【做Facial、剪潮爆髮型】碧咸囡囡哈七誓要做潮童界代表!

【做Facial、剪潮爆髮型】碧咸囡囡哈七誓要做潮童界代表!

「萬人迷」碧咸(David Beckham)一家一直都備受矚目,囡囡哈七(Harper Seven)更係兩夫婦嘅心肝寶貝。早前哈七同媽媽Victoria去咗做Baby Facial,雖然網民反應兩極,但依然無阻哈七繼續貪靚!呢日哈七仲換咗個新髮型,將原本一頭長髮剪短,網民都大讚佢可愛,睇嚟佢誓要做潮童界代表!

撰文:Kammy | 圖片來源:Instagram

潮童界代表

碧咸同太太Victoria呢對恩愛夫妻一直都受外界關注,就連佢哋嘅仔女都係受矚目嘅星二代,而囡囡哈七更係集萬千寵愛於一身,一直以嚟都係哥哥們同父母嘅掌上明珠!呢日Victoria就帶咗哈七去著名髮型師Luke Hersheson到剪頭髮,將原本一頭長髮剪短,Luke更為佢剪咗個典雅法國Bob頭,簡直係潮童界嘅代表!

哈七一直都係集萬千寵愛於一身,係哥哥們同父母嘅掌上明珠!

媽媽Victoria就將哈七剪髮過程片段上載到其社交網站,片段中哈七一邊剪髮一邊微笑,Victoria就不停留言囡囡嘅頭髮變得更短,可愛到爆!

有傳聞指,碧咸一直希望哈七可以留長頭髮留到好似迪士尼長髮公主一樣,所以哈七由出生到7歲前都冇修過頭髮,最多都只係修修髮尾!之前碧咸更於Instagarm發佈相片,相片中碧咸扁晒嘴咁親自幫囡囡剪頭髮,表示唔捨得為哈七剪去留咗6年幾嘅長髮,仲留言「有人(哈七)看上去很快樂,有人(自己)卻一點也不快樂!」(Someone’s happy & someone’s not so happy),令網民哭笑不得。

其實之前哈七都有曾經剪短頭髮至耳垂位置,似足媽媽幾年前Spice Girls時期嘅經典Bob頭,仲畀網民稱為「迷你版維多利亞」。

歎住做Facial

非常貪靚嘅哈七日前就同Victoria去咗做Baby Facial,Victoria更喺社交網站到分享哈七做Facial嘅片段,片段中見到哈七狀甚享受,Victoria仲提大家為小朋友做美容時一定要用清潔嘅產品。片段公開後,有唔少網民都好羨羨慕哈七嘅生活,不過,都有網友質疑,咁細個做Facial會唔會影響小朋友嘅皮膚、咁樣做會扭曲價值觀等,反應兩極。

Image result for harper seven facial

讀者留言

更多精選內容