手機Wallpaper Set同老婆合照 陸永 晒恩愛高呼 :I miss you

陸永 同老婆Rainah結婚六年都Keep住甜到漏,不過嚟緊 陸永 要出Trip,兩公婆要分開十幾日,點算好啊? 陸永 就將自己手機Wallpaper轉咗同老婆嘅合照,仲逼老婆轉埋!咁就可以日對夜對啦! 陸永 你真係好貼心啊!

 

撰文:Fiona Fong
相片:Missus6微博及IG、陸永IG

陸永喺IG話:「臨走前逼我老婆整個咁嘅wallpaper,容許我發一次老姣。I miss you!」網友紛紛留言問:會唔會太Sweet啊?

而老婆Rainah亦在IG隔空傳情:「巨蟹座顧家男次次出trip前都會瞓唔著… 我捨不得你yeahyeah!」真係Sweet到漏啦!

臨走前,陸永仲同老婆同兩個女影大合照!相中見細女simsim戴住副超扮Chok,而大女Hannah就錫錫爹哋,搞到陸永仲好似有啲眼濕濕啊!

拿拿淋生多個

陸永同老婆Rainah 2011年奉女成婚,翌年大女一穎出世,陸永曾話過:「反正有一個BB要照顧,咁就拿拿淋生多個,怕隔太耐唔記得咗點湊囡!」所以隔咗年半,細囡就出世啦!

二人世界的重要

又成日兩公婆周圍去,做到「有了孩子,也要過二人世界」的承諾!

 

成功男人背後的女人

農夫的成員 陸永 近年事業一帆風順,劇集電影演出機會多不勝數,早前又孖住DoDo姐主持的節目又大受歡迎,可以話係百足咁多爪!一個男人事業咁成功,當然唔少得背後家庭的支持!

 

教女即刻嚴父上身

陸永成日俾人感覺好似好唔正經咁,但其實教起女上嚟,都係嚴父上身o架!一穎同sim sim年紀只差年半,非常好姊妹,但有時都會爭執,互相投訴對方,陸永要法官上身判刑,「又原告又被告,我告佢今日打我呀、今日佢畫我塊面呀, 一係就開始唔關自己事喇,佢畫梳化呀,佢唔肯着褲呀,好多呢啲投訴,所以我成日要做法官,不過佢哋唔係好曳嘅,即我判刑時,佢哋都樂於接受,會聽候法落, 叫佢罰企都肯罰企嘅,都算係咁,只不過會一犯再犯。」

 

 

結婚五周年 連環驚喜冧老婆

陸永出晒名錫屋企人,上年係佢同Rainah的結婚五周年紀念日,佢就當然花盡心思氹老婆開心啦!當日Rainah就在IG上載兩張相並留言︰「突然一束花,突然一首歌,突然一隻鑽戒,突然一大班人,突然被求婚。」

第一張相見到一大束紅色玫瑰,而另一張相就見到陸永跪地攬實Rainah,四周有一班朋友影相拍片,Rainah仲似乎感動到眼濕濕!有禮物有驚喜,相信陸太呢個紀念日相當難忘!

延迧閱讀:陸永女兒遺傳媽媽風癩

 

你有獨家湊BB心得嗎?

更多精選內容