英國「萬人迷」碧咸同太太Victoria呢對恩愛夫妻一直都受外界關注，就連佢哋嘅仔女都係受矚目嘅星二代，深受網民喜愛，每逢過時過節都會見到佢哋一家嘅集體現身的溫馨場面。呢日，19歲大仔Brooklyn就帶埋新女朋友Hana Cross，同屋企人一齊出席倫敦時裝周男裝新品發佈會，重點係有得見埋家長呀！

Brooklyn早前同Chloe Moretz分手後，就立即撻著新女友Hana，二人更一直愛得高調。呢日時裝騷Brooklyn仲拉埋女友同爸爸碧咸一齊影相！有消息指，Brooklyn歷任女友中只有Hana有呢個待遇！

新女友同媽媽勁似樣

有網民發現呢位新任女友同Victoria有幾分神似，事源Brooklyn幫女友影相「放閃」，有網民發現呢張黑白相，不論外形、角度都勁似阿媽Victoria，「OMG，我以為係你媽媽」、「點解你女友咁似阿媽嘅？」，你哋又覺得似唔似呢？