維繫愛情與婚姻 楊千嬅 :相信自己直覺

維繫愛情與婚姻 楊千嬅 :相信自己直覺

「成世流流長,總會愛上幾個人渣。」余春嬌總算找對了張志明,從相識、拍拖,經過離離合合,來到第三集《春嬌救志明》,兩人與其他戀人一樣,在平淡的感情中開始思考將來,在走向婚姻的道路上,發現大家步伐不一致,在感情上需互相拯救。

每個女人從余春嬌當中,都能輕易找到自己的影子,當與伴侶經歷了長時間,必定會遇到樽頸位,千嬅勉勵各位女士,想解決問題必須忠於自己直覺。「無論自己過去同經歷如何,要相信當下嘅直覺,如果你有種感覺係好愛或者放唔低,不如順自己感覺行咗先,唔好迫自己,你嘅本能感覺可能係你嘅命運。」

現實中, 楊千嬅 與老公丁子高攜手走過八個年頭,育有快五歲的兒子丁進諾(Torres),一家三口樂也融融。談起與丁生的婚姻,千相信兩人走在一起是緣份,每日返屋企見到老公和囝囝就感到無比幸福。

撰文:Ling
攝影:Issac Poon(部分相片由受訪者提供)
化妝:Ling [email protected] the makeup school
髮型:Vic [email protected]
場地: J Plus Hotel by YOO

千嬅憑上集《春嬌》奪得影后殊榮,今次再演會好大壓力嗎?她 認為做藝人本身就有一定程度壓力,今次的唯一壓力來自對自 己的要求,希望把角色演到最好,「無論對自己、觀眾抑或導演 嘅期望,我都想成就到件事好。其實每一個project都會有壓 力,做藝人基本上都對自己有要求,至於攞唔攞獎我冇呢個心 態,因為同一個角色攞兩次我都冇見過。」
千嬅 憑上集《春嬌》奪得影后殊榮,今次再演會好大壓力嗎?她認為做藝人本身就有一定程度壓力,今次的唯一壓力來自對自己的要求,希望把角色演到最好,「無論對自己、觀眾抑或導演嘅期望,我都想成就到件事好。其實每一個project都會有壓力,做藝人基本上都對自己有要求,至於攞唔攞獎我冇呢個心態,因為同一個角色攞兩次我都冇見過。」

春嬌遇感情樽頸位

自2010年第一集《志明與春嬌》開始,余春嬌與張志明這兩個角色陪着觀眾成長,觀眾亦一直留意着兩人的感情發展,第三集《春嬌救志明》兩人的感情已有一定基礎,但經過一段時間後,又有問題發生,導演彭浩翔為今集的主題解畫:「個問題唔係來自外在,而係內在,未必一定有別人嘅介入,好多時感情問題係因為兩個人相處、性格,到底呢個人能唔能夠同你長遠相處落去。」

將近40歲的春嬌渴望結婚,但她發現志明未ready,卻忽然提出想有小孩,令春嬌很猶豫,彭導解釋道;「究竟個男人想有小朋友先結婚,還是真心想結婚?想有小朋友係咪當多件玩具?呢件事令春嬌對婚姻卻步,因為春嬌嘅父母相處得唔好,導致婚姻失敗,所以春嬌好怕揀咗一個同佢爸爸一樣嘅男人,佢仲觀察到志明真係有一定程度佢爸爸嘅影子。」

2
千嬅 笑稱今次春嬌幾難演,因為幾乎無劇本,靠導演彭浩翔邊講邊演,而開工第一日就是三更半夜拍UFO場面。「佢話岳高頭見到好大架UFO,之後太空艙度門一開,有部𨋢降落,兩個外星人就落嚟喇,左邊嗰個講乜,右邊又講乜。我只係聽住佢講去畀反應,完全唔知做乜,我以為騙案嚟㗎!」
5
春嬌與志明的感情轉眼間已步入七年之癢,並開始思考結婚生仔的問題,究竟兩人能否跨得過去?
6
今集春嬌與UFO會有正式接觸,彭導解釋第一集已對UFO埋下伏線,春嬌一向好關注UFO,同時間外星人亦關注她。「第一集已經有科幻元素喺度,今集終於正式回歸呢個主題,所以呢套戲其實係一套科幻片!」

「姊弟戀」是緣份

小朋友並非一條橡筋,用以紮實一段關係。千嬅 相信婚姻要靠夫妻兩人維繫,不能用小朋友作綑綁,很多單親家庭的例子,都是夫妻因了解而分開。又有些人以為,生小朋友後伴侶就會變得成熟,彭導認為此想法大錯特錯,「咁諗對小朋友唔公平,因為小朋友冇背負呢個責任。」

現實中的 千嬅 ,2009年與丁子高在拉斯維加斯結婚後,3年後誕下兒子Torres,轉眼間丁生丁太結婚八周年,千嬅 自言是婚後才慢慢建立家庭觀念,再決定生小孩。「我覺得婚姻都係一種學問,如果搞得掂呢種學問,你先再下一城建立家庭。兩個人如果溝通上搵唔到和諧共識,你就唔應該攞個小朋友去解決你哋之間

嘅問題。」

3
千嬅 雖然比丁子高大五年,但年齡從來不是兩人相處的障礙,反而丁生心思慎密、處事成熟,與千嬅能互補不足。
丁子高與 千嬅 結婚八年,恩愛程度不減,丁生經常為千嬅製造浪漫驚喜,今年千嬅生日,丁生更炮製了煙花匯演冧老婆。

千嬅 與比較年少的男人特別有緣,張志明助她坐上影后寶座;老公丁子高更為她帶來美滿的家庭生活。談到「姊弟戀」開花結果, 千嬅 雖比丁子高大五年,但她指出年紀大並不等於心智成熟,相反亦然。「我覺得我哋係緣份,我唔係以年紀做出發點去搵一個伴侶,即使年紀大我好多都未必成熟,60歲唔成熟我都見過,所以兩個人喺埋一齊靠溝通同緣份。」

親子閱讀 揀學校故事書

父母為孩子講故事,能深深影響他們的將來,春嬌年近40,仍深深記着媽媽在她小時候所講的《趷趷剛》打怪獸故事。其實該故事是彭浩翔的外母所講,彭導覺得血腥得來很有趣,就拍出來放在《春嬌》開首。

7
每段關係當經歷了一段時間,必會遇上樽頸位,千嬅勉勵大家要忠於自己的直覺,並回想過去與伴侶的開心經歷,不忘初衷,相信你對這段關係會有新體會。

千嬅 不敢將《趷趷剛》告訴兒子,因怪獸會食小朋友太驚嚇,「連King Kong都唔畀佢入場睇啦!」 千嬅 會選擇講多圖畫的故事書,培養Torres的閱讀興趣,不過隨着Torres長大,由以前天馬行空亂講一通,到現在主要講學校的故事書。「我冇天馬行空喇,依家小朋友好聰明,會踢橋㗎!佢會反問我好多問題,所以依家一定要講原著,有圖有聲有畫。學校嘅故事書最啱,兩文三語都有,又可以溫功課,又可以同佢溝通,簡直一石二鳥!仲有好多朋友送嘅圖書都會講,唔需要特登去搵啲乜嘢。」

8
千嬅 無論工作幾忙都好,都會盡量抽時間陪囝囝玩,寧願自己瞓少啲。
9_new
囝囝迷上砌LEGO,千嬅 都好投入一齊玩。
10
千嬅 好少帶囝囝看自己的電影,只會帶他看適合小朋友的電影,例如最近的《美女與野獸》,散場後兩母子討論劇情,Torres還逐個角色問真名。

囝囝嫌彭浩翔著作

彭導笑她夜晚講故事似教書, 千嬅 反駁:「我唔係用教書聲吖嘛!要睇人嘅性格,我會畀佢講先,佢識睇書喇嘛,『Torres你先講俾媽咪聽個故事講咩吖!』之後先到我講。」

彭導建議Torres看他的著作, 千嬅 話Torres有看過,但太多字完全無興趣,「佢拎過你送畀我嗰本pocket size嘅書,佢開頭睇覺得好靚,但揭揭吓唔對路,全部都係字覺得好怪就擺低咗。」

彭導介紹自己把很多小故事結集成書,可謂「100個床前小故事」,家長可以快快讀完收工。「啲古仔好犀利㗎,你講俾佢聽吖嘛!」 千嬅 沒好氣道:「就係犀利得滯,我要將佢變成圖畫去講,即係無端端要提升埋我學習水平?好似係我要讀書喎咁樣。佢啲故事好電影化,只係一場戲,好似『我依家落去買杯雪糕,完。』點呀?我要作埋落去呀?」

11
春嬌與志明這兩個角色一路走來已經第八年,陪伴不少觀眾成長,希望兩人的感情會開花結果。彭導覺得最重要是觀眾從春嬌與志明身上,找到自己生活的影子,對生活有所啟發。

xx

鐵人媽媽靠飲咖啡提神

千嬅 早前許下生日願望,希望Torres入到一間好的小學,去年更減少工作照顧小朋友,曾揚言一解決了Torres的入學問題,就可以更專心工作。千嬅 一向緊張囝囝的學業,但囝囝乖巧,教功課都未算勞氣,「對住彭導演仲勞氣,成日要乞求劇本!」

13
千嬅 湊仔親力親為,近年更減少工作量照顧家庭,今年的生日願望希望囝囝入到好學校,自己就能專心投入工作。

既要工作又要湊仔,對在職媽媽來說,一日24小時都不夠用,千嬅 靠飲咖啡去保持醒神狀態,「總之唔好俾自己瞓,工作期間保持精神抖擻;返到屋企見到個仔就好開心㗎喇,所以冇問題。」千嬅自封鐵人媽媽,拍戲的三十多日中,她朝早七時起床與囝囝打招呼,之後瞓到返夜班,如果拍通宵,朝早收工先送囝囝返學,再回家抱頭大睡,連丁生都讚過她萬能媽媽,無論幾忙都會抽空陪囝囝,千嬅說:「佢客氣啫,佢驚我叫佢買車畀我,哈哈!」

15
Torres由玩煮飯仔開始愛上烹飪,今年更親手為媽媽製仔Brownie生日蛋糕。

30多天的拍攝期間,千嬅 沒有帶囝囝去片場,一來時間不適合,二來避免分心,到電影上畫都不會帶囝囝入場,她坦言很少帶他看自己的電影,因為年紀不適合,唯獨一套《五個小孩的校長》。「佢開始讀書喇嘛,佢睇得明,會跟住小朋友啲線去,佢問我:『媽咪,點解啲小朋友咁慘冇得喺屋企做功課?』我話係呀,所以你好幸福,你要乖乖哋,好多小朋友都好獨立㗎。呢套戲就啱佢睇喇,可以從中教佢。」

16
千嬅 一直有keep低囝囝的成長紀錄,收集囝囝的頭髮、腳印、臍帶,甚至胎毛,比收藏鑽石更重要!
14
在教仔上丁生負責做嚴父角色, 千嬅 是鐵人慈母,所以囝囝比較驚爸爸, 但亦與爸爸玩得最癲。

感情不要忘初衷

至於會否開拍下一輯,彭導打趣謂可能拍春嬌停經。「故事發展好難講,可能係有咗,可能係詐糊,亦可能係停經。」 千嬅 聞言立即落閘:「未停經前已經反面啦,套戲再拍落去仲唔提早停經呀?就嚟心臟病呀對住你咁耐!」

12
在職媽媽不易做,更何況 千嬅 是樂壇天后、影后級人馬,一日24小時都不夠用,但全靠老公和囝囝的支持,她每日都能抖擻精神工作,一收工見到囝囝迎接回家便忘卻煩惱。

千嬅 希望觀眾睇完第三集《春嬌》,對自己的感情能夠有所啟發,希望大家能忠於自己的直覺而行。「你嘅直覺可能係你嘅命運,千祈唔好迫自己。中間有咩問題或者結果唔好,至少你呢個經歷係開心,所以要忠於自己生活,不忘初衷。每對情侶一經歷咗長時間,必定會遇到樽頸位,即使結婚後20年、到50歲都會有問題,點去解決?不如諗番以前美好時光,點解會認識同愛上呢個人,就係因為我哋唔記得咗,先包容唔到佢嘅決點,當初呢啲缺點都係你愛佢嘅理由,我覺得大家都應該要諗下以前嘅開心片段。

8P0A0338X

 

讀者留言

更多精選內容