14歲沈日晒靚相撼家姐沈月 網民：都係家姐靚啲！
被傳媒譽為最靚星二代嘅沈月，似足媽咪邱淑貞，沈月不時都會喺社交網站上分享靚相，而佢妹妹沈日近日都Po咗新相，相入面14歲嘅沈日已經生得亭亭玉立，露出小蠻腰同長腳，星味十足！
撰文：Siusiu｜圖片來源：Instagram、Facebook
沈家有女初長成，沈月同沈日兩姊妹都遺傳咗媽咪嘅良好基因，繼上次沈月幫爸爸沈嘉偉公司品牌行Catwalk之後，妹妹沈日原來都好識擺Pose！日前沈日去咗行藝術展，身穿黑色背心同短裙嘅佢，露出小蠻腰同長腳，被網民讚靚！
17歲沈月化身超模行Catwalk
17歲嘅沈月，完全遺傳咗媽媽邱淑貞嘅美貌，甚至比全盛時期嘅邱淑晶更有仙氣！對時裝一向有濃厚興趣嘅沈月，日前遠赴倫敦出席時裝周，更首次為爸爸的時裝品牌站台，打頭陣行CatWalk。
一出場，沈月已經引起現場起哄，年紀輕輕嘅佢完全冇怯場，帶領一班Model行騷，以超Cool嘅表情完成CatWalk。
在 Instagram 查看這則貼文
沈月妹妹沈日都忍唔住喺Instagram留言：「i’ m so proud of you gorgeous」（我真的為你感到很驕傲，非常漂亮！）
由細靚到大
自小遺傳媽咪最強基因的沈月，絕對得天獨厚由細靚到大，近年更拍得住女神靚媽邱淑貞，去到邊都成傳媒焦點，多狂蜂浪蝶埋身外，亦被各大娛樂公司老闆爭崩頭想羅致旗下。
9歲輪廓精緻
當年只得九歲的沈月已經輪廓精緻，小小年紀就好有明星風範。
半隻腳入娛樂圈
雖然阿媽邱淑貞落閘唔畀女兒入行，前年四月沈月就為慈善拍宣傳照，半隻腳踏足娛樂圈。
14歲晒腿搶鏡
早熟的沈月，14歲昤已經長得亭亭玉立，15年以一身高貴Look晒長腿陪媽咪參加古巨基婚宴，搶盡風頭。
15歲小豆斗
15歲沈月現身香港巴塞爾藝術展，完全倒模媽咪女神風釆！
