李亞男

李亞男晒大肚照 預產期係12月 網民:小祖藍coming soon

育兒

廣告

王祖藍同太太李亞男結婚3年,一直Keep住甜蜜!今天7月終於宣佈造人成功,話都無咁快,仲有一個月就到預產期!今日大肚婆就去聽音樂會,實行音樂胎教。

撰文:TLY 圖片:李亞男 IG

李亞男陀B音樂胎教

今日(16日),李亞男貼出自己的孕照,表示同肚中的小baby girl去聽音樂會,實行音樂胎教,仲話囡囡好鐘意聽音樂(Bringing baby girl to a concert.she really loves music)。網民都大讚,媽媽陀得好靚,好期待「小祖藍」出世。唔洗急,大家好快就知道BB,似李亞男定王祖藍喇!

李亞男經常笑言丈夫基因太強,如果生女似爸爸就大獲,但真係係囡囡呀!李亞男在個人Instagram上載了一張孕照,肚上就用粉紅色寫了「Baby Girl」,留言指:「今日小公主陪我開工,佢好乖!」

網民得知李亞男陀B女後,紛紛留言指希望不要像爸爸王祖藍,更有粉絲指會天天替李亞男祈禱:「拜託要像媽媽!」

胎動似攪肚痛

李亞男有咗4個月時,狀態仲好好,冇增磅,冇腰痛,又冇乜作嘔作悶,胃口都OK!不時仲去行吓公園,希望對將來順產會有幫助。

View this post on Instagram

一家三口的小幸福 #找亮點

A post shared by 王祖藍 (@wong_cho_lam) on

李亞男話,初初感受到胎動嘅時候,感覺好奇妙,好似攪肚痛咁!

View this post on Instagram

Enjoying my backyard💕

A post shared by 李亞男Leanne (@therivergirl) on

未決定順產定開刀

李亞男話而家仲未決定順產定開刀,因為王祖藍實在太忙喇,怕BB出世會撞正爸爸要開工,如果開刀嘅話,爸爸就可以提早請定假!

李亞男選完華姐初到香港,就被公司安排同鍾嘉欣同住。而家佢哋都先後結婚,仲升級做媽媽喇!

李亞男:BB好錫媽咪

有網友就關心懷孕初期的李亞男早上有沒有晨起嘔吐、噁心、喜食酸物或厭油膩等妊娠反應,李亞男就表示,BB好錫媽媽,佢暫時都未經歷過孕期的任何不適,只會每日覺得好攰,又會頻頻「尿尿」。