靚媽廚神梁雅琳 六招改善小朋友偏食

靚媽廚神梁雅琳 六招改善小朋友偏食

一家人的關係,每日從一張餐桌連繫起來,孩子與父母分享學校生活,父母亦從而做好身教。前落選港姐梁雅琳為追求夢想,當起一名廚師,在家中更成為「女煮人」,教導四歲女兒鄺晞婷(Ellie,乳名阿Bu)一齊「入得廚房,出得廳堂」,令女兒自小愛上健康飲食,從不偏食,更一齊發蛋、整曲奇、預備每天晚餐,是絕佳的親子活動,Hilda明言能與阿Bu一齊分享喜好,感覺好幸福。

自阿Bu兩歲起,Hilda就讓她享受下廚樂,由準備色彩繽紛的食材開始教導,讓女兒愛上每種食物,加上千變萬化的煮法,吸引女兒每日自薦幫忙,不止「幫手食」咁簡單,Hilda今次分享了六大法寶,幫助家長改善孩子偏食問題。

撰文︰Ling
攝影︰Killy Sung(部分相片由受訪者提供)
場地︰[email protected] Bay(Tel: 2506 0688)

梁雅琳把兒時夢想化為事業,當起媒體廚師、烹飪導師、食譜書作者、專欄作家等等,對現狀十分滿足,她希望女兒長大後亦能追隨自己的夢想。
梁雅琳把兒時夢想化為事業,當起媒體廚師、烹飪導師、食譜書作者、專欄作家等等,對現狀十分滿足,她希望女兒長大後亦能追隨自己的夢想。

2歲開始廚房教育

阿Bu性格活潑幽默,是一個開心的小朋友,尤其見到食物會雙眼發光!「佢同我一樣見到食物就好開心,應該遺傳咗我,可以同佢一齊分享相同興趣好幸福!」阿Bu似媽咪為食,亦似爸爸喜歡戶外活動及汪洋大海,令原本不好戶外活動的Hilda也要同行。「以前我都唔會陪老公去海灘曬太陽,但阿女好鍾意去海灘游水,反而我畀佢感染咗。」

Hilda認為一日三餐是平衡生活的一種,早餐與老公二人世界拍拖,午餐在工作和朋友間進行,晚餐則是家庭時間,一張餐桌可以聯誼到不同關係。
Hilda認為一日三餐是平衡生活的一種,早餐與老公二人世界拍拖,午餐在工作和朋友間進行,晚餐則是家庭時間,一張餐桌可以聯誼到不同關係。
Hilda指囡囡屬於大海,受囡囡感染下,自己也多到戶外活動。
Hilda指囡囡屬於大海,受囡囡感染下,自己也多到戶外活動。

Hilda自囡囡兩歲起,就讓她一起下廚,每年母親節就一同拍攝「親子下廚片」,雖然場面混亂,但見到囡囡享受下廚樂,一切都值得。「開頭佢都係為食先入廚,食晒我準備嘅材料,但依家佢開始享受同我一齊煮,唔會淨係掛住食。」問阿Bu最鍾意煮甚麼,她說︰「我鍾意同媽咪煮麵麵、菜菜、Pizza,仲有發蛋,鍾意喺屋企煮。」

親子去超市shopping亦能讓小朋友投入每餐飯中。
親子去超市shopping亦能讓小朋友投入每餐飯中。

親自下廚 教育最重要

Hilda笑指每次入廚房,阿Bu都走入來自薦幫手,「佢會問我煮緊咩?可唔可以幫手洗菜、搣洋葱,好主動,因為佢覺得入廚好好玩。」Hilda讚阿Bu發蛋最努力,發足十幾分鐘,雖然暫時未完成過一道菜式,但好多菜式都有參與。

Hilda對囡囡的教育比較寬鬆,學術上不會催谷,升小亦未有計 劃,她比較著重培養囡囡的性格、道德觀和發掘興趣。
Hilda對囡囡的教育比較寬鬆,學術上不會催谷,升小亦未有計 劃,她比較著重培養囡囡的性格、道德觀和發掘興趣。
廚房有爐頭和大量刀具,一不小心易生意外,很多家長都限制孩子進出廚房。Hilda也同意廚房有一定危險性,所以親子下廚最重要是教育,並為孩子購入一些安全廚具。「首先要同小朋友講解最危險嘅地方,點樣會整親,家長亦要用非常肯定嘅語氣講解,小朋友係會學習到,而且坊間有啲廚具係啱小朋友用,刀具唔會切親手。」阿Bu聞言也搶答道:「刀係好危險,會整親手,我要小心。」阿Bu牢記著媽咪的教導,十分叻女!一直有教授親子班的Hilda補充,低至兩歲的小孩已可接觸烹飪,由準備食材開始,例如學習剝香蕉皮,認識不同食物。

從色彩繽紛的食材入手

小朋友好多時有偏食習慣,最不喜歡食蔬菜,覺得淡而無味。阿Bu不單止沒有偏食,更非常喜歡食蔬菜,她表示最鍾意食番茄、茄子、粟米和秋葵,「同埋花花嘅vegetable!」即是西蘭花、椰菜花,有賣相又好味!

阿Bu鍾意食番茄、茄子、粟米等不同顏色的蔬菜。
阿Bu鍾意食番茄、茄子、粟米等不同顏色的蔬菜。
Hilda建議家長,首先從選擇食材入手,多用色彩繽紛的配搭。「一餐最少有四五種顏色,唔同顏色代表唔同營養素,一餐有粉紅色、綠色、紫色,已經提高到小朋友食慾。」第二,父母應多讓小朋友一起下廚,提高他們對食物的認知和進食意欲,包保小朋友會把完成品食清光!

阿Bu話將來也想做一個廚師,但她怕刀會走開,媽咪要負責煮多些,自己會幫手食。似乎她想做食家多過做廚師!
阿Bu話將來也想做一個廚師,但她怕刀會走開,媽咪要負責煮多些,自己會幫手食。似乎她想做食家多過做廚師!

Hilda的好友Pizza Express產品研發經理鄭慧芝(Sophia),訪問當日與Hilda進行廚藝比拼,她亦有貼士提供,要培養孩子有健康飲食習慣,父母需要以身作則,並把蔬菜煮成不同形狀或打成醬汁去吸引孩子,她透露還有一招撒手鐧:「我帶兩個仔同朋友仔gathering時,當朋友仔食菜嗰陣,我就話『嘩!你睇吓小朋友食菜幾叻,不如你都試吓!』呢招好有效!」Hilda相當同意,把蔬菜切條、切粒或打成醬汁,令小朋友不覺得沉悶。「每一種食法、每一種口感都唔同,好似將蔬菜切條可以包成米紙卷,或者切粒鋪喺Pizza上面,就容易吸引小朋友食多啲。」

Hilda代表香港癌症基金會出戰是次的Cook Off廚藝挑戰賽,炮製了一道「超級」Pizza,將羽衣甘藍、藜麥、果仁、紅石榴等Superfoods 融入當中,健康又美味。
Hilda代表香港癌症基金會出戰是次的Cook Off廚藝挑戰賽,炮製了一道「超級」Pizza,將羽衣甘藍、藜麥、果仁、紅石榴等Superfoods 融入當中,健康又美味。
Hilda代表香港癌症基金會出戰是次的Cook Off廚藝挑戰賽,炮製了一道「超級」Pizza,將羽衣甘藍、藜麥、果仁、紅石榴等Superfoods 融入當中,健康又美味。

Hilda特別提醒家長要留意天氣,隨時影響孩子的食慾,「天氣咁熱你仲煲粥,大人都唔想食啦,更何況係小朋友,應該煮一啲輕盈菜式。」家長亦需要多動腦筋,在創意方面下些工夫,不能獨沽一味。「唔好一日三餐,一星期每餐午飯都係炒飯,大人都覺得悶啦。好似五穀類需要進食多啲,選擇都有好多,烏冬、米粉、通粉、意粉都係,意粉仲有好多唔同形狀;米飯都有好多款,白米可以加啲藜麥落去變唔同顏色;蔬菜有更多顏色同質感仲多嘢玩!」

媽咪每次煮食,阿Bu都會主動幫手,因為覺得下廚好好玩。
媽咪每次煮食,阿Bu都會主動幫手,因為覺得下廚好好玩。
Hilda透過以下六方法,成功令囡囡愛食蔬果,從不偏食。
Hilda透過以下六方法,成功令囡囡愛食蔬果,從不偏食。

6招改善偏食

  1. 選擇色彩繽紛的食材
  2. 多與孩子親子下廚
  3. 父母身教多吃蔬菜
  4. 把蔬菜煮成不同形狀或打成醬汁
  5. 留意天氣變化
  6. 要有創意,每餐應用不同食材配搭

讀聖保羅堂有禮貌

除了廚房和飲食教育之外,Hilda十分重視培養囡囡性格及發展興趣,學術是其次,長大後可以慢慢學。「阿女依家仲細,我想佢享受童年,玩多啲、體驗多啲,尤其香港嘅環境比較大壓力,更加要培養佢開心、願意傾訴嘅性格。」

要吸引小朋友多食蔬菜,食材準備要多樣化,切條、切粒或打成醬汁,令小朋友不覺得沉悶。「每一種食法、每一種口感都唔同,小朋友自然鍾意食多啲啦。」

現就讀聖保羅堂幼稚園K2的阿Bu,校園生活很愉快,Hilda希望她在傳統幼稚園能打好根基,學好正確價值觀,並讚揚學校有愛心,壓力不大,「只要同學校做好溝通就OK,校長老師都好有心,我見小朋友出到嚟都學得開心,好有禮貌。」

一日三餐連繫不同關係

對Hilda這位「女煮人」來說,一日三餐代表連繫不同關係:早餐是與老公拍拖的時間,每日出街食不同早餐,午餐及下午茶與朋友、同事或學生一齊享受,晚餐則是familytime,一家三口在飯桌上無所不談。「其實都係平衡生活嘅一種方法,家人重要,朋友都好重要,食係維繫到所有人。」

為推廣健康飲食及家人同枱食飯的觀念,Hilda創辦了小店並親自挑選引入多款健康食材、零食、乾果小食及廚具,希望令更多家庭享受下廚樂和同枱食飯。不過,Hilda不會要求阿Bu做她的接班人,繼承小店做大廚,她希望阿Bu能發掘自己興趣,走出自己的道路。「佢個人好搞笑幽默,又鍾意魔術,可能佢將來做棟篤笑、做小丑都唔定,佢做乜嘢我哋真係無所謂,總之佢搵到興趣同夢想,我哋陪伴佢發展,希望佢堅持落去。」聽到媽咪一番肺腑之言,阿Bu就話:「我想做一個chef,但有刀我會喊,好熱我會走開,媽咪繼續煮,我會食嘢嘅。」即係想做食家啦,爸爸媽媽一定會陪佢食呢!

Hilda未打算追多個,覺得一個夠晒數,希望專心教好囡囡。
Hilda未打算追多個,覺得一個夠晒數,希望專心教好囡囡。
Hilda指囡囡性格好搞笑,說不定將來會搞楝篤笑呢!
Hilda指囡囡性格好搞笑,說不定將來會搞楝篤笑呢!

小朋友食譜分享

蛋白蘋果塔

材料:
蛋白    2個
糖粉    50克
現成果塔皮 8個
餡料:
蘋果    ½個(約80克,洗淨,去核)
糖     ½湯匙
檸檬汁   1茶匙
肉桂粉   ⅛茶匙
提子乾   1湯匙
檸檬絲   少許
做法:
1)準備餡料:小煲內下蘋果、糖和檸檬汁,以中火拌煮至糖溶,加入肉桂粉、提子乾和檸檬絲拌勻,盛起。
2)大碗內放入蛋白,用電動打蛋器打至起泡,加入一半糖粉,攪拌至形成白色泡沫,再加入餘下糖粉,繼續攪拌至企身成蛋白霜,放入唧袋內。

3)現成果塔皮放入已預熱焗爐內烘1分鐘,取出,放上餡料,唧上蛋白霜。
4)放入已預熱至180℃焗爐內焗3-4分鐘至金黃,完成。
貼士:此款迷你蘋果塔餡料偏酸,能中和味道偏甜的蛋白霜。

薯蓉漢堡

材料:
素肉碎      80克
青甜椒、紅甜椒  共35克(去籽,切粒)
蒜茸       1/2茶匙
番茄       20克(去籽,切粒)
薯蓉       100克
大啡菇      1個
英式鬆餅     1個
生菜       適量

做法 :
1)鑊內下油加熱,下素肉碎、青甜椒、紅甜椒和蒜茸,以中火炒香至熟,盛起。
2)加入薯蓉拌勻,塑成漢堡狀。
3)鑊內下油加熱,下薯蓉漢堡煎至兩面金黃,盛起;鑊內下油加熱,下大啡菇,以中火煎熟,盛起。
4)英式鬆餅對半切開,放鑊內烘熱,夾上薯蓉漢堡、生菜和大啡菇,完成。

下一頁:滋潤止咳海底椰粟米湯

下一頁:健脾利水 木瓜生魚花生湯


讀者留言

更多精選內容