包包

萌B 包包 爆紅 徐榮父憑包貴

育兒

廣告

要數城中人氣萌B,有鄭希怡囡囡梁浸浸、周汶錡囝囝Jacques,冠軍一定是TVB藝員徐榮的囡囡 包包 (徐心怡Kerry)!現已八個月大的 包包 ,自《愛·回家》飾演「馬家好」後人氣勁升,眼仔碌碌人見人愛,至今儲落大班粉絲,facebook專頁貼張相即迅吸幾千likes,難怪廣告商爭邀拍廣告,連帶爸爸徐榮也受惠,一齊父女檔上陣。 包包 出世後好旺爸爸,《愛·回家》完結後繼續劇接劇,父親節都要繼續開工,問徐榮今年的父親節願望,他不只求合家平安,學業進步,而是希望香港好,人人都好:「希望香港少啲怨氣,我覺得依家香港好分裂,無論反對定支持,發表吓意見都俾另一方鬧,以前香港唔係咁㗎?希望香港正面啲,唔好咁極端,所有家庭都開開心心啦。」

粉絲影相 要女唔要公

包包 之所以叫 包包 ,皆因面形似個包,是婆婆改的乳名。包包人氣之高,比爸爸更甚,徐榮笑稱行出街好多人認得 包包 ,爭相求影selfie,但要女唔要公:「有次我抱住佢,有個姐姐埋嚟問可唔可以同佢selfie,我抱住佢……可唔可以影埋我呀?」不過徐榮當然無呷醋,因為記得 包包 即是記得他,對他也有幫助,「啲人仲係話徐榮個女徐心怡,唔係徐心怡個老竇徐榮,哈哈哈!」現在即使婆婆抱 包包 出街,粉絲一樣認得她,媽媽抱就更多人認得,因為 包包 似足媽咪,但徐榮話 包包 都似自己,「其實票數係一半一半,對眼同條眉都有啲似我㗎,面形就似太太!」明嘅,BB生得可愛,父母都會爭認餅印!

未學行先踢波

包包兩個月大就拍劇,見慣大場面,培養了不怕陌生人及好動的性格,不過隨着她日漸長大,開始變得「有性格」,徐榮說:「之前拍嘢你引吓佢、俾個公仔佢就笑,依家睇心情㗎喇,你引佢都未必笑,影嘢難咗,開始有思想識諗嘢。」 包包來到一個陌生地方拍攝,不會哭,但會眼仔碌碌四圍望,屬於觀察型BB,連堪輿學家李丞責師傅都指她頭髮幼密,是讀書材料;九歲的哥哥則頭髮粗,屬運動型,好中point,皆因哥哥徐朗(Karson)是足球小將,現入選傑志U10青年軍,曾獲派至西班牙比賽,立志成為職業足球員。不過包包都遺傳了爸爸和哥哥的運動細胞,七個月大未行穩,已經識大腳踢波,正所謂未學行先學踢,話唔定將來做個女子足球員,徐家一門雙傑!「哥哥真係想個妹踢波呀,因為佢哋大表姐係女子U14港隊,細表姐就玩音樂,我都想個女學吓音樂,所有小朋友都應該要識晒兩樣。」

 

無後悔太遲生多個

當 兄弟姊妹相差幾年以上,已經會出現代溝,你有你玩,我有我玩,包包與哥哥的年齡更相差八年,難得兩人相親相愛,皆因這個可愛妹妹,是哥哥求了父母幾年才得 償所願的禮物,因此哥哥份外珍惜,落手落腳湊妹妹,是餵奶換片的好幫手,徐榮說:「佢哋嘅互動好搞笑,真係湊住妹妹咁,好似妹妹發脾氣,佢會氹番個妹, 『哎呀,你唔好咁啦!』如果兄妹爭一兩年,阿哥實嘈埋一份。」 包包能帶給全家、甚至全港市民歡樂,又能帶旺自己,徐榮有否後悔太遲生多個?「冇後悔,呢啲嘢整定嘅,我一路都冇諗住生多個,只不過呢兩三年,大仔係咁求 我哋生多個妹妹,咁生小朋友要諗好多嘢,工作、經濟、讀書等等,如果我可以就晨早應承佢啦,咁第三年我覺得各方面都容許生多個,事業又OK,當時傾咗約覺 得幾好,咁試吓又OK,仲要係女,得償所願。」 徐家多了一個小女兒,簡直是全個家族之光,皆因徐家上下統統生仔,包包可謂「徐家族獨女」,「我阿哥生仔,我老竇啲兄弟又係全部生仔,有咗包包之後,嘩! 我老竇開心到流晒口水,次次一嚟就猛咁影相!」阿女咁旺,生多個再旺啲啦!「夠喇,等我中咗六合彩先諗啦,哈哈!」

 

●撰文:Ling ●攝影:Paul Choi (部分相片由受訪者提供)

Save

你有獨家湊BB心得嗎?

更多精選內容