BB個樣唔同哂 陳柏宇老婆Leanne大呻：下次過關點算？
歌手陳柏宇（Jason）同太太符曉薇（Leanne）嘅可愛囡囡Abigail去年9月出世，佢哋仲經常喺社交媒體分享佢哋愛情結晶品嘅近況添。睇返Abigail而家個樣，似乎同出世個樣大不同呢，果然BB都大得非常快！
撰文：Leo Fu| 資料來源、圖片：Instagram
昨日Leanne就喺IG上載咗張相，見到Abigail四個月前影嘅證件相睡眼惺忪眼仔細細咁嘅樣，但到日前再影相時已有好大分別，對眼大咗好多五官仲出晒嚟，十分精靈可愛！尖尖嘅下巴仔睇起上嚟仲開始有幾分似Leanne添，難怪Leanne亦大呻：「你下次過關點算？」認真笑爆嘴！
