陸永訓導囡囡忍唔住笑 竟然話自己係嬲到笑?

早排《Do姐再Shopping》熱播,經常喺電視熒幕見到陸永大講笑話,佢嘅搞笑形象觀眾非常受落。返到現實生活,陸永作為兩個囡囡嘅爸爸,原來佢都會收起笑容,擔當嚴父角色。不過,陸永今次竟然俾囡囡引到笑咗出聲,嚴父形象幻滅?一齊睇吓發生咩事!

撰文:Sunday Kiss

圖片:missussix@Instagram

陸永訓導囡囡忍唔住笑

陸永老婆Reina日前喺Instagram分享影片,原來係兩個囡囡做錯事俾爸爸陸永訓話!Reina話:「要話要罰要教嘅我都處理好曬,不過陸生返到嚟,我都循例向佢滙報一下今日喺屋企發生嘅大少事情」。

陸太形容今次事件係類似「華盛頓砍到爸爸棵櫻桃樹嗰單案」,唔怪得陸永都要出手訓導囡囡。雖然陸永平時講笑話自己都唔會笑,但偏偏今次教女嘅時候就忍唔住笑咗出聲!點解會咁呢?原來係一向古靈精怪嘅細女SimSim作怪!佢俾爸爸訓話時不經意咁做出啲引人發笑嘅表情,雖然唔係有心引人笑,但陸永見到都忍唔住笑咗出聲呀!

一開始陸永都好認真咁教導囡囡,又問返佢哋講大話嘅原因。

但之後背向鏡頭嘅SimSim唔知做咗咩搞鬼表情,令爸爸都忍唔住笑咗出嚟,仲俾SimSim指住嚟話「你笑咗喎」!

之後陸永就話:「我宜家係嬲到笑呀!」,點知就俾囡囡問返佢笑嘅原因,陸永靈機一觸話:「笑你哋醜呀!」

之後,童言無忌嘅SimSim仲問爸爸:「醜咩呀?話俾我聽呀唔該!」,連喺鏡頭後嘅Reina都話自己忍唔住笑咗!雖然陸永努力咁將話題轉返去「講大話事件」上,但最後都俾SimSim嘅一句「瞓覺喇!」打敗咗!

 

下一頁:DJ 朱薰 推崇「羅家英」教學法

你有獨家湊BB心得嗎?

更多精選內容