即使有外套遮掩，但從側面睇，岑麗香個肚已經籮咁大。
對老婆照顧周到
無時無刻將老婆放第一位，知道老婆陀B辛苦，強強更不 會掉以輕心，時刻服侍周到。據知情者透露：「強強好錫老婆，香香有咗之後，佢更加緊張，怕老婆悶，好支持香香大 肚仲間中做吓嘢，不過，佢好緊張照顧老婆出入，盡量都會自己揸車接送香香，唔好話有咗，之前佢都唔使香香做粗重 嘢，屋企家頭細務乜都佢做晒，大肚婆胃口變晒想食咩又要即刻食到，就算三更半夜，只要香香講一句，強強都會撲去 買，知道香香好鍾意飲橙汁，佢就專登買定一大支放喺屋企， 等香香幾時都可以飲到，但點知香香突然轉口味話要飲蘋果 汁，佢都即刻落街買過！總之就任勞任怨乜都就晒老婆啦！」 BB預產期在四月，已經停工的岑麗香，日前就孖住老公出巡去西環睇傢俬，兩公婆行去邊都手拖手非常甜蜜，期間兩公婆睇中一張餐枱及餐椅，岑麗香同強強就輪住試坐，又細心度尺寸，為新居一枱一椅揀得好用心，努力為寶貝仔做足最好準備！
緊張扶實
兩公婆行去停車場攞車，雖然挺住8個月B ，但岑麗香行路仍然非常瀟灑，不過廿四孝老公強強就時刻都表現緊張，不時體貼伸手扶實老婆條腰。
傍實落車
為新居揀完傢俬，強強揸車載岑麗香到西環荷蘭街一間意大利餐廳吃燭光晚餐撐枱腳，強強更緊張傍實老婆落車。
親切友善
發現記者，岑麗香表現友善同記者打招呼，身旁的強強亦笑容燦爛，兩公婆同樣親民冇架子。
體貼開門
廿四孝老公強強，細心拉開門讓岑麗香行入餐廳。
依偎睇餐牌
兩公婆撐枱腳心情靚爆，就算要等位仍笑容滿面，岑麗香更依偎著老公一齊睇餐牌揀嘢食。
晒比堅尼背影
去年12月到夏威夷旅行，強強就為老婆拍下唔少靚相，岑麗香亦有在個人社交網晒出著比堅尼泳衣的背影照片，陀B 5個月的她，明顯手腳仍然纖幼fit到爆！
做孕婦瑜伽
陀B後岑麗香胃口大增，她亦唔怕肥覺得最緊要是讓BB爭取足夠營養，加上有做孕婦瑜伽保持健康狀態，絕對係緊張媽媽。
在 Instagram 查看這則貼文
A lifetime of homework😅😅😅
Eliza Sam 岑麗香（@heungheungeliza）分享的貼文 於張貼
